ખરાબ ફિલ્ડિંગ, ખોટા શૉટ સિલેક્શન.. આજ હાલત રહી તો પાકિસ્તાન ભારત પર ભારે ન પડી જાય

ભારતીય ટીમે બાંગ્લાદેશ સામેની જીત સાથે ચેમ્પિયન્સ ટ્રોફીની શરૂઆત કરી છે. દુબઈ ઈન્ટરનેશનલ ક્રિકેટ સ્ટેડિયમમાં બૉલરોની સાથે શુભમન ગિલ બેટથી જીતનો હીરો રહ્યો હતો. પહેલા બેટિંગ કરતા બાંગ્લાદેશની ટીમે 228 રન બનાવ્યા હતા. ભારતીય ટીમ માટે મોહમ્મદ શમીએ 5 વિકેટ લીધી હતી. ભારતીય ટીમે 229 રનનો ટાર્ગેટ 47 ઓવરમાં હાંસલ કરી લીધો હતો. આ મેચમાં ભારતીય ટીમની ઘણી નબળાઈઓ સામે આવી છે. પાકિસ્તાન સામેની મેચમાં પણ આવું જ રહ્યું તો ટીમને મુશ્કેલીનો સામનો કરવો પડી શકે છે.

ફિલ્ડમાં ખેલાડીઓએ કર્યા નિરાશ

ભારતની ફિલ્ડિંગ મજબૂત હોવા છતા બાંગ્લાદેશ વિરુદ્વ મેચમાં ઘણી ભૂલો થઈ હતી. સૌથી પહેલા કેપ્ટન રોહિત શર્માએ કેચ છોડી દીધો હતો. 9મી ઓવરમાં તેણે અક્ષર પટેલના બૉલ પર જાકેર અલીને જીવનદાન આપ્યું હતું. જો રોહિતે કેચ પકડી લીધો હોત તો અક્ષરે હેટ્રિક મેળવી જતી. જાકેરે 68 રનની ઇનિંગ રમી હતી. ત્યારબાદ હાર્દિક પંડ્યાએ તૌહીદ હ્રદયને જીવનદાન આપ્યું હતું. તેણે એક સરળ કેચ છોડી દીધો હતો અને પછી તૌહીદે સદી ફટકારી દીધી હતી. આ સિવાય વિકેટકીપર કેએલ રાહુલે સ્ટમ્પિંગની આસાન તક ગુમાવી દીધી હતી. જો પાકિસ્તાન સામેની મેચમાં આવું થયું તો ભારતીય ટીમ મુશ્કેલીમાં મુકાઈ શકે છે.

સ્પિન વિરુદ્વ સંઘર્ષ દેખાયા બેટ્સમેન

ભારતીય ટીમના બેટ્સમેનો છેલ્લા કેટલાક સમયથી સ્પિન સામે ખૂબ સંઘર્ષ કરતા જોવા મળી રહ્યા છે. શ્રીલંકા આજ કારણે વન-ડે સીરિઝમાં હાર મળી હતી.. ત્યારબાદ ન્યૂઝીલેન્ડે ઘરઆંગણે ટેસ્ટ સીરિઝમાં સામે કચડી. ચેમ્પિયન્સ ટ્રોફીની પહેલી મેચમાં પણ આવી જ સ્થિતિ જોવા મળી હતી. બાંગ્લાદેશ 2 સ્પિનરો મેહદી હસન મિરાજ અને રિષાદ હુસૈન સાથે મેદાનમાં ઉતાર્યું હતું. ભારતીય બેટ્સમેનોએ 20 ઓવરમાં 75 રન બનાવ્યા હતા. એટલે કે તેમની સામે રન રેટ 4 કરતા ઓછી રહી. પાકિસ્તાન પાસે અબરાર અહમદ સિવાય સલમાન આગા, ખુશદિલ શાહ અને કામરાન ગુલામ જેવા સ્પિન બોલિંગના વિકલ્પો છે.

બેટ્સમેનોની ખરાબ શોર્ટ સિલેક્શન