છ વર્ષમાં જે ન થયું તે થઇ ગયું... એક તરફ સેન્સેક્સમાં તેજી આવી, તો આ બાજુ સારા સમાચાર આવ્યા

માર્ચ મહિનામાં છૂટક ફુગાવો છ વર્ષના સૌથી નીચલા સ્તરે પહોંચી ગયો. શેરબજાર બંધ થયા પછી આ આંકડા જાહેર કરવામાં આવ્યા હતા. મંગળવારે બજારમાં બમ્પર ઉછાળો જોવા મળ્યો. US રાષ્ટ્રપતિ ડોનાલ્ડ ટ્રમ્પે ઇલેક્ટ્રોનિક ઉત્પાદનો પર ટેરિફ મુક્તિની જાહેરાત કર્યા પછી સેન્સેક્સ 1,578 પોઇન્ટ વધ્યો. માર્ચમાં જથ્થાબંધ ફુગાવામાં પણ ઘટાડો થયો છે. શાકભાજી અને પ્રોટીનયુક્ત વસ્તુઓના ભાવ ઘટવાને કારણે માર્ચમાં છૂટક ફુગાવો ઘટીને 3.34 ટકા થયો. આ છેલ્લા છ વર્ષમાં સૌથી નીચો છે. અગાઉ ઓગસ્ટ 2019માં આ દર 3.28 ટકા હતો. ભારતીય રિઝર્વ બેંક (RBI) આ ફુગાવાના દરને ધ્યાનમાં રાખીને તેની નીતિઓ બનાવે છે. ગયા અઠવાડિયે, સેન્ટ્રલ બેંકે રેપો રેટ 0.25 ટકા ઘટાડીને 6 ટકા કર્યો હતો.

Retail Inflation
livevns.news

ફેબ્રુઆરીમાં ગ્રાહક ભાવ સૂચકાંક (CPI) પર આધારિત છૂટક ફુગાવો 3.61 ટકા હતો. ગયા વર્ષે માર્ચમાં તે 4.85 ટકા હતો. આ વખતે માર્ચમાં તેમાં વધુ ઘટાડો થયો છે. માર્ચમાં ખાદ્ય ચીજવસ્તુઓનો ફુગાવાનો દર 2.69 ટકા હતો. ફેબ્રુઆરીમાં તે 3.75 ટકા હતો. ગયા વર્ષે માર્ચમાં તે 8.52 ટકા હતો. આનો અર્થ એ થયો કે ખાવા પીવાની વસ્તુઓ હવે પહેલા કરતા સસ્તી થઇ રહી છે.

RBIનું કહેવું છે કે, આગામી નાણાકીય વર્ષ 2025-26માં છૂટક ફુગાવાનો દર 4 ટકાની આસપાસ રહેશે. તેમનો અંદાજ છે કે, તે પ્રથમ ક્વાર્ટરમાં 3.6 ટકા, બીજા ક્વાર્ટરમાં 3.9 ટકા, ત્રીજા ક્વાર્ટરમાં 3.8 ટકા અને ચોથા ક્વાર્ટરમાં 4.4 ટકા રહેશે. RBI એમ પણ કહે છે કે, ફુગાવાનો દર ઉપર કે નીચે પણ જઈ શકે છે.

Stock Market
cnbctv18.com

માર્ચમાં જથ્થાબંધ ભાવ સૂચકાંક (WPI) આધારિત ફુગાવાનો દર પણ ઘટીને 2.05 ટકા થયો છે. આ છેલ્લા છ મહિનામાં સૌથી નીચો છે. ગયા વર્ષે સપ્ટેમ્બરમાં જથ્થાબંધ ફુગાવાનો દર 1.91 ટકા હતો. આનો અર્થ એ થયો કે, જથ્થાબંધ બજારમાં પણ વસ્તુઓ સસ્તી થઈ રહી છે.

બીજી તરફ, મંગળવારે સતત બીજા દિવસે ભારતીય શેરબજારમાં તેજી રહી. BSE સેન્સેક્સ 1,578 પોઈન્ટ વધ્યો. NSE નિફ્ટીમાં 500 પોઈન્ટનો વધારો થયો હતો. અમેરિકાના રાષ્ટ્રપતિ ડોનાલ્ડ ટ્રમ્પે કેટલાક ઇલેક્ટ્રોનિક સામાન પર ટેરિફ ઘટાડવા અને વાહનો પર ટેરિફ પર પુનર્વિચાર કરવાનો સંકેત આપ્યો હતો. આના કારણે વિશ્વભરના બજારોમાં તેજી જોવા મળી. તેની અસર ભારત પર પણ પડી.

Retail Inflation
thehindu.com

BSE સેન્સેક્સ 1,577.63 પોઈન્ટ અથવા 2.10 ટકાના વધારા સાથે 76,734.89 પર બંધ થયો. ટ્રેડિંગ દરમિયાન, તે એક સમયે 1,750.37 પોઈન્ટ સુધી વધી ગયો હતો. નેશનલ સ્ટોક એક્સચેન્જ (NSE) નિફ્ટી પણ 500 પોઈન્ટ અથવા 2.19 ટકાના વધારા સાથે 23,328.55 પોઈન્ટ પર બંધ થયો. ટ્રેડિંગ દરમિયાન, તે એક સમયે 539.8 પોઈન્ટ સુધી ગયો હતો. 2 એપ્રિલના રોજ ટ્રમ્પ દ્વારા પ્રતિક્રિયાત્મક ટેરિફ લાદવામાં આવ્યા પછી બજાર ઘટ્યું હતું. હવે બંને સૂચકાંકો તે નુકસાનમાંથી બહાર આવી ગયા છે.

Stock Market
ommcomnews.com

BSEના બધા ક્ષેત્રીય સૂચકાંકો નફામાં હતા. BSEના રિયલ્ટી, ઓટો, કેપિટલ ગુડ્સ અને ઔદ્યોગિક ક્ષેત્રોમાં પાંચ ટકાનો વધારો થયો હતો.

About The Author

Related Posts

Top News

GPSCના ઇન્ટરવ્યૂનો વિવાદ શું છે? કેમ રદ્દ કરવામાં આવ્યા? સરદારધામનું શું કનેક્શન

ગુજરાત પબ્લિક સર્વિસ કમિશન (GPSC)ને આમ તો વિવાદો સાથે ઘનિષ્ઠ નાતો છે. પરંતુ આ વખતે વિવાદ લેખિત પરીક્ષાના...
Education 
GPSCના ઇન્ટરવ્યૂનો વિવાદ શું છે? કેમ રદ્દ કરવામાં આવ્યા? સરદારધામનું શું કનેક્શન

25 લગ્નો કરનારી લૂંટેરી દુલ્હન પકડાઇ, આ રીતે લોકોને છેતરતી હતી

રાજસ્થાનના સવાઇ માધોપુરમાં આવેલા માનટાઉન પોલીસે 25 લગ્નો કરી ચુકેલી એક લૂંટેરી દુલ્હનને પકડી પાડી છે. એક ફરિયાદને આધારે પોલીસે...
National 
25 લગ્નો કરનારી લૂંટેરી દુલ્હન પકડાઇ, આ રીતે લોકોને છેતરતી હતી

ગુજરાત ભાજપ પ્રદેશ પ્રમુખ તરીકે નવું જ નામ ચર્ચામા, સૌરાષ્ટ્રના નેતા છે

ગુજરાત ભાજપ પ્રદેશ પ્રમુખના નામમાં એક નવું નામ ઉમેરાયું છે અને આ નામ રેસમાં અત્યારે સૌથી આગળ હોવાનું માનવામાં આવી...
Politics 
ગુજરાત ભાજપ પ્રદેશ પ્રમુખ તરીકે નવું જ નામ ચર્ચામા, સૌરાષ્ટ્રના નેતા છે

વર્ષમાં એક વખત ખૂલે છે આ ટ્રેનના દરવાજા, ભારતની એકમાત્ર ટ્રેન જે 15 દિવસમાં ફેરવે છે આખો દેશ

ટ્રેનમાં મુસાફરી કરવાની પોતાની એક અલગ મજા હોય છે. બારી પાસેની સીટ હોય અને ગરમાગરમ ચા, તો પછી ટ્રેનની...
Business 
વર્ષમાં એક વખત ખૂલે છે આ ટ્રેનના દરવાજા, ભારતની એકમાત્ર ટ્રેન જે 15 દિવસમાં ફેરવે છે આખો દેશ
Copyright (c) Khabarchhe All Rights Reserved.