ગુરુવારે, અજમેરના ભ્રષ્ટાચાર વિરોધી બ્યૂરો (ઇન્ટેલિજન્સ)ની એક ટીમે ભીલવાડા જિલ્લાના આસિંદ ક્ષેત્રમાં અંટાલી તાલુકા કાર્યાલયમાં એક મોટી કાર્યવાહી હાથ ધરી હતી. ACBએ લીઝ ડિડ ઇશ્યૂ કરાવવા માટે 60 હજાર રૂપિયાની લાંચ લેવાના આરોપમાં આંટાલીના મામલતદાર ગણેશ કચ્છવા, રજિસ્ટ્રાર ક્લાર્ક હનુમાન સહાય મીણા અને ઇ-મિત્ર ઓપરેટર હેમરાજ ખટીકની ધરપકડ કરવામાં આવી હતી.
ACBના પોલીસ મહાનિર્દેશક (DGP) ગોવિંદ ગુપ્તાએ જણાવ્યું હતું કે ACBના અજમેર યુનિટને આ બાબત અંગે ફરિયાદ મળી હતી કે, ફરિયાદીએ ભીલવાડામાં જમીન ભાડે લીધેલી એક ફર્મનું પ્રતિનિધિત્વ કરતા લીઝ ડીડની નોંધણી કરાવવા માટે ઇ-મિત્ર ઓપરેટર હેમરાજ સાહૂનો સંપર્ક કર્યો હતો. ત્યારબાદ સાહૂએ ફરિયાદી અને મામલતદાર ગણેશ કચ્છવા વચ્ચે કામ પૂર્ણ કરવા માટે બેઠક ગોઠવી.
જ્યારે ફરિયાદી ફરીથી ઇ-મિત્ર ઓપરેટરને મળ્યો ત્યારે સાહૂએ તેને કહ્યું કે, ‘હું તમારી મુલાકાત ગોઠવી આપું છું, સાહેબે એક AC અને પ્રતિ વીઘા ₹10,000 માંગ્યા છે. તેમને મળીને અરજી કરી દો, તમારું કામ ઝડપી થઈ જશે.
ACBએ ફરિયાદ પર કાર્યવાહી કરતા 9 માર્ચે લાંચની રકમની માંગણીની પુષ્ટિ કરવા માટે ચકાસણી પ્રક્રિયા હાથ ધરી હતી. મામલતદાર ગણેશે ઇ-મિત્ર ઓપરેટર, હેમરાજ દ્વારા લાંચના પૈસા સ્વીકારવાનું નક્કી કર્યું હતું. ગુરુવારે (12 માર્ચ)ના રોજ ઓપરેટરે ફરિયાદી પાસેથી 60 હજાર રૂપિયા સ્વીકાર્યા અને તેને તેમના ટેબલના ડ્રોઅરમાં મૂક્યા હતા, જ્યાંથી ACBએ લાંચના પૈસા જપ્ત કર્યા હતા.
ACBની ટીમ હવે આ કેસ અંગે સઘન પૂછપરછ કરી રહી છે. માનવામાં આવી રહ્યું છે કે મામલતદાર અને ઇ-મિત્ર ઓપરેટરના પરિસરમાં પણ દરોડા પાડીને મહત્ત્વના પુરાવા એકત્ર કરી શકાય છે. તપાસ દરમિયાન, તાલુકા કચેરીના કારકુન હનુમાન સહાય મીણાની સંડોવણી પણ સામે આવી. તેના પર, બ્યૂરો ટીમે તેની પણ ધરપકડ કરી હતી. ACB ટીમે અંટાલી તાલુકા કચેરીમાં ત્રણેય આરોપીઓની પૂછપરછ કરી છે.
