ફિલ્મ અભિનેત્રી કંગના રનૌત ભાજપના સાંસદ છે અને કેન્દ્રમાં ભાજપની સરકાર છે આમ છતા કંગનાની ફિલ્મ ‘ઇમરજન્સી’ને સેન્સર બોર્ડ લટકાવી દીધી છે. કંગનાએ કોર્ટનો આશરો લીધો છે. 6 સપ્ટેમ્બરે ફિલ્મ રીલિઝ થવાની હતી.
ઇન્ડિયન એકસ્પ્રેસના એક અહેવાલમાં ફિલ્મના નિષ્ણાત પ્રોફેસર મખ્ખન લાલનો ઇન્ટરવ્યૂ છપાયો છે. જેમાં મખ્ખન લાલે કહ્યુ કે, ઇમરજન્સી ફિલ્મ પૂર્વ પ્રધાનમંત્રી ઇંદિરા ગાંધીની જીવન પર બનેલી છે અને આ ફિલ્મમાં ઇંદિરા ગાંધીના ભરપૂર વખાણ કરવામાં આવ્યા છે. કંગનાએ આ ફિલ્મ લખી છે અને ડિરેક્ટ કરી છે. લાલે કહ્યુ કે, આવી ફિલ્મ કોંગ્રેસ ધારતે તો પણ નહીં બનાવી શકતે. પ્રોફેસર મખ્ખન લાલે જે પ્રમાણે કહ્યું છે એ પછી વિલંબનું કારણ એ માનવામાં આવી રહ્યું કે ઇંદિરા ગાંધી પ્રત્યે લોકોની સહાનુભુતિ ઉભી થવાનો ભાજપને ડર તો નથી ને?