- World
- 'એ મારી દીકરી છે, તેની પાસે પરમિટ છે!' માએ કહ્યું છતાં અધિકારીઓ છોકરી સહિત 2ને પકડીને લઇ ગયા
'એ મારી દીકરી છે, તેની પાસે પરમિટ છે!' માએ કહ્યું છતાં અધિકારીઓ છોકરી સહિત 2ને પકડીને લઇ ગયા
શનિવાર (21 નવેમ્બર)ના રોજ, યુનાઇટેડ સ્ટેટ્સના સિએટલ એરપોર્ટ પર અંધાધૂંધી ફેલાઈ ગઈ જ્યારે બે મુસાફરોની ધરપકડ કરવામાં આવી. સિએટલ-ટાકોમા ઇન્ટરનેશનલ એરપોર્ટ ભીડથી ભરેલું હતું, જ્યારે ઇમિગ્રેશન અધિકારીઓએ લોસ એન્જલસ જતી અલાસ્કા એરલાઇન્સની ફ્લાઇટ 1306માં ચઢવા જઈ રહેલા બે લોકોને અટકાયતમાં લીધા.

હકીકતમાં, મુસાફરો વિમાનમાં ચઢી રહ્યા હતા ત્યારે માસ્ક પહેરેલા ઇમિગ્રેશન અધિકારીઓ પહોંચ્યા અને ભીડવાળા જેટ બ્રિજ પરથી બે લોકોને અટકાયતમાં લીધા, જેનાથી હાજર લોકોને આઘાત લાગ્યો. સમગ્ર ઘટનાનો વીડિયો પણ સામે આવ્યો છે. એવું કહેવામાં આવે છે કે, અધિકારીઓની કાર્યવાહીને કારણે સવારે 8:10 વાગ્યે ઉડવાવાળું વિમાન મોડું પડ્યું હોવાનું જાણવા મળે છે.
સમગ્ર ઘટનાનો વીડિયો પણ સામે આવ્યો છે. વીડિયોમાં અજાણ્યા જેકેટ અને ખાખી પેન્ટ પહેરેલા અધિકારીઓ ઓછામાં ઓછા એક વ્યક્તિને ખેંચીને લઈ જતા દેખાય છે. તેઓ જમીન પર કોઈ સાથે ઝપાઝપી કરતા પણ જોવા મળે છે. નજીકમાં ઉભેલા મુસાફરો આ ઘટનાના સાક્ષી છે. આ દરમિયાન, એક મહિલા બૂમ પાડે છે કે તેની દીકરીને લઈ જવામાં આવી રહી છે, અને દાવો કરે છે કે તેની પાસે વર્ક પરમિટ છે.

ICE અધિકારીઓએ આ ઘટનાનો એક વીડિયો પણ બહાર પાડ્યો અને જણાવ્યું કે રિકાર્ડો લારોન્ડો મેન્ડોઝાને પકડવા માટે આ કાર્યવાહી કરવામાં આવી હતી. રિકાર્ડો તેના વિઝાની મુદત પૂરી થયા પછી પણ અમેરિકામાં રોકાયો હોવાનું કહેવાય છે. એજન્સીએ આને US કાયદાનું ઉલ્લંઘન ગણાવ્યું.
એરપોર્ટ પર થયેલી ઝઘડા દરમિયાન, સોફિયા હર્નાન્ડેઝ મેજિયા નામની એક મુસાફરે અધિકારીઓ પર ગરમ કોફી ફેંકી. મેક્સીકન નાગરિક સોફિયાનો વિઝા પણ સમાપ્ત થઈ ગયા હતા. મુસાફર પર ફેડરલ અધિકારીઓ પર હુમલો કરવાનો પણ આરોપ મૂકવામાં આવ્યો છે.
https://twitter.com/abhinavthink/status/2124379619734565265
ICE દ્વારા કરવામાં આવેલી આ કાર્યવાહીથી ત્યાં હાજર બધાને આઘાત લાગ્યો. અલાસ્કા એરલાઇન્સે જણાવ્યું કે અધિકારીઓએ ઘટના અંગે કોઈ પૂર્વ માહિતી આપી ન હતી. કંપનીએ આ કાર્યવાહીને અસરગ્રસ્ત મુસાફરો અને કર્મચારીઓ માટે ચિંતાજનક ગણાવી છે. એક નિવેદનમાં, એરલાઇને કહ્યું કે, દરેક મુસાફર સાથે આદરપૂર્વક વર્તવું જોઈએ.

આ બાજુ, વોશિંગ્ટનના ડેમોક્રેટિક ગવર્નર, બોબ ફર્ગ્યુસને આ મુદ્દા પર એક પ્રેસ કોન્ફરન્સ યોજી અને કહ્યું કે ઘટનાનો વીડિયો ખરેખર આઘાતજનક હતો. તેમણે ICEની કામ કરવાની પદ્ધતિઓ પર પ્રશ્ન ઉઠાવ્યો અને કહ્યું કે આવી એજન્સીને નાબૂદ કરવી જોઈએ. તેમણે કહ્યું કે અમેરિકાને અસરકારક, નૈતિક અને માનવીય ઇમિગ્રેશન અને સરહદ સુરક્ષા વ્યવસ્થાની જરૂર છે.

