વર્ષ 2019થી 21 દરમ્યાન સુરતની મોસાલી ગ્રામ પંચાયતના તલાટી કમ મંત્રી તરીકે ફરજ બજાવતા વિક્રમસિંહ ડી વાઘેલા દ્વારા સરકારના નીતિ-નિયમોને નેવે મૂકી મનસ્વી વહીવટ કરી નાણાકીય ઉચાપત કરવામાં આવી છે હાલ તેઓ આસામમાં ગ્રામ પંચાયતના તલાટી તરીકે ફરજ બજાવે છે. તેમના વિરુદ્ધ મોસાલી ગામના તત્કાલીન ઉપસરપંચ અસ્લમભાઈ માંજરા દ્વારા મોસાલી ગ્રામ પંચાયતમાં થયેલા ભ્રષ્ટાચાર અંગે જિલ્લા વિકાસ અધિકારીને ફરિયાદ કરવામાં આવી હતી.
ત્યારબાદ ઉચ્ચ અધિકારીઓના આદેશથી ગ્રામ પંચાયતમાં તપાસ શરુ કરવામાં આવતા તલાટી કમ મંત્રી દ્વારા ફરજ દરમિયાન કરેલા વહીવટમાં ભોપાળા બહાર આવ્યા હતા જેમાં ગ્રામ પંચાયતની જેટલી આવક થતી હતી, તેની સામે ખોટા બિલો મૂકી ખર્ચ બતાવી દેવામાં આવતો હતો અને વેરા વસૂલાત જેવી ગ્રામ પંચાયતની આવક બેંકમાં જમા કરાવવાના બદલે ગેરવલ્લે કરવામાં આવી હતી. ફરજ દરમિયાન વાઉચર રોજમેળ ખાતે તેમજ દહાડીયા પત્રકો કોઈ પણ જાતની વિગત જણાવી નથી. મહત્તમ નાણાં સફાઈ કામના ખર્ચ પેટે ઉધારેલા છે જેમાં કોઈપણ જાતની વિગતો જણાવી નથી અને તમામ વાઉચરની રકમ સહી વગર જ વાઉચર ફાઈલ કરેલી છે.
કૈલાશ અર્થ મૂવર્સ નામના 63 જેટલા બીલો મુકવામાં આવ્યા છે સાફ-સફાઈના ખર્ચ પેટે આ બીલો મુકાયા છે, જેમાં ₹ 3,36,800નું ચુકવણું કરવામાં આવ્યું છે કૈલાશ અર્થ મૂવર્સનું કોઈ નામ નિશાન છે નથી તેમજ પરમાર સ્ટેશનરી ઝેરોક્ષના વાઉચર જે રોજમેળ ઉધારેલા છે જે વાઉચર રેકોર્ડ ઉપર ઉપલબ્ધ નથી પણ રકમ 45,280 વાઉચર મુકેલ છે જે વાઉચર ફાઈલમાં નથી રણછોડભાઈ વી વસાવા નામના કુલ 21 બિલોની રકમ 89,300 રોકડેથી ચુકવણું થયું છે. રસ્તા રીપેર ગટર સાફ સફાઈ કર્યાનું બતાવમાં આવ્યું છે. બેરર ચેક લખીને રોકડેથી ઉપાડી તે ફક્ત રોકડેથી જ સમગ્ર વહીવટ કરેલો છે ચેકથી પેમેન્ટ થયું નથી થયેલ કામો પેટે ચૂકવાયેલી બિલોમાં જે તે વ્યક્તિની પાસેથી કોઈ પણ ટીડીએસ જીએસટી કપાત કરેલ નથી જે દિવસે ગ્રાન્ટની આવક થાય તે જ દિવસે તેનું ચુકવણું કોઈપણ જાતના ઠરાવ વગર કરી દેવામાં આવ્યું છે.
પેટા કોન્ટ્રાક્ટને કામ સોંપવામાં કોઈપણ ઠરાવ વગર સીધું પેમેન્ટ કરી દેવામાં આવ્યું છે અર્બન ગટર યોજના હેઠળ ભૂગર્ભ ગટર લાઈન માટે ગ્રાન્ટ ફાળવવામાં આવ્યું છે જે ગટરલાઈન જગ્યા ઉલ્લેખ નથી તેવા બીલો ગટર લાઇન રીપેરીંગ ખાતે ઉધારવામાં આવ્યા છે. શૈલેષભાઈ સિંઘવીને કુલ રૂપિયા 99,000 ની ગટર સાફ સફાઈનું ચુકવણું થયું છે બિલમાં એક ફૂટ ગટર લાઈન સાફ કરવાના રૂપિયા 5,000 દર્શાવવામાં આવ્યા છે. સામાન્ય સભા ફક્ત છ મેળવેલું છે વર્ષ 2020નો વાર્ષિક હિસાબ સામાન્ય સભામાં મંજૂર થયું નથી.
સમગ્ર કાર્યકાળ દરમિયાન એક પણ સામાન્ય સભામાં આવક-જાવકના હિસાબોનું કોઇપણ જાતનુ વાંચન થયું નથી ફક્ત ઠરાવ લખીને સાબિત કરવાનો પ્રયત્ન થયો હોવાનું જણાઇ આવ્યું હતું. તલાટી કમ મંત્રી તરીકે ફરજમાં ગંભીર બેદરકારી દાખવી રૂપિયા 7,43,484 ની નાણાકીય ઉચાપત કરતા ગુજરાત પંચાયત સેવાના નિયમો 1997 ના નિયમ 3 સંપૂર્ણ ભંગ તેઓએ કરેલા હોય જેથી તત્કાલીન તલાટી કમ મંત્રી વિક્રમસિંહ ડી વાઘેલાને 90 દિવસ માટે ફરજ મોકૂફ કરી મહુવા તાલુકા પંચાયત ખાતે મુકવામાં આવેલા છે.
મોસાલી ગામના પૂર્વ ઉપસરપંચ અસલમ માંજરાએ તટસ્થ તપાસ કરવા બધા અધિકારી ઓનો આભાર માન્યો હતો. મોસાલી ગ્રામ પંચાયતમાં સરપંચ અને તલાટી કમ મંત્રીની મિલીભગતમાં વ્યાપક ભ્રષ્ટાચાર આચરવામાં આવતો હતો જેના કારણે હું ઉપસરપંચ હોવા છતાં લોકોના કામ કરી શકતો ન હતો મોસાલી ગામ એક મોટું ગામ છે અને વ્યવસાયવેરો મહેસુલ સંહિતની સારી એવી આવક ગ્રામ પંચાયતમાં થતી હતી પરંતુ આવકની સામે ભ્રષ્ટાચાર આચરી આ નાણાંની ખાઈકી કરવામાં આવતી હતી જેથી લોકોને ગ્રામ પંચાયત દ્વારા જે સુવિધાઓ મળવી જોઈએ એ મળતી ન હતી.
આ બાબતે મેં અધિકારીઓને લેખિત રજૂઆત કરી અને મારી ફરિયાદ સાંભળી માંગરોળ તાલુકા વિકાસ અધિકારી ચંદ્રસિંહ પઢીયાર તેમજ જિલ્લા વિકાસ અધિકારીએ ન્યાયના હિતમાં જે પગલું ભરી ન્યાયિક તપાસ કરાવી છે તે બદલ હું અધિકારીઓનો આભાર માનું છું ભ્રષ્ટાચારીઓને દાખલારૂપ સજા થાય તેવી અપેક્ષા તંત્ર પાસે રાખું છું.
15.jpg)
