છેલ્લા ત્રણ દિવસમાં અમેરિકા, ઇરાન અને મિડલ ઇસ્ટ (મધ્ય પૂર્વ) માંથી કેટલીક એવી ઘટનાઓ સામે આવી છે, જેને કારણે મોટા પાયે લશ્કરી તણાવ અને યુદ્ધની અટકળો તેજ થઈ ગઈ છે. જોકે, અમેરિકા દ્વારા હજુ સુધી કોઈ નવા હુમલાની સત્તાવાર જાહેરાત કરવામાં આવી નથી, પરંતુ જે પ્રકારની હિલચાલ જોવા મળી રહી છે તે ગંભીર સંકેત આપી રહી છે.
છેલ્લા 72 કલાકના 11 મોટા અપડેટ્સ નીચે મુજબ છે:
1. ડોનાલ્ડ ટ્રમ્પ અચાનક વ્હાઇટ હાઉસ પરત ફર્યા
અમેરિકી રાષ્ટ્રપતિ ડોનાલ્ડ ટ્રમ્પે તેમના પુત્રના લગ્ન સાથે જોડાયેલો કાર્યક્રમ અને તેમનો વીકેન્ડ પ્લાન અચાનક રદ કરી દીધો છે. વ્હાઇટ હાઉસ પરત ફરતી વખતે તેમણે જણાવ્યું હતું કે, સરકારી પરિસ્થિતિઓને કારણે આ નિર્ણય લેવો પડ્યો છે. પાછળથી તેમણે સંકેત આપ્યો હતો કે આ મામલો ઇરાન સાથે જોડાયેલો છે.
2. અમેરિકી સેના અને ગુપ્તચર એજન્સીઓ હાઈ એલર્ટ પર
'CBS' ના અહેવાલ અનુસાર, અમેરિકી સેના અને ગુપ્તચર એજન્સીઓના અનેક વરિષ્ઠ અધિકારીઓએ તેમનો આખો 'મેમોરિયલ ડે વીકેન્ડ' રદ કરી દીધો છે. અહેવાલમાં જણાવવામાં આવ્યું છે કે, અમેરિકા દ્વારા સંભવિત નવા હુમલાની સ્થિતિમાં તાત્કાલિક એક્શન માટે આ અધિકારીઓને 'સ્ટેન્ડબાય' પર રાખવામાં આવ્યા છે.
3. મિડલ ઇસ્ટમાં સૈનિકોની ગોઠવણીમાં ફેરફાર
અહેવાલો અનુસાર, અમેરિકા વિદેશમાં તેની ઇમરજન્સી રિકોલ સિસ્ટમને અપડેટ કરી રહ્યું છે. આ સાથે જ, કેટલાક અમેરિકી સૈનિકોને મિડલ ઇસ્ટની બહાર પણ મોકલવામાં આવી રહ્યા છે, જેથી જો ઇરાન જવાબી હુમલો કરે તો અમેરિકી સૈન્ય ઠેકાણાઓ તેનો ભોગ બનવાથી બચી શકે.
4. તુલસી ગેબાર્ડનું અચાનક રાજીનામું
અમેરિકાના ડાયરેક્ટર ઓફ નેશનલ ઇન્ટેલિજન્સ (DNI) તુલસી ગેબાર્ડે પોતાના પદ પરથી રાજીનામું આપી દીધું છે, જે 30 જૂનથી અમલી બનશે. DNI નું પદ અમેરિકામાં ખુબ જ મહત્ત્વનું માનવામાં આવે છે, કારણ કે આ પદ પર રહેલી વ્યક્તિ જ દેશની તમામ ગુપ્તચર એજન્સીઓના રિપોર્ટ રાષ્ટ્રપતિ સુધી પહોંચાડે છે. આવા નાજુક સમયે તેમનું રાજીનામું ચર્ચાનો વિષય બન્યું છે.
5. ઇરાને પણ સુરક્ષા વધારી, એરસ્પેસ પર પ્રતિબંધ લંબાવ્યો
ઇરાને તેના હવાઈ ક્ષેત્ર (Airspace) પરના પ્રતિબંધો આગામી સોમવાર સુધી લંબાવી દીધા છે. આ સાથે જ ઇરાની સેનાએ એક જાહેર નિવેદનમાં જણાવ્યું છે કે, તેઓ દુશ્મનની કોઈપણ પ્રકારની મૂર્ખતા કે હિંમતનો સામનો કરવા અને તેનો જડબાતોડ જવાબ આપવા માટે સંપૂર્ણ રીતે તૈયાર છે.
6. પાકિસ્તાનના સૈન્ય વડા ગુપ્ત પ્રવાસે તેહરાન પહોંચ્યા
પાકિસ્તાનના આર્મી ચીફ જનરલ આસિમ મુનીર અચાનક અને અત્યંત ગુપ્ત રીતે ઇરાનની રાજધાની તેહરાન પહોંચ્યા છે, જ્યાં ઇરાનના ગૃહમંત્રીએ તેમનું સ્વાગત કર્યું હતું. અહેવાલો અનુસાર, પાકિસ્તાન અને કતાર બંને દેશો છેલ્લા સમયે અમેરિકા અને ઇરાન વચ્ચે મધ્યસ્થી કરાવીને યુદ્ધ ટાળવાના પ્રયાસો કરી રહ્યા છે.
7. કતારની હાઈ-લેવલ ટીમ પણ તેહરાનમાં
રોઇટર્સના અહેવાલ મુજબ, સંભવિત યુદ્ધને રોકવા અને અન્ય વિવાદોનો ઉકેલ લાવવા માટે કતારની એક વિશેષ ટીમ પણ શુક્રવારે તેહરાન પહોંચી ચૂકી છે અને વાટાઘાટો ચલાવી રહી છે.
ઇરાનનું આક્રમક વલણ: 'ટ્રમ્પ પાસે કોઈ બીજો રસ્તો નથી'
ઇરાનના સંરક્ષણ મંત્રાલયના પ્રવક્તા રઝા તલાએ-નિકે ડોનાલ્ડ ટ્રમ્પને લઈને એક અત્યંત કડક અને મોટું નિવેદન આપ્યું છે. તેમણે કહ્યું છે કે:
‘અમેરિકા પાસે ઇરાની જનતાની માંગણીઓ સ્વીકારવા અને ઇરાનના અધિકારોને માન્યતા આપવા સિવાય અન્ય કોઈ વિકલ્પ બચ્યો નથી. યુદ્ધ થાય કે વાતચીત, બંને પરિસ્થિતિમાં અમેરિકા અને ઇઝરાયલે આ જ રસ્તો અપનાવવો પડશે. જો તેઓ ઇરાનની માંગણીઓ નહીં સ્વીકારે, તો બંને દેશોએ ભારે નુકસાન ભોગવવું પડશે.’
વૈશ્વિક સ્તરે થઈ રહેલા અન્ય મહત્ત્વના પ્રયાસો:
