બુધવારે IPLમાં મુંબઈ ઈન્ડિયન્સ (MI) અને દિલ્હી કેપિટલ્સ (DC) વચ્ચે મેચ રમાશે. આ મેચ પ્લેઓફની દૃષ્ટિએ બંને ટીમો માટે ખૂબ જ મહત્ત્વપૂર્ણ છે. મેચ જે પણ ટીમ જીતશે, તેની આશાઓ વધુ મજબૂત બનશે. આ મેચ માટે બંને ટીમો ખૂબ મહેનત કરી રહી છે. આ દરમિયાન, રોહિત શર્મા તાજેતરમાં જ તેના સાથી તિલક વર્માને તેની સિલ્વર મર્સિડિઝ કારમાં પ્રેક્ટિસ સત્ર માટે લઈ જતો જોવા મળ્યો હતો. આ ઘટના આગામી IPL 2025માં દિલ્હી કેપિટલ્સ (DC) સામેની મેચ અગાઉની છે, જે 21 મેના રોજ મુંબઈના વાનખેડે સ્ટેડિયમમાં રમાશે.
સોશિયલ મીડિયા પર વાયરલ થયેલા એક વીડિયોમાં જોવા મળ્યું હતું કે રોહિત શર્મા ડ્રાઇવિંગ સીટ પર છે, જ્યારે તિલક વર્મા પાછળની સીટ પર બેસે છે. બંને ખેલાડીઓ MI ટ્રેનિંગ જર્સીમાં જોવા મળ્યા હતા, જેનાથી સ્પષ્ટ થાય છે કે તેઓ પ્રેક્ટિસ સેશન માટે જઈ રહ્યા હતા. સીઝનમાં અત્યાર સુધીના પ્રદર્શનની વાત કરીએ તો રોહિત શર્માએ 11 મેચમાં 30ની સરેરાશ અને 152.28ની સ્ટ્રાઇક રેટથી 300 રન બનાવ્યા છે, જેમાં 3 અડધી સદીનો સમાવેશ થાય છે. તો, તિલક વર્માએ 9 ઇનિંગ્સમાં 35.14ની સરેરાશ અને 138.98ની સ્ટ્રાઇક રેટ સાથે 246 રન બનાવ્યા છે, જેમાં 2 અડધી સદીનો સમાવેશ થાય છે.
https://twitter.com/rushiii_12/status/1924054205746081965
મુંબઈ ઈન્ડિયન્સ હાલમાં 12 મેચમાં 7 જીત અને 14 પોઈન્ટ સાથે પોઈન્ટ ટેબલમાં ચોથા સ્થાને છે. ગુજરાત ટાઇટન્સ, રોયલ ચેલેન્જર્સ બેંગ્લોર અને પંજાબ કિંગ્સ પહેલાથી જ પ્લેઓફ માટે ક્વોલિફાય થઈ ચૂકી છે, જેના કારણે MI પર અંતિમ સ્થાન માટે દબાણ વધ્યું છે. દિલ્હી કેપિટલ્સ 13 પોઈન્ટ સાથે પાંચમા સ્થાને છે અને તેની 2 મેચ બાકી છે. એટલે બંને ટીમો વચ્ચેની આ મેચ પ્લેઓફની રેસમાં નિર્ણાયક બની શકે છે. મુંબઈ ઈન્ડિયન્સની છેલ્લી લીગ મેચ 26 મેના રોજ જયપુરમાં પંજાબ કિંગ્સ સામે રમાશે.
-copy37.jpg)
15.jpg)
