ભારતીય મહિલા ક્રિકેટ ટીમની ઉપ-કપ્તાન (vice-captain) સ્મૃતિ મંધાનાએ (Smriti Mandhana) રવિવારે એક જાહેર નિવેદન બહાર પાડીને સંગીતકાર પલાશ મુછાલ (Palash Muchhal) સાથેના તેના લગ્ન રદ (wedding has been called off) કરવાની સત્તાવાર જાહેરાત કરી છે. અઠવાડિયાઓથી ચાલી રહેલી આ સંબંધની અટકળો પર આ સાથે અચાનક પૂર્ણવિરામ મુકાયો છે. મંધાનાએ આ પરિસ્થિતિમાંથી પસાર થવા માટે ગોપનીયતા જાળવવાની વિનંતી કરી છે, અને ભારપૂર્વક જણાવ્યું છે કે હવે આગળ વધવાનો સમય છે.
તેણે ઈન્સ્ટાગ્રામ પર સ્ટોરી શેર કરીને લખ્યું હતું કે, છેલ્લા કેટલાક અઠવાડિયાથી મારા જીવનની આસપાસ ઘણી બધી અટકળો ચાલી રહી છે અને મને લાગે છે કે આ સમયે મારે બોલવું મહત્વપૂર્ણ છે. હું એક ખૂબ જ ખાનગી વ્યક્તિ છું અને હું તેને તે જ રીતે રાખવા માંગુ છું, પરંતુ મારે સ્પષ્ટતા કરવાની જરૂર છે કે લગ્ન રદ કરવામાં આવ્યા છે.
હું આ મામલાને અહીં જ સમાપ્ત કરવા માંગુ છું અને તમારા બધાને પણ તેવું જ કરવા વિનંતી કરું છું. હું તમને વિનંતી કરું છું કે આ સમયે બંને પરિવારોની ગોપનીયતાનું સન્માન કરો અને અમને અમારી ગતિએ આ પ્રક્રિયામાંથી પસાર થવા અને આગળ વધવા માટે જગ્યા આપો. તેણે ભારપૂર્વક જણાવ્યું કે તેનું ધ્યાન હવે સંપૂર્ણપણે દેશ સેવા પર કેન્દ્રિત રહેશે. હું માનું છું કે આપણને બધાને એક ઉચ્ચ હેતુ દોરી રહ્યો છે અને મારા માટે તે હંમેશા મારા દેશનું સર્વોચ્ચ સ્તરે પ્રતિનિધિત્વ કરવાનું રહ્યું છે. હું શક્ય હોય ત્યાં સુધી ભારત માટે રમવાનું અને ટ્રોફી જીતવાનું ચાલુ રાખવાની આશા રાખું છું અને મારું ધ્યાન હંમેશા ત્યાં જ રહેશે.
નિવેદનના અંતે તેણે સમર્થન આપવા બદલ આભાર વ્યક્ત કર્યો અને કહ્યું, તમારા બધાના સમર્થન બદલ આભાર. હવે આગળ વધવાનો સમય છે.
લગ્ન રદ થયાની જાહેરાત પહેલાના અઠવાડિયામાં ઘણા નાટકીય ઘટનાક્રમ બન્યા હતા.
