હરિયાણાના ઉચાનામાં એક વિકાસ રેલીમાં એ સનતે ભાવનાત્મક દૃશ્ય સર્જાયું, જ્યારે મુખ્યમંત્રી નાયબ સિંહ સૈનીએ ભીડમાંથી ઘાસો ગામના સોનૂને બોલાવીને તેમના હેલિકોપ્ટરમાં બેસાડ્યો. કાર્યક્રમ સમાપ્ત થયા બાદ, જ્યારે સૈની પોતાના હેલિકોપ્ટરમાં બેસવાની તૈયારી કરી રહ્યા હતા, ત્યારે ભીડમાં ઉભેલા સોનૂ નામના એક યુવાને દૂરથી બૂમ પાડી, ‘સૈની કાકા, મને પણ વિમાનમાં બેસાડી લો.’ આ અવાજ મુખ્યમંત્રીના કાનો સુધી પહોંચી અને ઈશારો કરીને સોનૂને પોતાની પાસે બોલાવી લીધો.
એવું કહેવામાં આવી રહ્યું છે કે મુખ્યમંત્રી ફતેહાબાદ રેલી માટે ઉચાનાથી નીકળતી વખતે હેલિકોપ્ટર તરફ જઈ રહ્યા હતા ત્યારે સોનૂએ આ બૂમ પાડી હતી. ઘટનાસ્થળે હાજર સુરક્ષા કર્મચારીઓ અને અન્ય સ્ટાફે સોનુને હેલિકોપ્ટર સુધી લઈ ગયા, જ્યાં તે લગભગ 15 થી 20 મિનિટ સુધી મુખ્યમંત્રી સાથે રહ્યો.
https://twitter.com/sanjoychakra/status/2024551584315953595?s=20
વીડિયો વાયરલ થયા બાદ સોનૂની માતા શાંતિ દેવીએ કહ્યું કે સોનુ ઘરથી 200 રૂપિયા લઈને રેલીમાં ગયો હતો. આ બાબતે ઘરમાં ઝઘડો થયો હતો. સોનૂએ કહ્યું હતું કે તે ‘તાઉ’ (કાકા)ને મળશે અને પોતાનું કામ પણ કરાવશે. માતાના જણાવ્યા મુજબ, તેણે ક્યારેય કલ્પના પણ કરી નહોતી કે તેનો દીકરો મુખ્યમંત્રીને મળશે, ખાસ કરીને હેલિકોપ્ટરમાં બેસીને. પરિવાર માટે આ ક્ષણ ખૂબ જ ખુશીની રહી હતી.
સોનૂએ જણાવ્યું કે, તેણે પાડોશી પાસેથી બાઇક માંગીને રેલીમાં હિસ્સો લીધો હતો, 70 રૂપિયામાં પેટ્રોલ ભરાવ્યું હતું અને 120 રૂપિયા ખાવા પર ખર્ચ કર્યા. તેણે કહ્યું કે મુખ્યમંત્રીને મળવું, તેના માટે ભગવાનને મળવા જેવું હતું. મુખ્યમંત્રીએ તેની સાથે વાત કરી, તેના માથા પર હાથ મૂક્યો અને તેનો ફોન નંબર પણ લીધો. સોનૂએ કહ્યું કે, આ ખુશીમાં તે આખી રાત સૂઈ ન શક્યો.
સોનૂએ એમ પણ કહ્યું કે મુખ્યમંત્રીએ બધાના કલ્યાણની વાત કરી અને તે ખુશ છે કે યુવાનોને કોઈપણ પરચી કે ખર્ચ વિના નોકરી મળી શકે છે. પરિવારે મુખ્યમંત્રીની સાદગીની પ્રશંસા કરી અને તેને એક યાદગાર ક્ષણ ગણાવી હતી.
14.jpg)
5.jpg)