‘મેરેજ હૉલ સુધી પહોંચવા નહીં દઈએ..’, Amazonના ફાઉન્ડરના લગ્નનો વેનિસના લોકો કેમ વિરોધ કરી રહ્યા છે

Amazonના ફાઉન્ડર જેફ બેજોસના લગ્ન વિરુદ્ધ લોકો પ્રદર્શન કરી રહ્યા છે. પ્રદર્શનકારીઓ ધમકી આપી રહ્યા છે કે, તેઓ બેજોસના મહેમાનો માટે લગ્નની કેક ગળવાનું મુશ્કેલ કરી દેશે. ચાલો જાણીએ શું છે આખો મામલો.

પહેલી પત્નીને છૂટાછેડા આપી ચૂકેલા જેફ બેજોસ આ મહિનાના અંતમાં બીજા લગ્ન કરવા જઈ રહ્યા છે. તેઓ પૂર્વ ટીવી પત્રકાર લોરેન સાંચેઝ સાથે ઇટાલીના ખૂબ જ સુંદર શહેર વેનિસમાં લગ્ન કરશે. ન્યૂયોર્ક પોસ્ટના સમાચાર અનુસાર, તેમના ભવ્ય લગ્ન 500 મિલિયન ડોલરની કિંમતવાળા સુપરયાટ Koruમાં થશે. લગ્નમાં લગભગ 200 ખાસ મહેમાનો સામેલ થઈ શકે છે. આ લગ્ન માટે 7 મિલિયન ડોલર એટલે કે લગભગ 60 કરોડ રૂપિયાનું બજેટ રાખવામાં આવ્યું છે. વેનિસમાં ગ્રાન્ડ વેડિંગની ગ્રાન્ડ તૈયારીઓ થઈ રહી છે. પરંતુ વેનિસના લોકો નથી ઇચ્છતા કે તેમના લગ્ન અહીં થાય.

અહીંના કેટલાક લોકો આ ભવ્ય લગ્નને સામંતવાદી વિચારનું ઉદાહરણ ગણાવી રહ્યા છે. પ્રદર્શન કરનારા લોકોનો દાવો છે કે બેજોસ જેવા અબજપતિ શહેરની ગરિમા અને લાઈફસ્ટાઈલ પર કબજો કરવા માગે છે. તેની વિરુદ્ધ વેનિસ શહેરના લોકોએ અભિયાન શરૂ કરી દીધું છે. તેઓ ‘No Space for Bezos’ (બેજોસ માટે કોઈ જગ્યા નથી)ના બેનર ટાંગીને, રસ્તા પર ઉતરીને પ્રદર્શન કરી રહ્યા છે. લોકોનું એમ પણ કહેવું છે કે, જેફ બેજોસની ગ્રાન્ડ વેડિંગ શહેરની મુશ્કેલી વધારી દેશે. આ હાઇ-પ્રોફાઇલ લગ્ન શહેરને વધુ ટકાવી દેશે. અહીં આવનારા પ્રવાસીઓ માટે પરેશાનીનું કારણ બની શકે છે.

એક પ્રદર્શનકારીએ કહ્યું કે, જો જરૂરિયાત પડી તો તેઓ નહેરોને રોકી દેશે. પરંતુ આ લગ્નને રોકીને  રહેશે. લોકોએ વોરિંગ આપી છે કે તેઓ બેજોસને લગ્નના વેન્યૂ સુધી પહોંચવા નહીં દે. તેમનો રસ્તો રોકશે. તેના માટે તેઓ કંઈ પણ કરશે. પિચકારીઓથી લગ્નમાં આવનારા લોકો પર પાણી નાખીશું. બીજી તરફ, કેટલાક લોકલ વેપારીઓનું કહેવું છે કે જો નહેરો બ્લોક કરવામાં આવશે તો જરૂરી સામાન શહેર સુધી પહોંચી નહીં શકે. તેની સીધી અસર કિંમતો અને સામાન્ય લોકોની જિંદગી પર પડશે.

જેફ બેજોસના લગ્ન લોરેન સાંચેઝ સાથે ઇટાલીના વેનિસમાં થશે. આ લગ્ન 3 દિવસ સુધી ચાલશે. આ લગ્ન 24 જૂન 2026થી શરૂ થશે, જે 26 જૂનના રોજ સમાપ્ત થશે. તમને જણાવી દઈએ કે જેફ બેજોસે મે 2023માં લોરેન સાંચેઝ સાથે સગાઈ કરી હતી. આ જેફ બેજોસના બીજા લગ્ન છે. અગાઉ જેફ બેજોસની પત્ની મેકેન્જી સ્કોટ હતી, જેની સાથે જેફે પોતાનો 25 વર્ષના સંબંધ તોડી નાખ્યા છે. વાત કરીએ લોરેન સાંચેઝની તો, તેના પણ છૂટાછેડા થઈ ચૂક્યા છે.

જૂન 2026માં 3 દિવસ ચાલનારા જેફ બેજોસના લગ્નમાં કુલ 200 VIP મહેમાનો આવવાના છે. રિપોર્ટ્સ મુજબ, આ દરમિયાન કુલ 10 મિલિયન ડોલર એટલે કે લગભગ 83 કરોડ રૂપિયા ખર્ચ થવાના છે. આ મહેમાનોમાં ઇવાન્કા ટ્રમ્પ, જેરેડ કુશનર, હોલિવુડ સ્ટાર્સ જેમ કે કિમ કાર્દશિયન, ક્રિસ જેનર, કેટી પેરી અને ઓર્લેન્ડો બ્લૂમ જેવા લોકો સામેલ છે. સાથે જ તેમાં, ઓપ્રા વિન્ફ્રે, બિલ ગેટ્સ, મિરાન્ડા કેર જેવા લોકો પણ સામેલ થશે. દરેક મહેમાન પર 50,000 ડોલર એટલે કે લગભગ 42 લાખ રૂપિયા ખર્ચ કરવામાં આવશે.