કંઈ અને કેવી દારૂબંધી? ગુજરાત પોલીસે 7 દિવસમાં 2723 દારૂ પીને ગાડી ચલાવતા પકડ્યા

ગુજરાતમાં દારૂબંધનો કાયદો છે, પરંતુ આ કાયદો માત્ર કાગળ પર જ હોય એવું લાગે છે. પોલીસે શરૂ કરેલા ડ્રિંક એન્ડ ડ્રાઇવ સામેના અભિયાનમાં જે આંકડા આવ્યા છે તેમાં દારૂબંધીની પોલ ખુલી ગઇ છે.

અમદાવાદના ઇસ્કોન બ્રીજ પર થયેલા અકસ્માતમાં 9 લોકોના મોત પછી પોલીસ આખા રાજ્યમાં પેટ્રોલિંગ કરી રહી છે. પોલીસ ટ્રાફીકના નિયમો તોડનારા સામે કાર્યવાહી કરી રહી છે અને કેસ પણ નોંધી રહી છે, પરંતુ પોલીસના અભિયાનમાં દારૂબંધીના કડક અમલના દાવા સામે અનેક સવાલો ઉભા કરી દીધા છે. સવાલ એ થાય છે કે ગજરાતમાં આટલો બધો દારૂ આવે છે ક્યાંથી?

ગુજરાતમાં દેશની સૌથી જૂની દારૂબંધી છે, પરંતુ ગુજરાતમાં ગેરકાયદે દારૂના વેચાણ પર અનેક વખત સવાલો ઉભા થતા રહ્યા છે. પોલીસના ડ્રિંક એન્ડ ડ્રાઇવ અભિયાનમાં  જે આંકડા સામે આવ્યા છે તેને કારણે રાજ્યમાં લાગૂ દારૂબંધી સામે ફરી સવાલો ઉભા કર્યા છે.

અમદાવાદના ઇસ્કોન બ્રીજ પર થયેલા અકસ્માત પછી પોલીસે રાજ્ય ભરમાં ડ્રિંક એન્ડ ડ્રાઇવ સામે અભિયાન શરૂ કર્યું છે. છેલ્લાં 7 દિવસોમાં નશો કરીને વાહન ચલાવતા 2723 કેસો સામે આવ્યા છે. એવામાં સવાલ એ ઉભો થઇ રહ્યો છે કે જો રાજ્યમાં દારૂબંધી અમલમાં છે તો આટલા બધા ડ્રિંક એન્ડ ડ્રાઇવના કેસો સામે કેવી રીતે આવ્યા?

ગુજરાત પોલીસે નશામાં ડ્રાઇવીંગ કરનારની ધરપકડ કરી છે. ઇસ્કોન બ્રીજના અકસ્માત પછી પોલીસે ડ્રિંક એન્ડ ડ્રાઇવના 1450 કેસો નોંધ્યા છે.તો બીજી તરફ ઓવરસ્પીડીંગના અત્યાર સુધીમાં 20,737 કેસો નોંધાયા છે. પોલીસના આંકડામાં ડ્રિંક એન્ડ ડ્રાઇવના 60 ટકાથી વધારે કેસ નોંધાયા.

ઓવર સ્પીડથી સ્ટંટ કરવાના કેસમાં ચેકિંગમાં વધારો થયો છે. પોલીસે આ સમયગાળા દરમિયાન 265 થી વધુ કેસ નોંધ્યા છે. પ્રોહિબિશન એક્ટ હેઠળ 210 થી વધુ કેસ નોંધાયા છે. પોલીસ ડ્રાઇવમાં ખુલાસો થયો છે કે અમદાવાદ, રાજકોટ અને સુરત ટ્રાફિકના નિયમો તોડવામાં ટોચ પર છે.

અમદાવાદના ઇસ્કોન બ્રીજ પર 20 જુલાઇએ ફુલ સ્પીડમાં જેગુઆર કાર ચલાવી રહેલા તથ્ય પટેલે 9 લોકોને કચડી માર્યા હતા. આ ઘટનાના રાજ્યમાં ઘેરા પ્રત્યાઘાત પડ્યા અને પોલીસે રાજયભરમાં પોલીસે ઓવરસ્પીડિંગ અને ડ્રિંક એન્ડ ડ્રાઇવ સામે અભિયાન શરૂ કર્યું. ગુજરાત રાજ્યની સ્થાપનાના સમયથી જ રાજ્યમાં દારૂબંધીનો કાયદો અમલમાં છે