રસોડાની વસ્તુથી લઈને તબીબી સારવાર સુધી, બજેટમાં શું થયું સસ્તું અને શું થયું મોંઘું?

આજે, 1 ફેબ્રુઆરી, 2026ના રોજ, દેશના અર્થતંત્રને આકાર આપતું કેન્દ્રીય બજેટ સંસદમાં રજૂ કરવામાં આવ્યું. નાણામંત્રી નિર્મલા સીતારમણે તેમનું સતત નવમું બજેટ ભાષણ આપ્યું, જેમાં સરકારની આર્થિક પ્રાથમિકતાઓની રૂપરેખા રજૂ કરવામાં આવી. કરદાતાઓ, મધ્યમ વર્ગ, ખેડૂતો, ગ્રામીણ વિસ્તારો અને રોકાણકારો બધાને આ બજેટથી ઘણી અપેક્ષાઓ હતી, અને હવે બધાનું ધ્યાન સામાન્ય માણસના ખિસ્સા પર તેની પર પડનારી અસર પર કેન્દ્રિત છે. તો, ચાલો જાણીએ કે શું સસ્તું થયું અને શું મોંઘું થયું.

સંસદમાં તેમનું સતત નવમું કેન્દ્રીય બજેટ રજૂ કરતા, નાણામંત્રી નિર્મલા સીતારમણે સ્પષ્ટ કર્યું કે, બજેટ 2026 'યુવા શક્તિ'થી પ્રેરિત છે અને ત્રણ મુખ્ય ફરજો પર આધારિત છે. આ બજેટ કરદાતાઓ, રોજગાર મેળવનારા લોકો, વ્યવસાયો, ખેડૂતો, વિદ્યાર્થીઓ અને દર્દીઓ માટે અલગ સંદેશા ધરાવે છે.

બજેટમાં શું સસ્તું થશે?:- કપડાં, ચામડાની વસ્તુઓ, કૃત્રિમ ફૂટવેર, ચામડાની બનાવટો, 17 કેન્સર અને ડાયાબિટીસની દવાઓ ડ્યુટી ફ્રી, લિથિયમ-આયન સેલ, મોબાઇલ બેટરી સસ્તી થશે, સૌર કાચ સસ્તો થશે, મિશ્ર ગેસ CNG, EV, માઇક્રોવેવ ઓવન, વિદેશ પ્રવાસ, બીડી, 7 દુર્લભ રોગો માટેની દવાઓ, મોબાઇલ ફોન અને વિમાનના ભાગો પર કસ્ટમ ડ્યુટી નાબૂદ-હવાઈ મુસાફરી સસ્તી, સીપ્લેન ઉત્પાદનને પ્રોત્સાહન-પ્રવાસન ફ્લાઇટ્સ સસ્તી, EV, સૌર પેનલ સસ્તી, વિદેશી શિક્ષણ/સારવાર, વ્યક્તિગત આયાત.

શું વધુ મોંઘું થશે?:- ખનિજો, દારૂ, ભંગાર, 'ફ્યુચર ઓપ્શન ટ્રેડિંગ' (FOT), પ્રમોટર્સ પર વધારાનો કર-શેર બાયબેક મોંઘા.

બજેટ પહેલા રજૂ કરાયેલા આર્થિક સર્વે 2025-26માં દેશના અર્થતંત્રના મજબૂત અને નબળા બંને ચિત્રો રજૂ કરવામાં આવ્યા હતા. સર્વે મુજબ, ભારત તેની કાર્યકારી વયની વસ્તીથી લાભ મેળવી રહ્યું છે, પરંતુ આરોગ્ય ક્ષેત્ર અને રોજગાર સર્જન મુખ્ય પડકારો છે. એની સાથે જ, આગામી નાણાકીય વર્ષ માટે GDP વૃદ્ધિ 6.8થી 7.2 ટકાની વચ્ચે રહેવાનો અંદાજ કરવામાં આવ્યો હતો, જેણે બજેટમાંથી અપેક્ષાઓ વધારી દીધી હતી.

બજેટ રજૂ થાય તે પહેલાં, નાણામંત્રી નિર્મલા સીતારમણ રાષ્ટ્રપતિ ભવન પહોંચ્યા, જ્યાં તેમણે રાષ્ટ્રપતિ દ્રૌપદી મુર્મુને બજેટ વિશે માહિતી આપી. પરંપરા મુજબ, રાષ્ટ્રપતિ મુર્મુએ તેમનું દહીં અને ખાંડ આપીને સ્વાગત કર્યું. ત્યારપછી, સંસદમાં સવારે 11 વાગ્યે બજેટ ભાષણ શરૂ થયું, તેમાં સરકારે ઘણી મહત્વપૂર્ણ જાહેરાતો કરી.

એકંદરે, બજેટ 2026ની અસર ફક્ત ટેક્સ સ્લેબ સુધી મર્યાદિત નથી, પરંતુ રસોડાની વસ્તુઓ, તબીબી સારવાર, રોકાણ, રોજગાર અને બચત સંબંધિત નિર્ણયો પર પણ સીધી અસર કરશે. હવે આગામી દિવસોમાં, તે સ્પષ્ટ થઈ જશે કે, આ બજેટ સામાન્ય માણસને કેટલી રાહત આપે છે અને કયા મોરચે ફુગાવાને અસર થઈ શકે છે.

આ બજેટ એવા સમયે આવ્યું છે, જ્યારે દેશમાં સ્થાનિક માંગ મજબૂત બની છે, પરંતુ વૈશ્વિક પરિસ્થિતિ પડકારજનક છે. US ટેરિફ નીતિઓ, ભૂ-રાજકીય તણાવ અને વૈશ્વિક આર્થિક અનિશ્ચિતતા વચ્ચે, સરકારે વૃદ્ધિ અને નાણાકીય સંતુલન વચ્ચે નાજુક સંતુલન બનાવવું પડ્યું. રોકાણકારો એ પણ જોઈ રહ્યા હતા કે સરકાર ફુગાવા અને નાણાકીય ખાધને નિયંત્રણમાં રાખીને વિકાસને કેવી રીતે વેગ આપી શકે છે.