ઉત્તર ભારતમાં આ વર્ષે ડિસેમ્બરમાં આવેલી કાતિલ શીતલહરે જનજીવનને અસ્થિર કરી દીધું છે. કડકડતી ઠંડી અને ધુમ્મસના કારણે રસ્તાઓ પર અકસ્માતો વધ્યા છે. ગરીબ અને નિરાધાર લોકોનું જીવન વધુ મુશ્કેલ બન્યું છે. આવા સંકટના સમયે ઉત્તર પ્રદેશના મુખ્યમંત્રી યોગી આદિત્યનાથજીએ પ્રદેશવાસીઓને એક હૃદયસ્પર્શી સંદેશ આપ્યો છે જે માત્ર સરકારી જવાબદારીનું સંચાલનજ જ નહીં પરંતુ સમાજની સંવેદનશીલતા અને પરોપકારની ભાવનાને વ્યક્ત કરે છે.
આ સંદેશમાં યોગીજીએ જણાવ્યું છે કે સરકાર શીતલહરથી બચાવ માટે પૂરી સંવેદનશીલતા અને તત્પરતા સાથે કાર્ય કરી રહી છે. અધિકારીઓને માનવીય અને અતિ સંવેદનશીલ અભિગમ અપનાવવાના સ્પષ્ટ નિર્દેશ આપવામાં આવ્યા છે. રાત્રિ આશ્રય સ્થળો (રેન બસેરા)માં ધાબળા, હીટર અને પીવાના પાણીની વ્યવસ્થા પૂર્ણ ક્ષમતાએ ચાલુ છે. નગરપાલિકાઓ દ્વારા ગરમ કપડાં અને ધાબળાનું વિતરણ થઈ રહ્યું છે. ગૌશાળાઓમાં પણ પશુઓને ઠંડીથી બચાવવા વિશેષ વ્યવસ્થા કરવામાં આવી છે. આ તમામ પગલાં દર્શાવે છે કે યોગી સરકાર માત્ર માનવ જીવન જ નહીં પરંતુ પ્રાણીમાત્રના કલ્યાણ માટે પ્રતિબદ્ધ છે.
પરંતુ આ સંદેશની સૌથી મોટી વિશેષતા છે તેમની લાગણીસભર અપીલ. યોગીજીએ દરેક નાગરિકને આ સદ્કાર્યમાં ભાગીદાર બનવા આમંત્રણ આપ્યું છે. તેઓ કહે છે કે પોતાની આસપાસ જુઓ ઘરમાં કામ કરતા સહાયકો, સ્વચ્છતા કર્મીઓ, ચોકીદારો કે અન્ય લોકો પાસે ઠંડીથી બચવા પૂરતી સામગ્રી છે કે નહીં એક વાર પૂછી જુઓ. આવા સમયે માનવીય મૂલ્યો અને સંવેદનાની સાચી કસોટી થાય છે. પરોપકાર તો આપણી પરંપરા છે!
આ અપીલમાં સંવેદનશીલ હિંદુત્વની વિચારધારાનું પ્રતિબિંબ સ્પષ્ટ દેખાય છે. યોગી આદિત્યનાથજી જે ગોરખનાથ મઠના મહંત છે અને સનાતન ધર્મના સાધક છે તેમનું નેતૃત્વ હંમેશા 'અંત્યોદય'થી 'સર્વોદય'ના સંકલ્પ પર આધારિત રહ્યું છે. ગરીબના ઉત્થાનથી લઈને સમગ્ર સમાજના કલ્યાણ સુધીનો આ માર્ગ સનાતન ધર્મના 'વસુધૈવ કુટુંબકમ્'ના સિદ્ધાંતને જીવંત કરે છે. તેમનું આ નેતૃત્વ માત્ર શાસન નથી પરંતુ સેવા અને કરુણાનું પ્રતીક છે. ગૌરક્ષા, ગરીબ કલ્યાણ અને સમાજની એકતા આ તમામમાં હિંદુત્વની સંવેદનશીલતા ઝલકે છે.
આવા નેતૃત્વ હેઠળ ઉત્તર પ્રદેશ 'વિકસિત'ના લક્ષ્ય તરફ ઝડપથી આગળ વધી રહ્યું છે. યોગીજીનો આ લાગણીસભર સંદેશ આપણને યાદ અપાવે છે કે સંકટના સમયે સરકાર અને સમાજ એકસાથે મળીને જ વિજયી બને છે. આપણે પણ આ અપીલને અપનાવીએ અને પોતાની આસપાસના જરૂરિયાતમંદોને મદદ કરીએ. આ જ આપણી સંસ્કૃતિની શક્તિ છે!
