સ્પેન અને અમેરિકા વચ્ચેના સંબંધોમાં અત્યારે ભારે ખળભળાટ મચી ગયો છે. ઈરાન વિરુદ્ધ ચાલી રહેલા યુદ્ધમાં સ્પેને અમેરિકાનો સાથ આપવાનો સ્પષ્ટ ઇનકાર કરી દીધો છે અને તેના સૈન્ય વિમાનો માટે પોતાના આકાશના દ્વાર બંધ કરી દીધા છે. યુરોપિયન દેશ સ્પેને અમેરિકા વિરુદ્ધ અત્યંત કડક વલણ અપનાવ્યું છે. સ્પેનના સંરક્ષણ મંત્રી માર્ગારિટા રોબલ્સ (Margarita Robles) એ સત્તાવાર જાહેરાત કરી છે કે ઈરાન પર હુમલો કરવામાં સામેલ કોઈપણ અમેરિકી સૈન્ય વિમાનને સ્પેનના હવાઈ ક્ષેત્ર (Airspace) નો ઉપયોગ કરવા દેવામાં આવશે નહીં.
મેડ્રિડમાં પત્રકારો સાથે વાત કરતા માર્ગારિટા રોબલ્સે જણાવ્યું હતું કે અમે ઈરાન સાથેના યુદ્ધ સંબંધિત કોઈપણ કાર્યવાહી માટે અમારા સૈન્ય મથકો અથવા અમારા હવાઈ ક્ષેત્રના ઉપયોગની મંજૂરી આપીશું નહીં.
આ નિર્ણયથી અમેરિકી વાયુસેનાએ હવે લાંબા રૂટ પરથી ઉડાન ભરવી પડશે, જેના કારણે તેમના મિશનમાં વિલંબ અને ખર્ચમાં વધારો થશે. જોકે, માત્ર ઈમરજન્સી ફ્લાઈટ્સ (કટોકટીના સમયની ઉડાન) ને જ આ પ્રતિબંધમાંથી મુક્તિ આપવામાં આવી છે.
સ્પેનના અર્થતંત્ર મંત્રી કાર્લોસ કુએર્પો (Carlos Cuerpo) એ આ નિર્ણયને યોગ્ય ઠેરવતા કહ્યું કે સ્પેન એવા કોઈપણ યુદ્ધને સમર્થન આપી શકે નહીં જે એકપક્ષીય રીતે અને આંતરરાષ્ટ્રીય કાયદાની વિરુદ્ધ શરૂ કરવામાં આવ્યું હોય. સ્પેનનું માનવું છે કે આ યુદ્ધથી વૈશ્વિક અસ્થિરતા વધશે.
સ્પેનના વડાપ્રધાન પેડ્રો સાંચેઝ (Pedro Sanchez) શરૂઆતથી જ અમેરિકા-ઈઝરાયેલ દ્વારા ઈરાન પર કરવામાં આવતા હુમલાઓની ટીકા કરી રહ્યા છે. બીજી તરફ, અમેરિકી રાષ્ટ્રપતિ ડોનાલ્ડ ટ્રમ્પે સ્પેનના આ નિર્ણય સામે નારાજગી વ્યક્ત કરી છે અને સ્પેન પર વેપાર સંબંધિત જવાબી કાર્યવાહી (Trade Retaliation) કરવાની ધમકી આપી છે.
વૈશ્વિક અસરો: ભારત અને વિશ્વ માટે શું સંકેત?
32.jpg)
