દીપક ચહરથી લઈને સ્ટાર્ક સુધી: જાણો IPL હરાજી પહેલા કયા ખેલાડીઓ રીલિઝ થયા, હેડે દેશ માટે IPLના 14 કરોડ ઠુકરાવ્યા

IPL 2027ની મિની-હરાજી પહેલા તમામ 10 ફ્રેન્ચાઈઝીઓએ તેમની ટીમોમાં મોટા ફેરફારો કર્યા છે. મિચેલ સ્ટાર્ક, ટ્રેવિસ હેડ, ટ્રેન્ટ બોલ્ટ, મથીશા પથિરાના અને એનરિક નોર્કિયા જેવા મોટા ખેલાડીઓને રીલિઝ કરવામાં આવ્યા છે. ચેન્નાઈ સુપર કિંગ્સે એમ.એસ. ધોનીને રીલિઝ કરી દીધો છે. ટ્રેવિસ હેડે કહ્યું હતું કે ઓસ્ટ્રેલિયાની ટીમ પર તે ધ્યાન આપવા માંગે છે એટલે તે IPL 2027 રમતો જોવા નહીં મળે, તેને 14 કરોડ રૂપિયા મળતા હતા, પણ દેશ માટે રમવા માટે તેણે 14 કરોડ રૂપિયા ઠુકરાવી દીધા હતા.

RCB
BCCI

 જોકે, તે મેન્ટરની ભૂમિકામાં ફ્રેન્ચાઈઝી સાથે જોડાયેલા રહેશે. તમામ ટીમોએ 17 નવેમ્બરે રીલિઝ કરેલા ખેલાડીઓની યાદી IPLને સોંપી દીધી છે, અને હવે તેમની નજર 16 ડિસેમ્બરે ગોવામાં યોજાનારી મિની-હરાજી પર છે. આ વખતે લખનૌ સુપર જાયન્ટ્સ સૌથી વધું રકમ (પર્સ) સાથે હરાજીમાં ઉતરશે, જ્યારે ગુજરાત ટાઇટન્સ પાસે સૌથી ઓછી રકમ હશે.

CSK
BCCI

કોલકાતા નાઈટ રાઈડર્સ (KKR)એ શ્રીલંકાના ફાસ્ટ બોલર મથીશા પથિરાના, બાંગ્લાદેશના મુસ્તફિઝુર રહેમાન અને અજિંક્ય રહાણેને રીલિઝ કર્યા છે. રચિન રવિન્દ્ર, રાહુલ ત્રિપાઠી, આકાશ દીપ, ઉમરાન મલિક અને નવદીપ સૈની જેવા ખેલાડીઓ પણ હવે ટીમનો ભાગ નથી. KKR પાસે હાલમાં રૂ.41.65 કરોડ બચ્યા છે.

GT
BCCI

સનરાઈઝર્સ હૈદરાબાદ (SRH)એ ઓસ્ટ્રેલિયાના ઓપનર ટ્રેવિસ હેડ અને શ્રીલંકાના ઓલરાઉન્ડર કામિન્દુ મેન્ડિસને રીલિઝ કર્યા છે. જયદેવ ઉનડકટ, દિલશાન મદુશંકા, શિવમ માવી અને ગેરાલ્ડ કોએત્ઝીને પણ ટીમમાંથી રીલિઝ કરવામાં આવ્યા છે. હૈદરાબાદના પર્સમાં રૂ.40.15 કરોડ છે. દિલ્હી કેપિટલ્સે મિચેલ સ્ટાર્ક અને નીતિશ રાણાને રીલિઝ કર્યા છે, જ્યારે વિકેટકીપર-બેટર અભિષેક પોરેલ અને પથુમ નિસાંકાને પણ ટીમમાંથી બહાર થયા છે. બીજી તરફ, મુંબઈ ઈન્ડિયન્સે ટ્રેન્ટ બોલ્ટ, દીપક ચાહર અને અફઘાન સ્પિનર ​​અલ્લાહ ગઝનફરને રીલિઝ કર્યા છે. હાર્દિક પંડ્યાની અને અર્શદીપ સિંહની પંજાબ કિંગ્સ સાથે ટ્રેડ ડીલ પણ થઈ ચૂકી છે.

LSG
BCCI

લખનૌ સુપર જાયન્ટ્સે અવેશ ખાન, એનરિક નોર્ખિયા અને વાનિન્દુ હસરંગા સહિત સાત ખેલાડીઓને રીલિઝ કર્યા છે. તેની પાસે રૂ.47.45 કરોડ બાકી છે, જે તમામ ટીમોમાં સૌથી વધુ છે. ગુજરાત ટાઇટન્સે ઈશાંત શર્મા અને શાહરૂખ ખાન સહિત 5 ખેલાડીઓને રીલિઝ કર્યા છે; તેની પાસે હવે માત્ર રૂ.8.75 કરોડ બાકી છે.

DC
BCCI

ચેન્નાઈ સુપર કિંગ્સ પાસે રૂ.28.05 કરોડ, રાજસ્થાન રોયલ્સ પાસે રૂ.27.05 કરોડ અને પંજાબ કિંગ્સ પાસે રૂ.18.6 કરોડ બાકી છે. ડિફેન્ડિંગ ચેમ્પિયન રોયલ ચેલેન્જર્સ બેંગલુરુએ જેકબ બેથેલ સહિત 5 ખેલાડીઓને રીલિઝ કર્યા છે અને તેની પાસે રૂ.14.15 કરોડ છે. IPL 2027ની મિની-હરાજી 16 ડિસેમ્બરે ગોવામાં યોજાશે, જ્યાં ટીમો પોતામાં ખાલી જગ્યાઓ ભરવા માટે ખેલાડીઓ પર બોલી લગાવશે.

KKR
BCCI

તમામ 10 ટીમો દ્વારા રીલિઝ કરવામાં આવેલા ખેલાડીઓની યાદી:

RCB: જેકબ બેથેલ, રિચર્ડ ગ્લીસન, મંગેશ યાદવ, વિહાન મલ્હોત્રા, સાત્વિક દેસવાલ.

GT: ઈશાંત શર્મા, લ્યૂક વુડ, કુલવંત ખેજરોલિયા, શાહરૂખ ખાન, કોનર એસ્ટરહુઈઝન.

SRH: ટ્રેવિસ હેડ, કામિન્દુ મેન્ડિસ, જયદેવ ઉનડકટ, દિલશાન મદુશંકા, ઓંકાર, અમિત કુમાર, શિવમ માવી, ગેરાલ્ડ કોએત્ઝી, ડેવિડ પાયને.

MI
BCCI

RR: શિમરોન હેટમાયર, તુષાર દેશપાંડે, એડમ મિલ્ને, ક્વેના મફાકા, કુલદીપ સેન, યુદ્વવીર સિંહ ચરક, વિગ્નેશ પુથુર, રવિ સિંહ.

PBKS: લોકી ફર્ગ્યૂસન, મિચ ઓવેન, નેહલ વઢેરા, પાયલા અવિનાશ, પ્રવિણ દુબે, વિશાલ નિષાદ

DC: મિશેલ સ્ટાર્ક, નીતિશ રાણા, અભિષેક પોરેલ, પથુમ નિસાંકા, બેન ડકેટ, કરુણ નાયર, સાહિલ પારખ, દુષ્મંથા ચમીરા, રેહાન અહેમદ, અજય મંડલ.

toll plazas
cnbctv18.com

KKR: મતિશા પાથિરાના, મુસ્તફિઝુર રહેમાન, અજિંક્ય રહાણે, રચિન રવિન્દ્ર, રાહુલ ત્રિપાઠી, આકાશ દીપ, ઉમરાન મલિક, નવદીપ સૈની, તેજસ્વી દહિયા, બ્લેસિંગ મુઝરબાની, દક્ષ કામરા, લવનીથ સિસોદિયા.

MI: ટ્રેન્ટ બોલ્ટ, દીપક ચાહર, અલ્લાહ ગઝનફર, અથર્વ અંકોલેકર, કેશવ મહારાજ, મોહમ્મદ ઇઝહર, માલેવર, મયંક માર્કંડે, મયંક રાવત.

SRH
BCCI

CSK: મહેન્દ્ર સિંહ ધોની, પ્રશાંત વીર, મેથ્યૂ શોર્ટ, મેટ હેનરી, જેક ફોલ્કેસ, અમન ખાન, કુલદીપ યાદવ, આકાશ મધવાલ, ડિયાન ફોરેસ્ટર, મેકનીલ નોરોન્હા.

LSG: અવેશ ખાન, એનરિચ નોર્ખિયા, વાનિન્દુ હસરાંગા, મેથ્યૂ બ્રેટ્ઝકે, જ્યોર્જ લિન્ડે, નમન તિવારી, અર્શિન કુલકર્ણી.

About The Author

Top News

દીપક ચહરથી લઈને સ્ટાર્ક સુધી: જાણો IPL હરાજી પહેલા કયા ખેલાડીઓ રીલિઝ થયા, હેડે દેશ માટે IPLના 14 કરોડ ઠુકરાવ્યા

IPL 2027ની મિની-હરાજી પહેલા તમામ 10 ફ્રેન્ચાઈઝીઓએ તેમની ટીમોમાં મોટા ફેરફારો કર્યા છે. મિચેલ સ્ટાર્ક, ટ્રેવિસ હેડ, ...
Sports 
દીપક ચહરથી લઈને સ્ટાર્ક સુધી: જાણો IPL હરાજી પહેલા કયા ખેલાડીઓ રીલિઝ થયા, હેડે દેશ માટે IPLના 14 કરોડ ઠુકરાવ્યા

UPમાં 18 લાખ 84 હજાર મતદારો વધી ગયા! ચૂંટણી પંચે ડ્રાફ્ટ મતદાર યાદી બહાર પાડી

ચૂંટણી પંચે ઉત્તર પ્રદેશ માટે ડ્રાફ્ટ મતદાર યાદી જાહેર કરી છે. રાજ્યમાં અગાઉના આંકડાઓની સરખામણીમાં 18 લાખ 84 હજાર મતદારોનો...
National 
UPમાં 18 લાખ 84 હજાર મતદારો વધી ગયા! ચૂંટણી પંચે ડ્રાફ્ટ મતદાર યાદી બહાર પાડી

ટોલ પ્લાઝા પર ઈન્શ્યોરન્સ વગર પસાર થયા તો ભારે દંડ માટે તૈયાર રહેજો; શરૂ થયો પાયલોટ પ્રોજેક્ટ

જો તમે તમારી કાર કે અન્ય કોઈ વાહનનો થર્ડ-પાર્ટી વીમો રિન્યૂ કરવાનું ભૂલી ગયા હોવ અને નેશનલ હાઈવે પર મુસાફરી...
National 
ટોલ પ્લાઝા પર ઈન્શ્યોરન્સ વગર પસાર થયા તો ભારે દંડ માટે તૈયાર રહેજો; શરૂ થયો પાયલોટ પ્રોજેક્ટ

હવે 3 બાળકો હશે તેને પણ સરકારી નોકરી મળશે; મધ્ય પ્રદેશની ભાજપ સરકારે લીધો નિર્ણય

મધ્યપ્રદેશમાં, 2થી વધુ બાળકો ધરાવતા લોકો પણ સરકારી નોકરી માટે પાત્ર રહેશે. બુધવારે મંદસૌરના ગાંધી સાગર ખાતે CM ...
National 
હવે 3 બાળકો હશે તેને પણ સરકારી નોકરી મળશે; મધ્ય પ્રદેશની ભાજપ સરકારે લીધો નિર્ણય
Copyright (c) Khabarchhe All Rights Reserved.