22 વીઘા જમીનમાં બનાવ્યો નકલી આર્મી ટ્રેનિંગ કેમ્પ, 4 વર્ષમાં 600 યુવાનો પાસેથી 18 કરોડની છેતરપિંડી કરી

ઉત્તર પ્રદેશના મૈનપુરીમાં એક નકલી આર્મી ટ્રેનિંગ કેમ્પનો પર્દાફાશ થયો છે. જિલ્લાના કિશની વિસ્તારમાં જટપુરા ચાર રસ્તા પાસે 22 વીઘા જમીન પર વિવિધ આર્મી બટાલિયનના ઝંડા લગાવેલા મળી આવ્યા હતા. દૂરથી જોતાં એવું લાગશે કે આ આર્મી ટ્રેનિંગ કેમ્પ છે. સેનામાં નોકરી અપાવવાના નામે 4 વર્ષમાં લગભગ 600 લોકો સાથે છેતરપિંડી કરવામાં આવી છે. છેતરપિંડી કરનારાઓએ તેમની સાથે 18 કરોડ રૂપિયાની છેતરપિંડી કરી છે.

પોલીસે આ સમગ્ર કેસના માસ્ટરમાઇન્ડ અરવિંદ પાંડે અને તેની એક સહાયકની ધરપકડ કરી છે. આ કેસ સેના સાથે સંબંધિત હોવાથી સેના પણ સક્રિય થઈ ગઈ છે. ધરપકડ કરાયેલ માસ્ટરમાઇન્ડ અરવિંદ પાંડે પોતાની ધાક જમાવવા માટે તેણે એક મીડિયા ચેનલ ખોલી છે. આ ઉપરાંત, તે એક પાર્ટી અને એક NGO પણ ચલાવી રહ્યો છે. જ્યારે, અરવિંદની માતા ત્રણ મંદિરોમાં સફાઈ અને પૂજા કરે છે.

Fraud Army Recruitment
amarujala.com

કિશન તાલુકાથી થોડે દૂર એક ડિગ્રી કોલેજ છે. કોલેજની સામે 22 વીઘા ખાલી જમીન પડેલી છે. આ ખાલી જમીન અનિલ યાદવ અને તેના ભાઈની છે. માસ્ટરમાઇન્ડ અરવિંદ પાંડે દર મહિને 25,000 રૂપિયા ભાડું ચૂકવે છે. છેલ્લા 4 વર્ષથી આ ખાલી જમીન પર ભારતીય પોલીસ સુરક્ષા દળ નામનો તાલીમ શિબિર ચલાવવામાં આવી રહ્યો હતો. એવું કહેવામાં આવી રહ્યું છે કે, તાલીમની સંપૂર્ણ વ્યવસ્થા સાથે, રહેવા અને ખાવાની પણ વ્યવસ્થા કરવામાં આવી હતી. આ માટે એક નિશ્ચિત રકમ જમા કરાવવામાં આવી હતી. એટલું જ નહીં, અહીં પ્રવેશ મેળવનારા યુવાનોને કહેવામાં આવ્યું હતું કે, જો તેમને સેનામાં નોકરી નહીં મળે તો તેમને બીજે ક્યાંક નોકરી માટે પસંદ કરાવી દેવામાં આવશે.

Fraud Army Recruitment
themidpost.in

તેલંગાણાના કરીમનગર જિલ્લાનો રહેવાસી અશોક 3 જૂને તેના 6 સાથીઓ સાથે કિશની પહોંચ્યો હતો. આ બધાએ કિશની પોલીસ સ્ટેશનમાં તાલીમ શિબિરના વડા અરવિંદ પાંડે વિરુદ્ધ FIR નોંધાવી હતી. અશોક તરફથી આ પ્રકારની ફરિયાદ આપવામાં આવી હતી. તેમાં એવું બતાવવામાં આવ્યું હતું કે, યુટ્યુબ દ્વારા જાહેરાત જોવામાં આવી હતી. અરવિંદ પાંડે 2 થી 3 લાખ રૂપિયા લઈને CRPF, વાયુસેના, નૌકાદળ અને આર્મીમાં તાલીમ લીધા પછી નોકરીમાં લગાવી દેતો હતો. અશોકે ફરિયાદમાં જણાવ્યું હતું કે, તેની સલાહ પર સાગર, ચંદ્રશેખર, શ્રીકાંત, રવિતેજા, વિજય અને લક્ષ્મણે 1 લાખ 20 હજાર ઓનલાઇન અને ત્યાર પછી 1 લાખ 30 હજાર રોકડા ચૂકવીને પ્રવેશ મેળવ્યો હતો.

3 મહિના પછી પણ ન તો કોઈને નોકરી મળી કે, ન તો કોઈના પૈસા પાછા ન મળ્યા. તેણે પોલીસને જણાવ્યું કે, અરવિંદ પાંડે આર્મી યુનિફોર્મ પહેરીને લોકોને ગેરમાર્ગે દોરીને અને છેતરપિંડી કરીને રૂપિયા ઠગી લેતો હતો. ફરિયાદના આધારે પોલીસે કેમ્પના માસ્ટરમાઇન્ડ અરવિંદ પાંડે અને એક ટ્રેનરની ધરપકડ કરી છે. પોલીસ અરવિંદ પાંડેની પૂછપરછ કરી રહી છે.

Related Posts

Top News

50 ઓવરની મેચ ફક્ત 5 બોલમાં સમાપ્ત થઈ ગઈ... 49 ઓવર બાકી રહેતા ટીમ જીતી ગઈ

ક્રિકેટમાં ઘણીવાર એકતરફી મેચ જોવા મળે છે, પરંતુ કેટલીક મેચમાં સંઘર્ષ એટલો બધો થઇ જાય છે કે તેના પર...
Sports 
50 ઓવરની મેચ ફક્ત 5 બોલમાં સમાપ્ત થઈ ગઈ... 49 ઓવર બાકી રહેતા ટીમ જીતી ગઈ

'સાવરકર પરના મારા નિવેદનને કારણે મારો જીવ જોખમમાં', રાહુલે ગાંધીજીનો ઉલ્લેખ કરતા કહ્યું- ઇતિહાસનું પુનરાવર્તન ન થવા દો

કોંગ્રેસના સાંસદ રાહુલ ગાંધીએ પુણે કોર્ટમાં અરજી દાખલ કરીને દાવો કર્યો છે કે, તેમના જીવને ગંભીર જોખમ છે. આ...
National 
'સાવરકર પરના મારા નિવેદનને કારણે મારો જીવ જોખમમાં', રાહુલે ગાંધીજીનો ઉલ્લેખ કરતા કહ્યું- ઇતિહાસનું પુનરાવર્તન ન થવા દો

E20 પેટ્રોલથી ગાડીની એવરેજ ઘટવાની વાત ખોટી છેઃ નીતિન ગડકરી

પેટ્રોલ-ડીઝલથી ચાલતા વાહનોથી થતા એર પોલ્યુશનને રોકવા અને ફ્યુલના ભાવો ઘટાડવા માટે દુનિયાભરની સરકારો ઇથેનોલ બ્લેન્ડેડ ફ્યુઅલ પર કામ કરી...
Tech and Auto 
E20 પેટ્રોલથી ગાડીની એવરેજ ઘટવાની વાત ખોટી છેઃ નીતિન ગડકરી

તેજસ્વીએ એવું કેમ કહ્યું કે- ‘ગુજરાતના લોકો બિહારના મતદારો બની રહ્યા છે’; BJPનું આ ષડયંત્ર સમજવું પડશે

બિહારના ભૂતપૂર્વ DyCM તેજસ્વી યાદવ છેલ્લા કેટલાક દિવસોથી ચૂંટણી પંચ પર સંપૂર્ણ પ્રહાર કરી રહ્યા છે. જ્યારથી બિહારમાં SIR પ્રક્રિયા...
National 
તેજસ્વીએ એવું કેમ કહ્યું કે- ‘ગુજરાતના લોકો બિહારના મતદારો બની રહ્યા છે’; BJPનું આ ષડયંત્ર સમજવું પડશે
Copyright (c) Khabarchhe All Rights Reserved.