દુનિયા આ સમયે પહેલેથી જ અશાંતિના સમયગાળામાંથી પસાર થઈ રહી છે. અમેરિકા અને વેનેઝુએલા વચ્ચે વધતો તણાવ, રશિયા-યુક્રેન યુદ્ધ અને પશ્ચિમ એશિયામાં સતત બદલાતી પરિસ્થિતિ સંકેત આપી રહ્યા છે કે વૈશ્વિક રાજકારણ ગમે ત્યારે મોટો વળાંક લઈ શકે છે. આવા વાતાવરણમાં પ્રખ્યાત બલ્ગેરિયન ભવિષ્યવક્તા બાબા વેંગા ફરી એકવાર ચર્ચામાં છે, જેમની ઘણી ભવિષ્યવાણીઓ સમય સાથે સાચી સાબિત થતી દેખાય રહી છે.
એવું માનવામાં આવી રહ્યું છે કે ભૂતકાળમાં બાબા વેંગાની ઘણી ભવિષ્યવાણીઓ સાચી સાબિત થઈ છે, એટલે જ્યારે 2026 અંગેના તેમના કથિત સંકેતો સામે આવ્યા, ત્યારે લોકોની ચિંતા વધાવી સ્વાભાવિક છે. એવો દાવો કરવામાં આવી રહ્યો છે કે બાબા વેંગાએ 2026ને માનવ ઇતિહાસનું સૌથી ખતરનાક વર્ષ પણ ગણાવ્યું હતું. તો, ચાલો હવે તેમની ચાર સૌથી ભયાનક ભવિષ્યવાણીઓને વિગતવાર સમજીએ, જેને લઈને લોકો ખૂબ જ ડરી ગયા છે.
ત્રીજું વિશ્વ યુદ્ધ: પૂર્વથી ઉઠશે આગ?
બાબા વેંગાની સૌથી ભયાનક ભવિષ્યવાણી ત્રીજા વિશ્વ યુદ્ધને લઈને છે. તેમના મતે, વિશ્વમના પૂર્વીય દેશોમાંથી એક મોટું યુદ્ધ શરૂ થશે અને ધીમે-ધીમે પશ્ચિમી દેશોમાં ફેલાશે. દાવો કરવામાં આવી રહ્યો છે કે આ સંઘર્ષ માર્ચ-એપ્રિલ 2026માં ચીન અને તાઇવાન વચ્ચેના તણાવ સાથે શરૂ થઈ શકે છે, અને આગળ જઈને રશિયા અને અમેરિકા જેવા શક્તિશાળી દેશો તેમાં સામેલ થઈ શકે છે. આ યુદ્ધમાં યુરોપને સૌથી વધુ નુકસાન થશે, જે વિનાશ પછી ઉજ્જડ જમીનમાં ફેરવાઈ શકે છે, જ્યારે રશિયા એક મોટી વૈશ્વિક શક્તિ તરીકે ઉભરી શકે છે. આજે, જ્યારે વિશ્વ પહેલાથી જ ઘણા યુદ્ધો અને રાજકીય સંઘર્ષોથી ઘેરાયેલું છે, ત્યારે લોકો આ ભવિષ્યવાણીઓને વર્તમાન પરિસ્થિતિ સાથે સાંકળીને જોવા લાગ્યા છે.
પ્રાકૃતિક આપત્તિ અને આર્થિક તબાહી
બાબા વેંગાની 2026 માટે આગામી ભવિષ્યવાણી યુદ્ધની નહીં, પરંતુ પ્રકૃતિ અને અર્થતંત્ર સાથે સંબંધિત હતી. તેમના મતે, આ વર્ષે વિશ્વના ઘણા ભાગોમાં મોટા ભૂકંપ, જ્વાળામુખી ફાટી નીકળવો, ભારે ગરમી, પૂર અને હવામાનમાં ફેરફાર જોવા મળશે. દાવો કરવામાં આવ્યો છે કે, પૃથ્વીની સપાટીનો લગભગ 7 થી 8 ટકા ભાગ ગંભીર રીતે પ્રભાવિત થઈ શકે છે.
આ સાથે જ, બાબા વેંગાએ એક મોટા આર્થિક પતનની પણ ભવિષ્યવાણી કરી હતી. એવું માનવામાં આવે છે કે આ સમયગાળા દરમિયાન ડિજિટલ ચલણ પ્રભાવિત થશે, બેન્કિંગ સિસ્ટમ નબળી પડશે, વૈશ્વિક મંદી આવશે અને લાખો લોકો બેરોજગારીની ઝપેટમાં આવી શકે છે. એવા સમયે જ્યારે વિશ્વ પહેલેથી જ ફુગાવા અને આર્થિક અસ્થિરતાનો સામનો કરી રહ્યું છે, ત્યારે આ ભવિષ્યવાણી લોકોને વધુ ભયભીત કરી રહી છે.
બાબા વેંગાએ કૃત્રિમ બુદ્ધિમત્તા (AI) અંગે પણ ગંભીર ચેતવણી આપી હતી. તેમનું કહેવું હતું કે 2026માં AI માનવો પર હાવી થવા લાગશે અને ધીમે ધીમે નિર્ણય લેવાની શક્તિ મશીનો તરફ જતી રહેશે. દાવા મુજબ, રોબોટ્સ અને AI સિસ્ટમ્સ ઘણા મહત્ત્વપૂર્ણ નિર્ણયો લેવા લાગશે, જેના કારણે મનુષ્યો પોતાની નોકરીઓ ઝડપથી ગુમાવશે. તેની સાથે જ, વ્યક્તિગત જીવનની દેખરેખ વધશે, અને મનુષ્ય તેમની દૈનિક જરૂરિયાતો માટે AI પર સંપૂર્ણપણે નિર્ભર થઈ જશે.
પૃથ્વી પર એલિયન્સનું આગમન
બાબા વેંગાની સૌથી ખતરનાક ભવિષ્યવાણી એલિયન્સ સાથે સંબંધિત માનવામાં આવે છે. તેમણે કહ્યું હતું કે, એક વિશાળ અવકાશયાન પૃથ્વીના વાતાવરણમાં પ્રવેશ કરશે, અને પ્રથમ વખત માનવોનો બીજી સભ્યતા સાથે સીધો સંપર્ક થશે. કેટલાક આ ભવિષ્યવાણીને તાજેતરના અહેવાલો સાથે જોડી રહ્યા છે જેમાં દાવો કરવામાં આવ્યો છે કે વૈજ્ઞાનિકોએ ચિલી નજીક એક રહસ્યમય વસ્તુ જોઈ છે, જે પૃથ્વી તરફ ખૂબ જ ઝડપથી આગળ વધી રહી છે. જોકે, વૈજ્ઞાનિકો તેને લઈને અત્યાર સુધી સ્પષ્ટ નિષ્કર્ષ પર પહોંચી શક્યા નથી.
5.jpg)
4.jpg)
3.jpg)
