પૃથ્વી પર સંપૂર્ણ સૂર્યગ્રહણનો આ અદ્ભુત નજારો તો લાખો લોકોએ જોયો, પરંતુ અવકાશમાંથી આ સૂર્યગ્રહણ કેવું દેખાય છે? અમેરિકન સ્પેસ એજન્સી નાસાએ તેનો વીડિયો તેની ઓફિશિયલ યુટ્યુબ ચેનલ પર શેર કર્યો છે. નાસાએ કહ્યું કે, ઇન્ટરનેશનલ સ્પેસ સ્ટેશન (ISS) પર અવકાશયાત્રીઓએ પણ સૂર્યગ્રહણ જોયું.
સોમવારે અમેરિકા, મેક્સિકો અને કેનેડાના ઘણા ભાગોમાં સંપૂર્ણ સૂર્યગ્રહણનો આશ્ચર્યજનક નજારો જોવા મળ્યો હતો. ચંદ્ર સૂર્યને સંપૂર્ણ રીતે ઢાંકવા લાગ્યો કે, તરત જ બધા તેને જોવા માટે અભિભૂત થઈ ગયા. પૃથ્વી પર સૂર્યગ્રહણનો આ અદ્ભુત નજારો લાખો લોકોએ જોયો છે, પરંતુ અવકાશમાંથી આ સૂર્યગ્રહણ કેવું દેખાય છે? અમેરિકન સ્પેસ એજન્સી નાસાએ તેનો વીડિયો તેની ઓફિશિયલ યુટ્યુબ ચેનલ પર શેર કર્યો.
નાસાએ કહ્યું કે, ઇન્ટરનેશનલ સ્પેસ સ્ટેશન (ISS) પર અવકાશયાત્રીઓએ પણ સૂર્યગ્રહણ જોયું. આ સમય દરમિયાન ફ્લાઇટ એન્જિનિયર્સ મેથ્યુ ડોમિનિક અને જેનેટ એપ્સ સ્પેસ સ્ટેશનની અંદરથી ચંદ્રની સપાટી પર પડછાયાની તસવીરો લઈ રહ્યા હતા અને વીડિયો પણ બનાવી રહ્યા હતા.
આ સ્પેસ સ્ટેશન કેનેડાથી 418 કિલોમીટર ઉપર ફરતું હતું. ન્યુયોર્ક અને ન્યુફાઉન્ડલેન્ડ વચ્ચે ચંદ્રનો પડછાયો પણ એક સાથે ફરતો હતો. આ સમયગાળા દરમિયાન સ્પેસ સ્ટેશને 90 ટકા ઘટનાઓ કેપ્ચર કરી હતી.
The total solar #eclipse is now sweeping across Indianapolis.
— NASA (@NASA) April 8, 2024
This is the first time in more than 800 years that the city is experiencing this celestial event! pic.twitter.com/jZuKx4nUAb
નાસા દ્વારા શેર કરવામાં આવેલા ફૂટેજમાં પૃથ્વી પર ચંદ્રનો પડછાયો દેખાઈ રહ્યો છે. કુલ સૂર્યગ્રહણ વિશ્વભરમાં દર 11 થી 18 મહિનામાં ક્યાંકને ક્યાંક થાય છે, પરંતુ તે ઘણીવાર લાખો લોકોને અસર કરતા નથી. અમેરિકાએ છેલ્લે 2017માં આવો નજારો જોયો હતો અને થોડા વર્ષો પછી 2045માં ફરી આવી ઘટના જોવા મળશે.
સંપૂર્ણ સૂર્યગ્રહણને કારણે સોમવારે દિવસ દરમિયાન સમગ્ર ઉત્તર અમેરિકા ખંડમાં થોડો સમય અંધકાર છવાઈ ગયો હતો. આ અંધકાર ચાર મિનિટ અને 28 સેકન્ડ સુધી ચાલ્યો હતો, જે સાત વર્ષ પહેલાં અમેરિકામાં સૂર્યગ્રહણ દરમિયાન અંધારાના સમય કરતાં લગભગ બમણો હતો, કારણ કે ચંદ્ર પૃથ્વીની નજીક હતો. ચંદ્રના પડછાયાને સમગ્ર ખંડમાં 6,500 કિલોમીટરથી વધુનું અંતર કાપવામાં માત્ર એક કલાક અને 40 મિનિટનો સમય લાગ્યો હતો. તે અમેરિકાના ઘણા મહત્વના શહેરોમાંથી પસાર થયું હતું.
આ સૂર્યગ્રહણ મેક્સિકોના પ્રશાંત તટથી શરૂ થયું અને ટેક્સાસ અને અમેરિકાના અન્ય 14 રાજ્યોમાંથી પસાર થયું અને ન્યૂફાઉન્ડલેન્ડ નજીક ઉત્તર એટલાન્ટિકમાં સમાપ્ત થયું. જ્યારે સૂર્યગ્રહણ શરૂ થયું ત્યારે ટેક્સાસના મોટાભાગના વિસ્તારોમાં આકાશ વાદળોથી ઢંકાયેલું હતું.
Follow, follow the Sun / And which way the wind blows / When this day is done ?
— NASA (@NASA) April 8, 2024
Today, April 8, 2024, the last total solar #eclipse until 2045 crossed North America. pic.twitter.com/YH618LeK1j
ઉત્તર અમેરિકામાં લગભગ દરેક જણ ઓછામાં ઓછું આંશિક ગ્રહણ જોવા માટે સક્ષમ હતું. આ સૂર્યગ્રહણ સમગ્ર ખંડમાં રેકોર્ડ સંખ્યામાં લોકો દ્વારા જોવામાં આવ્યું હતું. ટેક્સાસના જ્યોર્જટાઉનમાં આકાશ સ્વચ્છ હતું, જ્યાં લોકોએ સૂર્યગ્રહણ સ્પષ્ટપણે જોયું હતું. જ્યોર્જ હાઉસની રહેવાસી સુઝેન રોબર્ટસને કહ્યું કે, તે આ ગ્રહણ જોઈ શકવા માટે પોતાને ભાગ્યશાળી માને છે. ઓસ્ટિનના અહેમદ હુસૈને કહ્યું કે આ એક એવી ખગોળીય ઘટના છે, જે ક્યારેય તેમના મગજમાંથી ભૂંસાઈ નહીં શકે.
