પંજાબ પોલીસે દાવો કર્યો છે કે શનિવારે મોડી રાત્રે જલંધર નજીક લવલી પ્રોફેશનલ યુનિવર્સિટી (LPU) કેમ્પસમાં સેંકડો વિદ્યાર્થીઓએ વિરોધ પ્રદર્શન કર્યા પછી પરિસ્થિતિ સામાન્ય થઈ ગઈ છે. પોલીસે જણાવ્યું હતું કે આ ઘટનાના સંદર્ભમાં 5 છોકરાઓની અટકાયત કરવામાં આવી છે.
મીડિયા સૂત્રોના જણાવ્યા અનુસાર, કેટલાક વિદ્યાર્થીઓએ કેમ્પસમાં એક છાત્રા પર બળાત્કારનો આરોપ લગાવ્યો છે. તેમનો આરોપ છે કે યુનિવર્સિટી વહીવટીતંત્રે આ મામલો તાત્કાલિક દબાવવા માટે તેમના પર દબાણ કર્યું હતું. આ જ કારણ છે કે કથિત બચી ગયેલી વ્યક્તિ કોણ છે તે સ્પષ્ટ નથી.
જોકે, યુનિવર્સિટીએ આ આરોપોને ખોટા ગણાવીને ફગાવી દીધા છે. સંસ્થા દ્વારા બહાર પાડવામાં આવેલા એક નિવેદનમાં કહેવામાં આવ્યું છે કે, આવા અહેવાલો સંપૂર્ણપણે ખોટા છે અને યુનિવર્સિટીની પ્રતિષ્ઠાને બદનામ કરવાનો પ્રયાસ છે.
વિદ્યાર્થીઓએ વિરોધ પ્રદર્શનો સામે પોલીસ કાર્યવાહી પર પણ સવાલ ઉઠાવ્યા છે.
ADGP ફૈયાઝ ફારૂકીએ કહ્યું છે કે કેમ્પસ અને તમામ વિદ્યાર્થીઓ સુરક્ષિત છે. એક સમાચાર એજન્સી સાથે વાત કરતા તેમણે કહ્યું કે, પરિસ્થિતિ સંપૂર્ણપણે નિયંત્રણમાં છે.
ADGPએ કહ્યું, 'હાલમાં પરિસ્થિતિ સંપૂર્ણપણે નિયંત્રણમાં છે. કોઈ સમસ્યા નથી. હાલમાં સંપૂર્ણ ધ્યાન કેમ્પસને સુરક્ષિત રાખવા અને વિદ્યાર્થીઓને સુરક્ષિત રાખવા પર છે. તેમનામાં કોઈ ગભરાટ ન હોવો જોઈએ. અમે પરિવારોને ખાતરી આપવા માંગીએ છીએ કે કેમ્પસ સુરક્ષિત છે, બધા બાળકો સુરક્ષિત છે, અને તેમને ચિંતા કરવાની બિલકુલ જરૂર નથી.'
આ દરમિયાન, 10 દિવસ માટે નિયમિત વર્ગો સ્થગિત થયા પછી, ઘણા LPU વિદ્યાર્થીઓ તેમના ઘરે જવા માટે નીકળી ગયા છે.
પોલીસે જણાવ્યું હતું કે, તેઓ વિદ્યાર્થીઓની વિનંતી પર તપાસ કરવા તૈયાર છે, પરંતુ પહેલા એ બતાવવામાં આવે કે, ઘટના કોની સાથે અને ક્યાં બની.
તાજેતરમાં, ચિત્કારા યુનિવર્સિટીના વિદ્યાર્થીઓએ પણ એક વિદ્યાર્થીએ આત્મહત્યા કરી હોવાના અહેવાલો સામે વિરોધ કર્યો હતો.
જોકે, આ કિસ્સામાં પણ, યુનિવર્સિટીનો દાવો છે કે, 'આ બધી અફવાઓ છે અને યુનિવર્સિટીમાં આવું કંઈ બન્યું નથી.'
આ ઘટના સામે મોટી સંખ્યામાં વિદ્યાર્થીઓ એકઠા થઈને વિરોધ કરી રહ્યા હોવાના વીડિયો પણ સોશિયલ મીડિયા પર સામે આવી રહ્યા છે.
એક અંગ્રેજી અખબારમાં છપાયેલા અહેવાલ મુજબ, રવિવારે સવાર સુધીમાં વિદ્યાર્થીઓનો વિરોધ હિંસક બની ગયો.
વિદ્યાર્થીઓએ આરોપ લગાવ્યો છે કે, બળાત્કારનો ભોગ બનેલી છોકરીને ગુમ કરી દેવામાં આવી છે.
વિદ્યાર્થીઓ પૂછી રહ્યા છે કે, 'જો તેઓ તેમના હોસ્ટેલના રૂમમાં સુરક્ષિત નથી, તો યુનિવર્સિટી કઈ સુરક્ષાની વાત કરે છે અને તે તેના માટે શા માટે ચાર્જ લે છે?'
વિદ્યાર્થીઓએ પોલીસ કાર્યવાહી પર પણ પ્રશ્ન ઉઠાવતા કહ્યું કે, 'પોલીસ ફક્ત અમને આમ તેમ ખસેડી રહી છે. હવે તેઓ કહી રહ્યા છે કે તેઓ તપાસ કરશે.'
જાલંધર રેન્જના DIG નવીન સિંગલાએ મીડિયા સાથે વાત કરતા કહ્યું, 'FIR નોંધવામાં આવી રહી છે. વિદ્યાર્થીઓની કેટલીક વધારાની માંગણીઓ છે, જેના સંદર્ભમાં બપોરે 12 વાગ્યે યુનિવર્સિટી મેનેજમેન્ટ સાથે બેઠકનું આયોજન કરવામાં આવ્યું છે.'
https://twitter.com/HarsimratBadal_/status/2104412313000554857
મીડિયા સાથે વાત કરતા, ફગવાડાના પોલીસ અધિક્ષક (SP) મેજર સિંહ, જે ઘટનાસ્થળે હાજર હતા, તેમણે કહ્યું, 'યુનિવર્સિટીના કૃષિ વિભાગની એક છોકરીએ 4-5 દિવસ પહેલા આત્મહત્યા કરી હતી, અને અમે તેના માતાપિતાને ફોન કર્યો હતો.'
તેમણે ઉમેર્યું, 'નિયમો મુજબ પોસ્ટમોર્ટમ કરવામાં આવ્યું હતું, ત્યારપછી મૃતદેહ તેના માતાપિતાને સોંપવામાં આવ્યો હતો.'
'હવે કેટલાક આરોપો ઉભા થઈ રહ્યા છે કે બળાત્કાર થયો છે. અમારી પાસે કોઈ ફરિયાદ નથી. જો બળાત્કાર થયો હોય, તો કઈ છોકરી પર બળાત્કાર થયો હતો, કઈ હોસ્ટેલમાં, કયા છોકરા દ્વારા... ફરિયાદ અમારી પાસે આવવી જોઈએ.'
'અમે કહી રહ્યા છીએ કે જો આવું કંઈક બન્યું હોય, તો અમને જણાવો કે કઈ છોકરી પર બળાત્કાર થયો હતો. અમે તપાસ કરીશું, તેનું તબીબી પરીક્ષણ કરાવીશું. જેણે પણ આવું કર્યું છે તે છોકરાને શોધી કાઢવામાં આવશે.'
જ્યારે પોલીસ અધિકારી મીડિયા સાથે વાત કરી રહ્યા હતા, ત્યારે નજીકમાં ઉભેલા કેટલાક વિદ્યાર્થીઓ કેમેરા પર છોકરી ગુમ હોવાનો આરોપ લગાવતા સાંભળ્યા.
પત્રકારો સાથે વાત કરતા, LPUના વાઇસ ચાન્સેલર ડૉ. જસપાલ સિંહ સંધુએ કહ્યું, 'પોલીસે વિદ્યાર્થીઓના આરોપોના આધારે FIR નોંધી છે. અમે જરૂરી તમામ સહાય પૂરી પાડીશું. તપાસ કરતી SITમાં 5 વિદ્યાર્થીઓનો સમાવેશ કરવામાં આવ્યો છે.'
https://twitter.com/surajmeenaz/status/2104175573413298594
'જો ઘટના બની હોવાનું સાબિત થશે, તો યોગ્ય કાનૂની કાર્યવાહી કરવામાં આવશે. લોજિસ્ટિક્સ સંબંધિત કેટલીક અન્ય માંગણીઓ પણ હતી. અમારા વહીવટી અધિકારીઓ તેમની સાથે મુલાકાત કરશે અને તેમની ચર્ચા કરશે. મને આ ઘટનાની જાણ પણ નહોતી.'
અગાઉ, યુનિવર્સિટી દ્વારા બહાર પાડવામાં આવેલા એક સત્તાવાર નિવેદનમાં, યુનિવર્સિટીના વિદ્યાર્થી કલ્યાણ વિભાગના એક્ઝિક્યુટિવ ડીન ડૉ. સૌરભ લખનપાલે જણાવ્યું હતું કે, 'LPU ખોટા અને બનાવટી સમાચાર અને અફવાઓને સંપૂર્ણપણે નકારે છે.'
તેમણે ઉમેર્યું, 'યુનિવર્સિટીના ધ્યાનમાં આવ્યું છે કે, કેટલાક અસામાજિક તત્વો સોશિયલ મીડિયા પર ખોટી અને પાયાવિહોણી અફવાઓ ફેલાવી રહ્યા છે. અને આ મૂંઝવણ પેદા કરી રહ્યું છે અને શૈક્ષણિક વાતાવરણને પણ નુકસાન પહોંચાડી રહ્યું છે, આના કારણે યુનિવર્સિટી આને 'અફવાઓ' ગણાવી છે.'
'જે રીતે આ ખોટી અને ભ્રામક માહિતી ફેલાવવામાં આવી રહી છે, તે યુનિવર્સિટીની પ્રતિષ્ઠાને ખરાબ કરવાનો ઇરાદાપૂર્વકનો પ્રયાસ હોવાનું જણાય છે.'
https://twitter.com/ANI/status/2104393570669277377
'યુનિવર્સિટી સ્પષ્ટતા કરે છે કે આ અફવાઓમાં કોઈ સત્ય નથી. વિદ્યાર્થીઓ, શિક્ષકો, વાલીઓ અને સામાન્ય જનતાને વિનંતી છે કે તેઓ તેનો પ્રચાર કે ફેલાવો ન કરે. યુનિવર્સિટી દ્વારા પૂરી પાડવામાં આવેલી સત્તાવાર માહિતી પર જ વિશ્વાસ કરે.'
મીડિયા સાથે વાત કરતા, યુનિવર્સિટીના એક્ઝિક્યુટિવ ડીને કહ્યું કે, તેઓ જે છોકરી વિશે વાત કરી રહ્યા છે તેના વિશે કોઈ માહિતી આપી રહ્યા નથી.
તેણે કહ્યું, 'તે છાત્રાનું નામ, નોંધણી નંબર, માતાપિતા... કંઈક તો હોવું જોઈએ. મારી શ્રેષ્ઠ જાણકારી મુજબ, તે છોકરી કોણ છે તે વિશે હજુ સુધી કંઈ બહાર આવ્યું નથી.'
5.jpg)
