ફલાઇટના કેપ્ટન બનવા માટે ઓછામાં ઓછા 100 કલાકનો ફ્લાઈંગ અનુભવ જરૂરી હોય છે.. આજે પોખરા જતી વખતે કેપ્ટન કેસીએ કો-પાઈલટ અંજુને મુખ્ય પાઈલટની સીટ પર બેસાડી હતી. જો અંજૂ આ લેન્ડિંગ સફળ રીતે પાર પાડતે તો તેને મુખ્ય પાયલોટ તરીકેનું લાયસન્સ મળવાનું હતું. પરંતુ નસીબની બલિહારી જુઓ કે વિમાન એરપોર્ટ પર લેન્ડ થવા માટે માત્ર 10 સેકન્ડની વાર હતી, પરંતુ કમનસીબે, અંજૂના તમામ સપના અને આકાંક્ષાઓ માત્ર 10 સેકન્ડના અંતરે જ ધૂમાડામાં પડી ગયા.
નેપાળમાં રવિવારે એક દર્દનાક વિમાન દુર્ઘટના બની હતી. લેન્ડિંગ પહેલા પ્લેન ક્રેશ થયું હતું. વિમાનમાં 68 મુસાફરો સહિત કુલ 72 લોકો સવાર હતા. જેમાં 5 ભારતીયો પણ સામેલ હતા. ક્રેશ થયેલા પ્લેનની કો-પાઈલટ અંજૂ ખાટીવડા કો-પાઈલટ તરીકેની આ છેલ્લી ફ્લાઇટ હતી. પ્લેનનું સુરક્ષિત લેન્ડિંગ કરાવ્યા બાદ અંજૂ કેપ્ટન બનવાની હતી. આ માટે તે સિનિયર પાયલટ અને ટ્રેનર કમલ કેસી સાથે ફ્લાઈટમાં ગઈ હતી.
જાણવા મળેલી માહિતી મુજબ કેપ્ટન કમલ કે સીનો પાયલોટ તરીકેના અનુભવનું 35મું વર્ષ હતું. કમલ કેસીએ અનેક પાયલોટને ટ્રેનિંગ આપેલી છે અને તેમના દ્રારા તાલીમ પામેલા પાયલોટ આજે સફળ કેપ્ટન તરીકે જાણીતા છે. નેપાળમાં બનેલી દુખદ ઘટનાનો સંયોગ એ છે કે કો-પાયલોટ અંજૂનો પતિ પણ 16 વર્ષ પહેલાં આ જ રીતે પ્લેન ક્રેશમાં મોતને ભેટ્યા હતા. અંજૂના પતિ દીપક પોખરેલ પણ Yeti Airlinesમાં કો-પાયલોટ હતા. 16 જૂન 2006માં અંજૂના પતિ દીપક પોખરેલ નેપાળ ગંજથી સુર્ખેત થઇને જુમ્લા જઇ રહ્યા હતા ત્યારે આ વિમાન ક્રેશ થઇ ગયું હતું જેમાં દીપક પોખરેલનું મોત થયું હતું.
નેપાળમાં 72 યાત્રીઓને લઇને જતું એક વિમાન હવામાં હતું ત્યારે જ આગ લગાવાની ઘટનાને કારણે ક્રેશ થઇ ગયું હતું. જાણવા મળેલી માહિતી મુજબ આ દુર્ઘટનામાં લગભગ બધા યાત્રીઓના મોત થયા છે.
નેપાળના પોખરા ઇન્ટરનેશનલ એરપોર્ટ પાસે રવિવારે એક 72 સીટર ફલાઇટ ક્રેશ થઇ ગયું છે. બચાવ કાર્ય શરૂ કરી દેવામાં આવ્યું છે. અત્યારે એરપોર્ટને સંપૂર્ણ બંધ કરી દેવામાં આવ્યું છે. જાણવા મળેલી માહિતી મુજબ કાઠમંડુથી પોખરા પહોંચેલું Yeti Airlinesનું વિમાન ક્રેશ થઇ ગયું છે. Yeti Airlinesના ATR-72 વિમાનમાં કુલ 68 યાત્રીઓ સવાર હતા. નેપાળની મીડિયાના અહેવાલો મુજબ આ દુર્ઘટનામાં અત્યાર સુધીમાં બધા લોકોના મોત થયા હોવાનું માનવામાં આવી રહ્યું છે. આ દુર્ઘટના પછી નેપાળ સરકારે ઇમરજન્સી મીટિંગ બોલાવી છે.
આ પ્લેન વિશે જાણકારી મળી છે કે લેન્ડિંગ પહેલા જ પ્લેનમાં હવામાં આગ લાગી ગઈ હતી. Yeti Airlinesનુંના પ્રવક્તા સુદર્શન બરતૌલાએ નેપાળી મીડિયા ધ કાઠમંડુ પોસ્ટને જણાવ્યું કે આ વિમાનમાં કુલ 68 મુસાફરો અને ચાર ક્રૂ મેમ્બર સવાર હતા. પ્લેન જૂના એરપોર્ટ અને પોખરા ઇન્ટરનેશનલ એરપોર્ટ વચ્ચે ક્રેશ થયું હતું. વિમાન દુર્ઘટના પછી પોખરા એરપોર્ટને બંધ કરી દેવામાં આવ્યું છે. પ્લેન પોખરા એરપોર્ટની નજીક ક્રેશ થયું છે.
નેપાળની જે ઇન્ટરનેશનલ એરપોર્ટ પર વિમાન ક્રેશ થવાની ઘટના બની છે તે ચીનની મદદથી બનાવવામાં આવ્યું હતું. થોડા દિવસો પહેલાં જ આ એરપોર્ટનું ઉદઘાટન કરવામાં આવ્યું હતું અને આજે Yeti Airlinesનું વિમાન દુર્ઘટનાનો શિકાર બની ગયું. દુર્ઘટનાનું કારણ હજુ સુધી જાણવા મળ્યું નથી. બચાવ કાર્ય ઝડપથી શરૂ કરી દેવામાં આવ્યું છે. Yeti Airlinesનું આ વિમાન કાઠમંડુથી પોખરા જઇ રહ્યુ હતું.
પ્લેન ક્રેશને લઈને નેપાળના વડાપ્રધાન કાર્યાલય દ્વારા એક ટ્વીટ કરવામાં આવ્યું છે. ટ્વીટમાં લખવામાં આવ્યું છે કે, કાઠમંડુથી પોખરા જતા મુસાફરોને લઈ જતી Yeti AirlinesANC ATR 72ના દુ:ખદ અકસ્માતથી હું ખૂબ જ દુઃખી છું. હું સુરક્ષા કર્મચારીઓ, નેપાળ સરકારની તમામ એજન્સીઓ અને સામાન્ય જનતાને અસરકારક બચાવ શરૂ કરવા અપીલ કરું છું.
નેપાળની વિમાન દુર્ઘટના પર ભારતના સિવિલ એવિએશન મંત્રી જયોતિરાદિત્ય સિંધિયાએ દુખ વ્યકત કર્યું છે. સિંધિયાએ ટ્વીટ કરીને લખ્યું છે કે નેપાળમાં એક દુખદ વિમાન દુર્ઘટનામાં જાનહાની અત્યંત દુર્ભાગ્યપૂર્ણ છે. શોકગ્રસ્ત પરિવારો સાથે મારી સંવેદના અને પ્રાથર્ના છે.
15.jpg)
