30.jpg)
અત્યારે ચોમાસાની સિઝન શરૂ થઇ ગઇ છે અને જો તમે સુરત- મુંબઇ બાય રોડ જવાનું વિચારતા હો તો આ જાણી લેજો. હજુ તો સામાન્ય વરસાદની શરૂઆત થઇ છે તેમાં NH-48 કરમબેલા પાસે 8 ફુટનો મોટો ખાડો પડી ગયો છે. આ હાઇવે પર અનેક જગ્યાએ ખાડા પડી ગયા છે. એટલે ટ્રાફીક ખુબ ધીમો ચાલી રહ્યો છે.
મુંબઇથી સુરત આવવાના ટ્રેક પર કરમબેલા પાસે મોટો ખાડો પડી ગયો છે અને રાત્રીના સમયે અકસ્માતની ઘટનાઓ પણ બની રહી છે. વાહન ચાલકો કહી રહ્યા છે કે, ગડકરી સાહેબ, માત્ર સારા રોડ બનાવી દેવાથી કામ ન થાય તેને મેઇન્ટેન પણ કરવા પડે. NHAI લાખો રૂપિયા ટોલ ઉઘરાવે છે, પરંતુ રસ્તાના સમારકામ વિશે વિચારતું નથી. એટલે સરકારના ભરોસે ન રહેતા. વાહન ચાલકોનું કહેવું છે અત્યારે હાઇવે પર જાનનું જોખમ વધી ગયું છે.
