મોટોરોલાએ ભારતીય બજારમાં એક નવો સ્માર્ટફોન લોન્ચ કરી દીધો છે. કંપનીએ મોટોરોલા સિગ્નેચર લોન્ચ કર્યું છે, જેની કંપની છેલ્લા કેટલાક દિવસોથી સતત ટીઝ કરી રહી હતી. આ ફોન પ્રીમિયમ ફીચર્સ સાથે આવે છે અને તે સ્નેપડ્રેગન 8 Gen 5 પ્રોસેસર દ્વારા સંચાલિત કરવામાં આવે છે.
ફોન 16GB સુધીની RAM અને 1TB સુધીની સ્ટોરેજમાં આવે છે. તે 90W ચાર્જિંગ સપોર્ટ સાથે 5200mAh બેટરી દ્વારા સંચાલિત થાય છે. હેન્ડસેટની સાથે સિગ્નેચર ક્લબની ઍક્સેસ પણ આવે છે, જે એક લાઇફસ્ટાઇલ સપોર્ટ સેવા છે. તો ચાલો અમે તમને જણાવી દઈએ આ સ્માર્ટફોનની કિંમત અને અન્ય મુખ્ય સુવિધાઓ શું છે.
મોટોરોલા સિગ્નેચર 12GB RAM+ 256GB સ્ટોરેજ વેરિઅન્ટ માટે રૂ. 59,999થી શરૂ થાય છે. તેના 16GB RAM+ 512GB સ્ટોરેજ વેરિઅન્ટની કિંમત રૂ. 64,999 છે. ટોપ વેરિઅન્ટ 16GB RAM+ 1TB સ્ટોરેજ સાથે આવે છે, જેની કિંમત રૂ. 69,999 છે. આ ભારતમાં ઉપલબ્ધ સૌથી સસ્તો ફોન છે, જેમાં 16GB RAM+ 1TB સ્ટોરેજ મળે છે.
આ સ્માર્ટફોન HDFC અને Axis Bank કાર્ડ પર રૂ. 5,000 ડિસ્કાઉન્ટ સાથે ઉપલબ્ધ છે. ફોન પર એક્સચેન્જ બોનસ પણ મળી રહ્યું છે. જો કે, તમે ફક્ત બંનેમાંથી કોઈ પણ એક લાભ મેળવી શકો છો. તેનું વેચાણ 30 જાન્યુઆરીથી શરૂ થશે. તે Flipkart પરથી બે રંગ વિકલ્પોમાં ઉપલબ્ધ થશે.
Motorola Signature ડ્યુઅલ સિમ સપોર્ટ સાથે આવે છે. આ ફોન Android 16 પર ચાલે છે. તેમાં 165Hz રિફ્રેશ રેટ સપોર્ટ સાથે 6.8-ઇંચ સુપર HD LTPO AMOLED ડિસ્પ્લે અને 6,200 nits સુધીની પીક બ્રાઇટનેસ છે. તેનું ડિસ્પ્લે કોર્નિંગ ગોરિલા ગ્લાસ વિક્ટસ 2 દ્વારા સુરક્ષિત છે. આ સ્માર્ટફોન સ્નેપડ્રેગન 8 Gen 5 પ્રોસેસર દ્વારા સંચાલિત થાય છે.
તેમાં 16GB સુધીની RAM અને 1TB સુધીની સ્ટોરેજ સાથે આવે છે. ફોન IP68+ IP69 રેટિંગ સાથે આવશે. સ્ક્રીન પ્રોટેક્શન માટે ગોરિલા ગ્લાસ વિક્ટસ 2 આપવામાં આવ્યું છે. સ્માર્ટફોન એલ્યુમિનિયમ ફ્રેમ સાથે આવે છે. આ સ્માર્ટફોનમાં 50 મેગાપિક્સલનો પ્રાઇમરી કેમેરા, 50 મેગાપિક્સલનો અલ્ટ્રા વાઇડ એંગલ લેન્સ અને 50 મેગાપિક્સલનો ટેલિફોટો લેન્સ હશે.
ફ્રન્ટમાં પણ 50 મેગાપિક્સલનો સેલ્ફી કેમેરા ઉપલબ્ધ કરવામાં આવ્યો છે. ચારેય લેન્સ સોની કંપનીના છે. હેન્ડસેટને પાવર આપવા માટે 5200 mAhની બેટરી આપવામાં આવી છે, જે 90 વોટ ચાર્જિંગને સપોર્ટ કરે છે. તેમાં 50 વોટ વાયરલેસ ચાર્જિંગ હશે. સ્માર્ટફોનમાં રિવર્સ ચાર્જિંગની સુવિધા પણ આપવામાં આવી છે.
7.jpg)
