મહિલા ભારતીય ટીમ ન્યૂઝીલેન્ડને હરાવીને U19 T20 વર્લ્ડ કપની ફાઇનલમાં પહોંચી

ભારતીય મહિલા ક્રિકેટ ટીમે શાનદાર પ્રદર્શન કરતા અંડર-19 મહિલા વર્લ્ડ કપની ફાઇનલમાં જગ્યા બનાવી લીધી છે. શુક્રવારે પોચેફસ્ટ્રુમના સેનવેસ પાર્કમાં રમાયેલી સેમીફાઇનલ મેચમાં ભારતીય ટીમે ન્યૂઝીલેન્ડની ટીમને 8 વિકેટે હરાવી દીધી. હવે ફાઇનલમાં ભારતીય મહિલા અંડર-19 ટીમનો સામનો ઓસ્ટ્રેલિયન અને ઇંગ્લેન્ડ વચ્ચે થનારી બીજી સેમીફાઇનલ મેચની વિજેતા સાથે થશે. ભારતીય મહિલા ટીમને જીત માટે 108 રનોનો ટારગેટ મળ્યો હતો, જેને તેણે 14.2 ઓવરોમાં જ હાંસલ કરી લીધો હતો.

શ્વેતા સેહરાવતે ફરી એક વખત શાનદાર રમત દેખાડતા 45 બૉલમાં નોટઆઉટ 61 રન બનાવ્યા જેમાં 10cr ફોર સામેલ હતા. તો સૌમ્યા તિવારીએ 22 રનોની ઇનિંગ રમી હતી. જો કે, કેપ્ટન શેફાલી વર્મા આ મેચમાં કમાલ ન દેખાડી શકી અને તેના બેટથી માત્ર 10 રન નીકળ્યા હતા. ટોસ હારીને પહેલા બેટિંગ કરવા ઉતરેલી ન્યૂઝીલેન્ડની મહિલા અંડર-19 ટીમની શરૂઆત ખૂબ જ ખરાબ રહી અને તેણે 5 રનના સ્કોર પર જ પોતાના ઓપનિંગ બેટ્સમેનોની વિકેટ ગુમાવી દીધી હતી.

#TeamIndia march into the Finals of the #U19T20WorldCup.

They become the first team to reach the finals of the inaugural #U19T20WorldCup ???

Way to go #WomenInBlue! pic.twitter.com/4H0ZUpghkA

— BCCI Women (@BCCIWomen) January 27, 2023

એના બ્રાઉનિંગને (1) જ્યાં મન્નત કશ્યપે સૌમ્યા તિવારીના હાથે કેચ આઉટ કરાવી. તો એમા મેકલિયોડને 2 રનના અંગત સ્કોર પર ટાઇટસ સાધુએ LBW કરી હતી. બે વિકેટ પડ્યા બાદ જોર્જિયા પ્લીમર અને વિકેટકીપર બેટ્સમેન ઇસાબેલ ગેઝે 37 રનોની પાર્ટનરશિપ કરીને ઇનિંગને સંભાળવાનો પ્રયત્ન કર્યો, પરંતુ ગેઝ આઉટ થયા બાદ વિકેટ પડવાનો સિલસિલો ફરીથી શરૂ થઇ ગયો, જે અંતિમ ઓવર સુધી ચાલુ રહ્યો. પરિણામે ન્યૂઝીલેન્ડની ટીમ 20 ઓવરોમાં 9 વિકેટ ગુમાવીને 107 રન જ બનાવી શકી.

A dominant performance sends India through to the #U19T20WorldCup final!

? Scorecard: https://t.co/s4DNWC2Sr7

Watch the action live and for FREE on https://t.co/CPDKNxoJ9v (in select regions) ? pic.twitter.com/ccqSFmFMTj

— ICC (@ICC) January 27, 2023

પ્લીમરે 32 બૉલનો સામનો કરતા સર્વોચ્ચ 35 રન બનાવ્યા, જેમાં 2 ફોર સામેલ હતા. તો ઇસાબેલ ગેઝે 4 ફોરની મદદથી 26 રનોની ઇનિંગ રમી. આ બંને સિવાય કેપ્ટન ઇઝી શાર્પ (13) અને કેલી નાઇટ (13 રન) જ ડબલ ડિજિટ સુધી પહોંચી શકી. ભારતીય ટીમ તરફથી પાશ્વી ચોપડાએ 20 રન આપીને 3 વિકેટ લીધી. તો ટી. સાધુ, મન્નત કશ્યપ, શેફાલી વર્મા અને અર્ચના દેવીને પણ 1-1 વિકેટ મળી. તો પેજ લૉગેનબર્ગ અને કાઇલી નાઇટ રન આઉટ થઇ. તો ન્યૂઝીલેન્ડ તરફથી એના બ્રાઉનિંગ જ વિકેટ લઇ શકી.

વર્લ્ડ કપમાં ભારતીય મહિલા ટીમની સફર:

દક્ષિણ આફ્રિકન ટીમને 7 વિકેટે હરાવી (ગ્રુપ મેચ).

UAE વિરુદ્ધ 122 રનોથી જીત (ગ્રુપ મેચ).

સ્કોટલેન્ડને 83 રને હરાવી (ગ્રુપ મેચ).

ઓસ્ટ્રેલિયા વિરુદ્ધ 7 વિકેટે હાર.

શ્રીલંકા વિરુદ્ધ 7 વિકેટે જીત.

ન્યૂઝીલેન્ડને હરાવીને ફાઇનલમાંઆ પ્રવેશી.