Vivoએ ભારતીય બજારમાં તેનો નવો 5G સ્માર્ટફોન લોન્ચ કર્યો છે, જેને કંપનીએ Vivo T5 Lite 5G તરીકે રજૂ કર્યો છે. કંપનીનું કહેવું છે કે આ સ્માર્ટફોન એવા વપરાશકર્તાઓ માટે ડિઝાઇન કરવામાં આવ્યો છે જેમને લાંબી બેટરી લાઇફ, શાનદાર પ્રદર્શન અને AI સુવિધાઓની પણ જરૂર છે. આ ડિવાઇસમાં 6500mAhની મોટી બેટરી, 44W ફ્લેશચાર્જ સપોર્ટ, મીડિયાટેક ડાયમેન્સિટી 6300 5G ચિપસેટ અને 50MP સોની કેમેરા પણ મળી રહ્યા છે.
Vivo T5 Lite 5Gની કિંમત અને ઉપલબ્ધતા
કિંમતની વાત કરીએ તો Vivo T5 Lite 5Gના 4GB + 128GB વેરિયન્ટની કિંમત 19,999 રૂપિયા, 6GB + 128GB વેરિયન્ટની કિંમત 21,999 રૂપિયા અને 6GB + 256GB વેરિયન્ટની કિંમત 24,999 રૂપિયા છે. આ ડિવાઇસ બે રંગોમાં ટ્વાઇલાઇટ શેડો અને વેવ બ્લુમાં ઉપલબ્ધ છે.
સ્માર્ટફોનનું પહેલું વેચાણ 22 જુલાઈ, 2026થી ફ્લિપકાર્ટ, વીવો ઇન્ડિયા ઇ-સ્ટોર અને ઑફલાઇન રિટેલ આઉટલેટ્સ પર શરૂ થશે. લોન્ચ ઓફરના ભાગ રૂપે 22 જુલાઈએ HDFC, SBI અથવા Axis Bank કાર્ડનો ઉપયોગ કરીને ફોન ખરીદનારા ગ્રાહકોને ₹1,500નું ઇન્સટન્ટ ડિસ્કાઉન્ટ પણ મળશે. આ ઓફર બાદ ફોનની પ્રારંભિક અસરકારક કિંમત ₹18,499 થઈ જશે.
Vivo T5 Lite 5Gના સ્પેશિફિકેશન
સ્પેશિફિકેશનની વાત કરીએ તો, Vivo T5 Lite 5Gમાં 6.74-ઇંચનો LCD ડિસ્પ્લે મળી રહી છે જે 120Hz રિફ્રેશ રેટ અને 1200 nitsની પીક બ્રાઇટનેસ ઓફર કરે છે. ડિસ્પ્લેમાં TÜV Rheinland Low Blue Light પ્રમાણપત્ર પણ મળ્યું છે. પ્રદર્શન માટે ફોનમાં MediaTek Dimensity 6300 5G પ્રોસેસર છે, જે દૈનિક કાર્યો, મલ્ટીટાસ્કીંગ, વીડિયો સ્ટ્રીમિંગ અને ગેમિંગ માટે શાનદાર અનુભવનો દાવો કરે છે. આ ડિવાઇસમાં Android 16 પર આધારિત OriginOS 6 છે.
સાથે જ ફોનમાં, AI ક્રિએશન, AI ટ્રાન્સક્રિપ્ટ આસિસ્ટ, AI કેપ્શન, AI સ્ક્રીન ટ્રાન્સલેશન, vivo DocMaster, Private Space અને Google Gemini જેવા AI ટૂલ્સ પણ મળી રહ્યા છે, જે પ્રોડક્ટિવિટી અને કન્ટેન્ટ ક્રિએશનને સરળ બનાવે છે. ફોટોગ્રાફીના શોખીનો માટે ફોનમાં 50MP Sony IMX852 પ્રાયમરી કેમેરા છે. તેમાં AI UHD, AI કલર એડજસ્ટમેન્ટ અને AI કટઆઉટ જેવા ફીચર્સ પણ મળી રહ્યા છે. કેમેરા એપ નાઈટ મોડ, પોટ્રેટ, પેનોરમા, ડોક્યૂમેન્ટ્સ, સ્લો મોશન, ટાઈમ-લેપ્સ, પ્રોફેશનલ અને લાઈવ ફોટો જેવા મોડ્સ પણ મળી રહ્યા છે.
ફ્રન્ટ પર 5MP સેલ્ફી કેમેરા છે, જે નાઈટ મોડ અને પોટ્રેટ મોડને પણ સપોર્ટ કરે છે. આ ઉપરાંત, ડિવાઇસમાં મિલિટરી-ગ્રેડ ડ્યૂરેબિલિટી, ટ્રિપલ એન્ટી-ડ્રોપ SGS સર્ટિફિકેશન અને ધૂળ અને IP65 ડસ્ટ એન્ડ વોચપ રેઝિસ્ટેન્સ રેટિંગ પણ મળી રહી છે. આનો અર્થ છે કે ફોન રોજિંદા ઉપયોગ દરમિયાન પડવા, ધૂળ અને હળવા પાણીના છાંટા સામે મજબૂત રક્ષણ આપે છે.
બેટરીની વાત કરીએ તો, ફોનમાં મોટી 6500mAh બેટરી છે, જેને કંપનીએ પાંચ વર્ષ સુધી હેલ્થ જાળવી રાખવા માટે ડિઝાઇન કરી છે. કંપનીનું કહેવું છે કે એક વખત ચાર્જ કરવા પર 15 દિવસ સુધી સ્ટેન્ડબાય સમય, 54 કલાક કોલિંગ, 80 કલાક મ્યુઝિક પ્લેબેક અને 48 કલાક વીડિયો પ્લેબેક ટાઇમ પ્રદાન કરે છે. સાથે જ ફાસ્ટ ચાર્જિંગ માટે 44W ફ્લેશચાર્જને પણ સપોર્ટ મળે છે.
