નિકાહ બાદ, વરરાજાએ માગ્યા 45 લાખ રૂપિયા અને બુલેટ, થયો વિવાદ

પુત્રીના લગ્નની ખુશીઓ વચ્ચે, એક પિતાએ કદાચ કલ્પના પણ નહીં કરી હોય કે થોડા જ કલાકોમાં તેમના પરિવારને આટલો મોટો આઘાત સહન કરવો પડશે. કન્યાના પરિવારે ઝાંસીમાં ભોપાલથી આવેલી જાનનું ભવ્ય સ્વાગત કર્યું હતું. નિકાહની વિધિ સંપન્ન થઈ ગઈ હતી અને કન્યા વિદાયની તૈયારીમાં હતી. અચાનક, વરરાજાએ એવી માંગણી કરી કે જેનાથી લગ્નનો આનંદ વિવાદમાં ફેરવાઈ ગયો. આરોપ છે કે તેણે કન્યાના પરિવાર પાસે 45 લાખ રૂપિયા અને એક બુલેટ મોટરસાઇકલની માંગણી કરી હતી. જ્યારે કન્યાના પરિવારે આટલી મોટી રકમ આપવા માટે અસમર્થતા વ્યક્ત કરી, ત્યારે પરિસ્થિતિ વધુ વણસી ગઈ. આ દરમિયાન, કન્યાના પિતાની તબિયત બગડી ગઈ અને તેને હોસ્પિટલમાં લઈ જવો પડ્યો. આ અફરાતફરીનો લાભ ઉઠાવીને વરરાજા તેના પરિવાર અને જાનૈયાઓ સાથે લગ્નસ્થળ પરથી ભાગી ગયો.

આ ઘટના ઝાંસીના કોતવાલી પોલીસ સ્ટેશન વિસ્તાર હેઠળ આવતા અલીગોલ ખિડકી બહાર વિસ્તારમાં બની હતી. અહીં રહેતા રિઝવાન નામના વ્યક્તિની બહેનના લગ્ન મધ્ય પ્રદેશની રાજધાની ભોપાલના દિલખુશ બાગ વિસ્તારના એક યુવક સાથે થવાના હતા. બંને પરિવારોની સંમતિથી શનિવારે રાત્રે શિવપુરી રોડ પર આવેલા એક લગ્નસ્થળ પર નિકાહ યોજાયા હતા. આયોજન મુજબ, ભોપાલથી જાન ઝાંસી આવી પહોંચી. કન્યાના પરિવારે મહેમાનોનું સ્વાગત કર્યું અને લગ્નની તમામ વિધિઓ સંપન્ન થઈ. એક મૌલાનાની હાજરીમાં નિકાહની વિધિ પૂર્ણ કરવામાં આવી. પરિવારે કન્યાની વિદાય આનંદપૂર્વક થશે તેવી આશા રાખી હતી, પરંતુ વિધિ પૂરી થયાના તરત બાદ જ પરિસ્થિતિ ખૂબ જ ખરાબ થઈ ગઈ.

10

કન્યાના પક્ષનો આરોપ છે કે, નિકાહ સંપન્ન થયાના તરત બાદ જ વરરાજાએ 45 લાખ રૂપિયા અને એક બુલેટ મોટરસાઇકલની માંગણી કરી હતી. કન્યાના પરિવારજનો આ અચાનક આવેલી અને અતિશય મોટી માંગને કારણે સ્તબ્ધ થઈ ગયા. પોતાની આર્થિક સ્થિતિનો ઉલ્લેખ આપીને, પરિવારે આટલી મોટી રકમ કે મોટરસાયકલ આપવા માટે અસમર્થતા વ્યક્ત કરી. આ બાબતે બંને પક્ષો વચ્ચે બોલાબોલી શરૂ થઈ ગઈ. ઘણા સમય સુધી વાતચીત અને સમાધાનના થતા રહ્યા, પરંતુ વિવાદ ઉકેલાયો નહીં.

આ તણાવ વચ્ચે, કન્યાના પિતા ઈરફાનની તબિયત બગડી ગઇ. તેને છાતીમાં તેજ દુ:ખાવો થવા લાગ્યો. પરિવારજનો તેમને તાત્કાલિક સારવાર માટે મેડિકલ કોલેજ લઈ ગયા. કન્યાના પરિવારનો આરોપ છે કે પિતાને હોસ્પિટલ લઇ જતા જ વરરાજા, તેનો પરિવાર અને લગ્નમાં આવેલા મહેમાનો ત્યાંથી નીકળી ગયા.

11

બીજી તરફ દરમિયાન, કન્યાના હાથમાં મહેંદી હતી અને લગ્નના પોશાકમાં વરરાજાની રાહ જોતી રહી. તેના પરિવારને આશા હતી કે વાતચીત બાદ મામલો ઉકેલાઈ જશે અને વરરાજા પાછા આવશે; પરંતુ આખી રાત રાહ જોયા છતા તેમના તરફથી કોઈ સમાચાર મળ્યા નહીં. ત્યારબાદ પરેશાન, કન્યાના પરિવારજનો સિપરી બજાર પોલીસ સ્ટેશન પહોંચ્યા અને લેખિત ફરિયાદ નોંધાવીને કાયદેસરની કાર્યવાહી કરવાની માંગ કરી. સ્ટેશન હાઉસ ઓફિસર (SHO) જયપ્રકાશ ચૌબેના જણાવ્યા અનુસાર, કન્યા પક્ષ તરફથી એક ફરિયાદ મળી છે. હાલમાં, બંને પક્ષો વચ્ચે સમાધાન માટે વાતચીત ચાલી રહી છે. જો કોઈ સમજૂતી નહીં થાય, તો આ મામલે તપાસ કરવામાં આવશે અને કાયદા મુજબ યોગ્ય કાર્યવાહી કરવામાં આવશે.

About The Author

Related Posts

Top News

UPમાં 18 લાખ 84 હજાર મતદારો વધી ગયા! ચૂંટણી પંચે ડ્રાફ્ટ મતદાર યાદી બહાર પાડી

ચૂંટણી પંચે ઉત્તર પ્રદેશ માટે ડ્રાફ્ટ મતદાર યાદી જાહેર કરી છે. રાજ્યમાં અગાઉના આંકડાઓની સરખામણીમાં 18 લાખ 84 હજાર મતદારોનો...
National 
UPમાં 18 લાખ 84 હજાર મતદારો વધી ગયા! ચૂંટણી પંચે ડ્રાફ્ટ મતદાર યાદી બહાર પાડી

ટોલ પ્લાઝા પર ઈન્શ્યોરન્સ વગર પસાર થયા તો ભારે દંડ માટે તૈયાર રહેજો; શરૂ થયો પાયલોટ પ્રોજેક્ટ

જો તમે તમારી કાર કે અન્ય કોઈ વાહનનો થર્ડ-પાર્ટી વીમો રિન્યૂ કરવાનું ભૂલી ગયા હોવ અને નેશનલ હાઈવે પર મુસાફરી...
National 
ટોલ પ્લાઝા પર ઈન્શ્યોરન્સ વગર પસાર થયા તો ભારે દંડ માટે તૈયાર રહેજો; શરૂ થયો પાયલોટ પ્રોજેક્ટ

હવે 3 બાળકો હશે તેને પણ સરકારી નોકરી મળશે; મધ્ય પ્રદેશની ભાજપ સરકારે લીધો નિર્ણય

મધ્યપ્રદેશમાં, 2થી વધુ બાળકો ધરાવતા લોકો પણ સરકારી નોકરી માટે પાત્ર રહેશે. બુધવારે મંદસૌરના ગાંધી સાગર ખાતે CM ...
National 
હવે 3 બાળકો હશે તેને પણ સરકારી નોકરી મળશે; મધ્ય પ્રદેશની ભાજપ સરકારે લીધો નિર્ણય

સોનામાં ભેળસેળ કરવાનો 'રેનિયમ'નો નવો ખેલ, કેવી રીતે ઓળખવું તમારું સોનું અસલી છે કે નકલી?

સોનામાં ભેળસેળ કરવાની એક નવી પદ્ધતિ સામે આવી છે, જેની ઓળખ સામાન્ય તપાસમાં પકડવી મુશ્કેલ છે. સોનામાં ભારે ધાતુઓનો...
Business 
સોનામાં ભેળસેળ કરવાનો  'રેનિયમ'નો નવો ખેલ, કેવી રીતે ઓળખવું તમારું સોનું અસલી છે કે નકલી?
Copyright (c) Khabarchhe All Rights Reserved.