ભાજપના નેતાએ હોમ મિનિસ્ટ્રીને પૂછ્યું 'શું જર્મન નાગરિક ધ્રૂવ રાઠી ભારતમાં વિરોધ કરી શકે?', જાણો શું છે જવાબ

BJP નેતા અને નિવૃત્ત પોલીસ અધિકારી ભાસ્કર રાવે કેન્દ્રીય ગૃહ મંત્રાલયને પત્ર લખીને યુટ્યુબર ધ્રૂવ રાઠીની નાગરિકતા અને વીઝા સ્થિતિની તપાસ કરવાની માંગ કરી છે. આ પત્ર ગુરુવારે બેંગલુરુમાં SIR વિરોધી વિરોધ પ્રદર્શનમાં રાઠીના ભાગ લેવાને પગલે લખાયો છે. પત્રમાં દાવો કરવામાં આવ્યો છે કે, રાઠી જર્મન નાગરિકતા ધરાવે છે. રાવે એ પણ પૂછ્યું છે કે શું કોઈ વિદેશી નાગરિકો ભારતમાં રાજકીય વિરોધ પ્રદર્શનમાં ભાગ લઈ શકે છે.

ગુરુવારે બેંગલુરુમાં SIR વિરુદ્ધ વિરોધ પ્રદર્શન યોજાયા પછી આ મામલો શરૂ થયો હતો. યુટ્યુબર ધ્રૂવ રાઠીએ પણ વિરોધ પ્રદર્શનમાં હાજરી આપી હતી. તેમની ભાગીદારી પછી, નિવૃત્ત પોલીસ અધિકારી, BJP નેતા ભાસ્કર રાવે ગૃહ મંત્રાલયનો સંપર્ક કર્યો હતો.

રાવે પોતાના પત્રમાં એવા દાવાઓનો ઉલ્લેખ કર્યો છે કે, રાઠી જર્મન નાગરિક છે. અત્રે ઉલ્લેખનીય છે કે, આ નિવેદન દાવાઓ પર આધારિત છે, જેનો અર્થ એ છે કે સત્તાવાર પુષ્ટિ હજુ સુધી બહાર આવી નથી. આના આધારે, રાવે મંત્રાલયને તપાસ કરવાનું કહ્યું છે. તેઓ એ પણ તપાસ કરવા માંગે છે કે, રાઠી ભારતમાં કયા આધારે પ્રવેશ્યા હતા. આનો અર્થ એ થાય કે તેમણે કાયા આધારે વીઝા મેળવ્યો હતો અથવા દેશમાં પ્રવેશવા માટે તેમણે કઈ બીજી પરવાનગીનો ઉપયોગ કર્યો હતો.

પત્ર એક મહત્વપૂર્ણ પ્રશ્ન પણ ઉઠાવે છે. રાવે મંત્રાલયને સ્પષ્ટતા કરવા કહ્યું છે કે, શું કોઈ વિદેશી નાગરિક ભારતમાં રાજકીય વિરોધ પ્રદર્શનોમાં ભાગ લઈ શકે છે. તેમણે અધિકારીઓને એ પણ તપાસ કરવા કહ્યું છે કે, શું રાઠીએ તેમની અગાઉની ભારત મુલાકાતો દરમિયાન આવા રાજકીય કાર્યક્રમોમાં હાજરી આપી હતી.

ભાસ્કર રાવે પત્રમાં સંભવિત ઉલ્લંઘનોનો પણ ઉલ્લેખ કર્યો છે. તેમનું માનવું છે કે આ કેસમાં વિદેશી કાયદા, વીઝા આવશ્યકતાઓ અને ઇમિગ્રેશન નિયમોનું ઉલ્લંઘન થઈ શકે છે. તેથી, તેમણે માંગ કરી છે કે રાઠીની ભારતમાં આવવા જવાની મુસાફરીનો રેકોર્ડ સાચવવામાં આવે અને સંપૂર્ણ તપાસ કરવામાં આવે.

સરકારે તો આનો કોઈ જવાબ નથી આપ્યો, પણ AIને પૂછતા તેણે નીચે મુજબનો જવાબ આપ્યો છે.