તમે એક્ટિવા ભૂલી જશો... હોન્ડા ADV 125માં ફીચર્સનો છે ઢગલો

EICMA 2026માં વાહનો માટે એન્ટ્રીઓ શરૂ થઈ ગઈ છે. આ વૈશ્વિક સ્તરે લોકપ્રિય મોટર શોમાં, હોન્ડાએ તેનું નવીનતમ એડવેન્ચર સ્કૂટર રજૂ કર્યું છે. અમે હોન્ડા ADV 125 વિશે વાત કરી રહ્યા છીએ, જે ADV 160નો સસ્તો વિકલ્પ હશે. તે શહેરી વપરાશકર્તાઓને ધ્યાનમાં રાખીને બનાવવામાં આવ્યું છે.

અહીં તમને બતાવી દઈએ કે, કંપનીએ આ સ્કૂટર લોન્ચ કર્યું નથી, પરંતુ તેને મોટર શોમાં પ્રદર્શિત કર્યું છે. આ સ્કૂટર શક્તિશાળી સુવિધાઓ અને ઇંધણ-કાર્યક્ષમ એન્જિન સાથે આવે છે. તે 125cc એન્જિન આપવામાં આવ્યું છે. ચાલો આપણે જાણી લઈએ કે, આ સ્કૂટરમાં બીજું શું ખાસ છે.

હોન્ડા ADV 125માં 125cc લિક્વિડ-કૂલ્ડ એન્જિન આપેલું છે જે 12.5PS પાવર અને 11.7Nm ટોર્ક ઉત્પન્ન કરે છે. આ સ્કૂટર ફાસ્ટ એક્સીલેરેશન સાથે આપેલું છે. આ સ્કૂટર 90 કિલોમીટર પ્રતિ કલાકની ઝડપે સરળતાથી ચાલી શકે છે, જ્યારે તેની ટોચની ઝડપ 97 કિલોમીટર પ્રતિ કલાક છે.

ઉત્તમ પ્રદર્શન ઉપરાંત, આ સ્કૂટર ઇંધણ-કાર્યક્ષમ પણ છે. કંપની પ્રતિ લિટર 47.6 કિલોમીટર માઇલેજનો દાવો કરે છે. તે 8.1-લિટર ઇંધણ ટાંકી સાથે આવે છે, જેનો અર્થ છે કે તે ટાંકી ફૂલ ભરેલી હોય તો 385 કિલોમીટર સુધી મુસાફરી કરી શકે છે.

ADV 125માં શાર્પ અને મસ્ક્યુલર બોડીવર્ક આપેલું છે. તેની ડિઝાઇન કંપનીના ADV પરિવાર જેવી જ મળતી આવે છે. સ્કૂટરમાં મોટી વિન્ડસ્ક્રીન, ઇન્ટિગ્રેટેડ DRL સાથે આક્રમક ડ્યુઅલ હેડલેમ્પ્સ, સ્ટેપ-અપ સીટ્સ અને ઉભા એક્ઝોસ્ટ છે.

Honda ADV 125 ચાર રંગ વિકલ્પોમાં ઉપલબ્ધ કરવામાં આવશે, પર્લ ફાલ્કન ગ્રે, પર્લ કૂલ વ્હાઇટ, મેટ સાયનોસ ગ્રે મેટાલિક અને મેટ પર્લ ડાયસ્પ્રો રેડ. સ્કૂટરમાં સ્ટીલ ટ્યુબ્યુલર અંડરબોન ફ્રેમનો ઉપયોગ કરવામાં આવ્યો છે. સિંગલ-ચેનલ ABS પ્રમાણભૂત છે. આગળના ભાગમાં 14-ઇંચ વ્હીલ્સ અને પાછળના ભાગમાં 13-ઇંચ વ્હીલ્સ ઉપલબ્ધ હશે.

Honda ADV 125માં 5-ઇંચ TFT ડિસ્પ્લે હશે, જે સ્કૂટરની બધી વિગતો પ્રદાન કરશે. તેમાં હોન્ડાની રોડસિંક કનેક્ટિવિટી સુવિધા પણ છે, જેને તમારા સ્માર્ટફોન સાથે જોડી શકાય છે. રાઇડર્સ તેમના ફોન પર સંદેશાઓ, નેવિગેશન અને મ્યુજિક કંટ્રોલ કરી શકશે.

અન્ય સુવિધાઓની વાત કરીએ તો, આ સ્કૂટર હોન્ડા સ્માર્ટ કી સાથે આપવામાં આવશે, જે કીલેસ ઇગ્નીશન ઓફર કરે છે. વપરાશકર્તાઓ ચાવીનો ઉપયોગ કર્યા વિના સીટ અને ફ્યુઅલ કેપ પણ ખોલી શકે છે. તેમાં એન્ટી-થેફ્ટ અને આન્સર બેક સુવિધાઓ પણ છે. સ્કૂટરમાં USB ટાઇપ-C ચાર્જિંગ પોર્ટ પણ આપવામાં આવેલું છે.