ઈરાન સામેના યુદ્ધને લઈને અમેરિકાના રાષ્ટ્રપતિ ડોનાલ્ડ ટ્રમ્પ હવે પોતાના જ વહીવટીતંત્રમાં ઘેરાતા જોવા મળી રહ્યા છે. વિપક્ષી સાંસદોના વિરોધ બાદ હવે ટ્રમ્પની પોતાની ટીમના એક ઉચ્ચ અધિકારી અને નેશનલ કાઉન્ટર ટેરરિઝમ સેન્ટર (NCTC) ના ડાયરેક્ટર જો કેન્ટ (Joe Kent) એ પોતાના પદ પરથી રાજીનામું આપી દીધું છે. ઈરાન સામેના યુદ્ધના વિરોધમાં ટ્રમ્પ વહીવટીતંત્રમાંથી આ અત્યાર સુધીનું સૌથી મોટું રાજીનામું માનવામાં આવે છે.
અંતરાત્માનો અવાજ દબાવી શકું નહીં: જો કેન્ટ
જો કેન્ટે સોશિયલ મીડિયા પ્લેટફોર્મ 'X' પર પોતાના રાજીનામાની જાહેરાત કરતા લખ્યું કે, ઘણા વિચાર-વિમર્શ બાદ મેં રાજીનામું આપવાનો નિર્ણય કર્યો છે. હું મારી અંતરાત્માની વિરુદ્ધ જઈને ઈરાન યુદ્ધનું સમર્થન કરી શકું નહીં. ઈરાન અત્યારે આપણા દેશ માટે કોઈ ખતરો નહોતો. એ સ્પષ્ટ છે કે આપણે આ યુદ્ધ ઈઝરાયેલ અને તેની શક્તિશાળી અમેરિકન લોબીના દબાણમાં આવીને શરૂ કર્યું છે.
ટ્રમ્પને લખેલા પત્રમાં ગંભીર ખુલાસા
રાષ્ટ્રપતિ ટ્રમ્પને મોકલેલા પત્રમાં જો કેન્ટે કેટલીક ચોંકાવનારી બાબતોનો ઉલ્લેખ કર્યો છે. તેમણે આરોપ લગાવ્યો કે ટ્રમ્પ વહીવટીતંત્રમાં બેઠેલા ઉચ્ચ પ્રોફાઇલ ઈઝરાયેલી અધિકારીઓ અને સમર્થક મીડિયા લોબીએ રાષ્ટ્રપતિને યુદ્ધ માટે ઉશ્કેર્યા છે. કેન્ટના મતે, આ પ્રોપેગેન્ડાએ ટ્રમ્પના 'અમેરિકા ફર્સ્ટ'ના વિઝનને નુકસાન પહોંચાડ્યું છે. તેમણે યાદ અપાવ્યું કે મિડલ ઈસ્ટના યુદ્ધો એક 'ટ્રેપ' (જાળ) સમાન છે, જેમાં અમેરિકાના અનેક દેશભક્તોના જીવ ગયા છે અને રાષ્ટ્રીય સંપત્તિનો બગાડ થયો છે. હું અમેરિકાની આગામી પેઢીને એવા યુદ્ધમાં મોકલવાનું સમર્થન ન કરી શકું જેનો અમેરિકાને કોઈ ફાયદો નથી. રાષ્ટ્રપતિ પાસે હજુ પણ રસ્તો બદલવાની તક છે.
રાષ્ટ્રપતિ ટ્રમ્પની પ્રતિક્રિયા
જો કેન્ટના આકરા પ્રહારો સામે રાષ્ટ્રપતિ ડોનાલ્ડ ટ્રમ્પ પણ મૌન રહ્યા નથી. તેમણે પ્રતિક્રિયા આપતા જણાવ્યું કે, તેમણે રાજીનામું આપી દીધું તે સારું જ છે, કારણ કે તેમને લાગે છે કે ઈરાન અમેરિકા માટે ખતરો નથી.
કોણ છે જો કેન્ટ?
