જ્યોતિ મૌર્યથી 2 પગલા આગળ નીકળી બિહારની જ્યોતિ, કોન્સ્ટેબલ બનતા જ પતિનો...

ઉત્તર પ્રદેશની જ્યોતિ મોર્યથી બે પગલાં આગળ મુઝફ્ફરનગરની જ્યોતિ નીકળી ગઈ છે, જેની કહાની શરૂ થઈ હતી મિત્રતા, પ્રેમ અને પછી લવ મેરેજથી અને સમાપ્ત થઈ છેતરપિંડી પર જઈને. જે પ્રકારે પ્રિય રંજને લોન લઈને અને જમીન વેચીને પત્ની જ્યોતિને ભણાવી, કોન્સ્ટેબલની ભરતીની તૈયારી કરાવી અને સેન્ટર મેનેજ કરવા માટે પત્ની જ્યોતિ અને તેના પ્રેમીને 10-10 લાખ રૂપિયા આપ્યા, પરંતુ હવે કોન્સ્ટેબલ બન્યા બાદ એ જ પત્ની જ્યોતિ પોતાના પતિ પ્રિય રંજન સાથે રહેવાની ના પાડી રહી છે અને જીવથી મારવા અને ખોટા કેસમાં ફસાવવાની ધમકી આપી રહી છે.

જ્યોતિ અને તેનો પ્રેમી એક સાથે કોચિંગ કરતા હતા અને બંને જ એક સાથે કોન્સ્ટેબલ પણ બન્યા છે. મુઝફ્ફરનગર જિલ્લાના મુશાહરી પેટાવિભાગના રહેવાસી પ્રિય રંજન અને જ્યોતિની પહેલા મિત્રતા થઈ અને પછી બંનેએ વર્ષ 2009માં લવ મેરેજ કરી લીધા અને દિલ્હીમાં રહેવા લાગ્યા. જ્યાં પ્રિય રંજન રિયેલ એસ્ટેટનું કામ કરતો હતો, તો પત્ની જ્યોતિ એક બેંકમાં નોકરી કરતી હતી. વર્ષ 2012માં જ્યોતિએ BPSCની તૈયારી શરૂ કરી અને પછી ગુડગાંવમાં કોચિંગ કરવા લાગી. બંનેનો એક દીકરો પણ છે. જેનું નામ રેયાંશ છે. પરંતુ નોટબંદી બાદ પ્રિય રંજનનું કામ ઠપ્પ થયું અને પછી બંને મુઝફ્ફરનગર આવતા રહ્યા, પરંતુ જ્યોતિની BPSCની તૈયારી ચાલુ રહી.

મુઝફ્ફરપુરમાં જ્યોતિએ કોચિંગ પણ શરૂ કરી, જ્યાં તેની મુલાકાત સોમેશ્વર નાથ ઝા સાથે થઈ અને પછી બંનેની મિત્રતા થઈ ગઈ. ધીરે ધીરે પ્રેમમાં પરિણમી ગઈ. જેની જાણકારી પ્રિય રંજનને નહોતી. વર્ષ 2019માં બંનેની નોકરી કોન્સ્ટેબલના પદ પર લાગી ગઈ. બિહાર પોલીસમાં બંનેનું સિલેક્શન થઈ ગયું. નોકરી લગતા જ જ્યોતિના વર્તનમાં બદલાવ આવી ગયો. તેણે પોતાના પતિ સાથે રહેવાની ના પાડી દીધી. જ્યોતિને મનાવવા માટે ખૂબ પ્રયાસ થયો, પરંતુ તે ન માની અને હવે પોતાના જ પતિને ધમકીઓ આપી રહી છે, જેની ફરિયાદ પ્રિય રંજને SDOPને કરી છે.

પ્રિય રંજને પત્ની જ્યોતિ અને તેના પ્રેમી સોમેશ્વર નાથ ઝાની આર્થિક રીતે મદદ પણ કરી હતી. જ્યારે કોન્સ્ટેબલની પરીક્ષા થવાની હતી, જ્યોતિ અને તેના પ્રેમી સોમેશ્વરનું સેન્ટર મેનેજ કરવામાં 20 લાખ રૂપિયા આપ્યા હતા. જ્યોતિએ જણાવ્યું હતું કે સોમેશ્વરની મદદ કરી દો, તેના પિતા પાસે પૈસા નથી, પછી તે આખી રકમ આપી દેશે. જેના માટે પ્રિય રંજને જમીન વેચી હતી અને મિત્રો પાસેથી દેવું કર્યું હતું, પરંતુ હવે જ્યારે પ્રિય રંજન સોમેશ્વર પાસે પૈસા માગે છે તો જ્યોતિ જ તેની સાથે ઝઘડો કરવા લાગે છે.

તો જ્યોતિના 10 વર્ષીય દીકરાએ જણાવ્યું કે, જ્યારે પિતા ઘરે નહોતા, ત્યારે મમ્મી અમને લઈને સોમેશ્વરના ઘરે જતી હતી. ત્યાં ઘણા દિવસો સુધી રહેતી હતી. મને બીજા રૂમમાં સૂવાડી દેતી હતી. મમ્મી અને સોમેશ્વર બીજા રૂમમાં સૂતા હતા. હાલમાં જ્યોતિ કટિહારમાં પોસ્ટેડ છે. આ બાબતે હવે પ્રિય રંજનને જીવથી મારવાની ધમકી મળી રહી છે. પ્રિય રંજને 10 મે 2023ના રોજ SDOP પૂર્વીને અરજી આપીને ન્યાયની માગણી કરી છે.

Top News

CJIએ અધિકારીઓને ખખડાવ્યા તો પોલીસ કમિશનર અને ચીફ સેક્રેટરી આગામી કાર્યક્રમમાં દોડતા પહોંચ્યા

મુંબઈમાં રવિવારે કંઈક એવું થયું, જે અધિકારીઓને હંમેશાં યાદ રહેશે. ભારતના મુખ્ય ન્યાયાધીશ બી.આર. ગવઈએ જ્યારે એક સાર્વજનિક મંચ...
National 
CJIએ અધિકારીઓને ખખડાવ્યા તો પોલીસ કમિશનર અને ચીફ સેક્રેટરી આગામી કાર્યક્રમમાં દોડતા પહોંચ્યા

ધ્રૂવ રાઠી સામે ફરિયાદ, શીખ ગુરુઓનો AIના ઉપયોગથી વીડિયો બનાવ્યો

હરિયાણા સ્થિત યૂટ્યૂબર ધ્રૂવ રાઠી દ્વારા શીખ ગુરુઓ પર બનાવેલા વીડિયો પર વિવાદ થયો છે. 'બંદા સિંહ બહાદુર કી...
National 
ધ્રૂવ રાઠી સામે ફરિયાદ, શીખ ગુરુઓનો AIના ઉપયોગથી વીડિયો બનાવ્યો

‘મેં એક દિવસ કહ્યું હતું કે..’ અર્શદીપે માર ખાધો, પણ બેઇજ્જત થયો મોહમ્મદ રિઝવાન, વીડિયો વાયરલ

રાજસ્થાન રોયલ્સ (RR) અને પંજાબ કિંગ્સ (PBKS) વચ્ચે રવિવારે રોમાન્ચક મેચ જોવા મળી હતી. પંજાબે મેચ 10 રનથી...
Sports 
‘મેં એક દિવસ કહ્યું હતું કે..’ અર્શદીપે માર ખાધો, પણ બેઇજ્જત થયો મોહમ્મદ રિઝવાન, વીડિયો વાયરલ

જો બાઇડેનના હાડકા સુધી ફેલાઇ ચૂકેલા કેન્સરની સારવાર કેમ મુશ્કેલ? જાણો શું કહી રહ્યા છે હેલ્થ એક્સપર્ટ

અમેરિકાના પૂર્વ રાષ્ટ્રપતિ જો બાઇડેનને પ્રોસ્ટેટ કેન્સર થઇ ગયું છે. તેમનું આ કેન્સર હાડકાં સુધી ફેલાઇ ચૂક્યું છે. તેનો અર્થ...
Politics  Health 
જો બાઇડેનના હાડકા સુધી ફેલાઇ ચૂકેલા કેન્સરની સારવાર કેમ મુશ્કેલ? જાણો શું કહી રહ્યા છે હેલ્થ એક્સપર્ટ
Copyright (c) Khabarchhe All Rights Reserved.