'200 રૂપિયાની છૂટ સાથે માત્ર 12,421મા જીપ' આનંદ મહિન્દ્રાને યાદ આવ્યા જૂના દિવસ

1960માં મહિન્દ્રા એન્ડ મહિન્દ્રા(Mahindra And Mahindra) ની જીપની કિંમત માત્ર 12,421 રૂપિયા હતી અને અખબારોમાં તેની કિંમતમાં માત્ર 200 રૂપિયાનો ઘટાડો કરવાની જાહેરાત આવી હતી. મહિન્દ્રા ગ્રુપના ચેરમેન આનંદ મહિન્દ્રા (Anand Mahindra)એ પોતાના ટ્વિટર પર આ જાહેરાત શેર કરી છે. પોતાના પ્રેરણાત્મક ટ્વિટ્સ માટે પ્રખ્યાત આનંદ મહિન્દ્રાએ આ ટ્વિટ શેર કરીને જૂના દિવસોને યાદ કર્યા છે.

જાહેરાતમાં લખવામાં હતી આ વાત

આનંદ મહિન્દ્રા દ્વારા શેર કરવામાં આવેલી જાહેરાત વાંચે છે, "જીપ....કિંમતમાં ઘટાડો. મહિન્દ્રા એન્ડ મહિન્દ્રા વિલીઝ મોડલ CJ 3B જીપની કિંમતમાં તાત્કાલિક અસરથી રૂ. 200નો ઘટાડો કરવાની જાહેરાત કરતાં ખુશ છે. નવી કિંમત: રૂ. 12,421/- (બોમ્બે ખાતે તમામ કર અને આબકારી જકાત સિવાયની એક્સ-ફેક્ટરી કિંમત)"

મહિન્દ્રાએ પોસ્ટમાં આ વાત લખી છે

આનંદ મહિન્દ્રાએ જાહેરાતની સાથે લખ્યું, "એક સારો મિત્ર કે જેનો પરિવાર લાંબા સમયથી અમારા વાહનોનું વિતરણ કરી રહ્યો છે, તેણે આ (જાહેરાત)ને તેના Archives માંથી બહાર કાઢ્યો. સારા જૂના દિવસો...જ્યારે કિંમતો યોગ્ય દિશામાં આગળ વધી રહી હતી."

A good friend, whose family has been distributing our vehicles for decades fished this out from their archives. Aaah the good old days…when prices headed in the right direction! pic.twitter.com/V69sMaM98X

— anand mahindra (@anandmahindra) March 6, 2022

યુઝર્સ પોતાનો પ્રતિભાવ આપી રહ્યા છે

મહિન્દ્રાના આ ટ્વીટ પર એક યુઝરે લખ્યું, "ખૂબ સારી કિંમત. શું આપણે હજી પણ તેનો લાભ લઈ શકીએ?" આના પર મહિન્દ્રાએ લખ્યું છે કે, "હું એક ઉપાય શોધવાનો પ્રયાસ કરી રહ્યો છું કે આજના સમયમાં તમે અમારી કઈ એક્સેસરીઝ આ રકમમાં ખરીદી શકો."

અન્ય યુઝરે લખ્યું, "સર, અમારા માટે 12,421 રૂપિયાના દરે બે વાહનો બુક કરાવો. કૃપા કરીને મારા છેલ્લા દિવસોની કિંમત પરત કરો." આનંદ મહિન્દ્રાએ પણ આ ટિપ્પણીનો ખૂબ જ રસપ્રદ જવાબ આપ્યો છે. મહિન્દ્રાએ યુઝરને જવાબ આપતાં એમેઝોન(Amazone) પર વેચાતા મહિન્દ્રા થાર(Thar) મોડલનો સ્ક્રીનશોટ શેર કર્યો છે. મહિન્દ્રાએ યુઝરને કહ્યું કે તે આ કિંમતે મહિન્દ્રા થારના 10 Dai-Cast રમકડાં ખરીદી શકે છે.