કેન્દ્ર સરકારનું પ્રતિનિધિત્વ કરતા એટર્ની જનરલે ઇથેનોલ ફાળવણી અંગે કર્ણાટક હાઇકોર્ટના ચૂકાદા સામે તાત્કાલિક સુનાવણીની માંગ કરી છે. એટર્ની જનરલ આર. વેંકટરમણીએ સુપ્રીમ કોર્ટની વેકેશન બેન્ચને માહિતી આપી હતી કે આ કેસ પર તાત્કાલિક ધ્યાન આપવાની જરૂર છે, નહિતર હાઇકોર્ટનો નિર્ણય રાષ્ટ્રીય નીતિને અસર કરશે. વેંકટરમણીની દલીલો સાંભળ્યા પછી, સુપ્રીમ કોર્ટે હાઇકોર્ટના નિર્ણય પર કામચલાઉ સ્ટે મૂકવાનો આદેશ આપ્યો હતો.
કોર્ટે જણાવ્યું હતું કે કેસ ટૂંક સમયમાં સુનાવણી માટે સૂચિબદ્ધ કરવામાં આવશે, ત્યાં સુધી યથાસ્થિતિ જાળવી રાખવી જરૂરી છે. ઓઇલ રિફાઇનરી કંપનીઓ વતી આ અરજી દાખલ કરવામાં આવી હતી. આ અરજીમાં હાઇકોર્ટના એ નિર્ણયને પડકાર આપવામાં આવ્યો છે, જેમાં તેલ કંપનીઓને VINP નામની કંપની માટે ઇથેનોલ ફાળવણી વધારવાનો નિર્દેશ આપવામાં આવ્યો હતો.
ગયા અઠવાડિયે, કર્ણાટક હાઇકોર્ટે VINPની અરજી પર સુનાવણી કરતા કહ્યું હતું કે તેલ કંપનીઓએ VINP પાસેથી વધુ ઇથેનોલ ખરીદવું જોઈએ એટલે કે તેની ફાળવણી વધારવાની જરૂરિયાત છે. કંપનીનું કહેવું હતું કે, તેની ઇથેનોલની ખરીદી ઓછી કરવામાં આવી રહી છે, જ્યારે ઇથેનોલ પુરવઠા માટેના તમામ ધોરણો પર ખરી ઉતરે છે.
હાઈકોર્ટની કાર્યવાહીમાં કેન્દ્ર સરકાર તરફથી સોલિસિટર જનરલ તુષાર મહેતા હાજર થયા હતા. તો, ઇથેનોલ વેચતી કંપની VINPએ આ કેસમાં ઓઇલ માર્કેટિંગ કંપનીઓ (OMCs)ને પ્રતિવાદી બનાવી છે. હાઈકોર્ટે તેના આદેશમાં OMCs ને 99 મિલિયન (9.9 કરોડ) લિટર ઇથેનોલ ખરીદવાનો નિર્દેશ આપ્યો હતો.
સુપ્રીમ કોર્ટમાં AGએ શું કહ્યું?
1. આર. વેંકટરમણીએ જસ્ટિસ એમ.એમ. સુંદરેશ અને જસ્ટિસ શીલ નાગૂની બેન્ચને જણાવ્યું હતું કે તાત્કાલિક સુનાવણી જરૂરી છે કારણ કે આ નિર્ણય ઇથેનોલ પર રાષ્ટ્રીય નીતિને અસર કરશે.
2. વેંકટરમણીએ સુપ્રીમ કોર્ટને માહિતી આપી હતી કે ઇથેનોલ ફાળવણી પ્રક્રિયા ઓક્ટોબર 2025માં પૂર્ણ થઈ ગઈ હતી. આ પ્રક્રિયા હેઠળ, 378 સપ્લાયર્સને કુલ 1,050 કરોડ લીટર ઇથેનોલના પુરવઠા માટે ફાળવણીની સૂચના આપવામાં આવી હતી. આમાંથી, અમારી પાસે પહેલાથી જ 680 લીટરનો પુરવઠો થઇ ચૂક્યો છે.
3. વેંકટરમણીએ કોર્ટમાં કહ્યું હતું કે જો એક કંપની માટે ફાળવણી વધારવામાં આવે છે, તો બીજી કંપનીઓ આ પ્રકારના દાવા કરશે. આનાથી જે નીતિઓ તૈયાર કરવામાં આવી છે, તે તૂટી જશે. આ રાષ્ટ્રીય મામલો છે.
4.jpg)
