Appleએ iPhone 17 Pro સીરિઝની સરખામણીમાં iPhone 18 Pro સીરિઝને ભારતમાં ખૂબ મોંઘી કિંમતે લોન્ચ કરી છે. અમેરિકા કે દુબઈની સરખામણીમાં ભારતમાં Pro સીરિઝ હંમેશાં મોંઘી રહી છે, પરંતુ આ વખતે કિંમતમાં ₹50,000થી વધુનો તફાવત છે. એવામાં અમેરિકા, કેનેડા કે સિંગાપોર જેવા દેશોમાંથી આ ડિવાઇસ મંગાવવું ફાયદાનો સોદો લાગે છે. જો તમે પણ આવું વિચારતા હોવ અને તમે કોઈ મિત્ર કે સંબંધી દ્વારા નવો iPhone મંગાવવાનું વિચારી રહ્યા હોવ, તો જરા થોભો. પહેલા નિયમો અને ટેક્સ અંગે સમજી લો.
વિદેશથી ફોન કે અન્ય ડિવાઇસ લાવવું સરળ છે, પરંતુ તેની વાસ્તવિક પ્રક્રિયા થોડી જટિલ છે. હકીકતમાં, તમે ભારતની બહારથી ₹75,000થી વધુ મૂલ્યની વસ્તુઓ કે ઉત્પાદનો નહીં લાવી શકો; અને લાવો છો તો તેના પર તમારે કસ્ટમ્સ ડ્યૂટી ચૂકવવી પડે છે. જો કે, જો તમે પોતે અથવા તમારા સંબંધી iPhoneને ખોલીને, તેમાં SIM કાર્ડ નાખીને, તેને એક્ટિવેટ કરીને પોતાના ખિસ્સામાં રાખીને લાવે છે, તો તેને વ્યક્તિગત ડિવાઇસ માનવામાં આવશે અને તેના પર કસ્ટમ્સ ડ્યૂટી લાગતી નથી. પરંતુ જો તમે બોક્સમાં પેક કરેલો iPhone લાવો છો, તો તમારે ટેક્સ ચૂકવવો પડશે. એટલે કે જો તમને વિદેશમાં ₹1,25,000માં iPhone મળે છે, તો તમારે ₹50,000 પર તમારે કસ્ટમ્સ ડ્યૂટી ચૂકવવી પડશે.
હવે ઝટકાનો સમય છે, કારણ કે કસ્ટમ્સ ડ્યૂટીનો દર 38.5% છે (જેમાં બેઝિક બેગેજ ડ્યૂટી અને સોશિયલ વેલ્ફેર સરચાર્જનો સમાવેશ થાય છે). આનો અર્થ એ છે કે જો તમે અમેરિકામાં iPhone 18 Pro ખરીદો છો, તો તે તમને ₹1.14 લાખમાં પડશે. અમેરિકામાં તે રાજ્યના ટેક્સના આધારે, તેની કિંમત ₹1.14 લાખથી ₹1.23 લાખની વચ્ચે હોઈ શકે છે.
હવે જો આપણે ₹1.14 લાખની કિંમતને ધ્યાનમાં લઈએ અને તેમાંથી ₹75,000 હટાવી દઇએ, તો તમારે ₹39,000ની રકમ પર તમારે 38.5% ટેક્સ ચૂકવવો પડશે. એટલે કે લગભગ ₹15,000, તો તમને ભારતમાં ડિવાઇસ ₹1.30 લાખમાં પડશે. તમારી બચત ₹34,000ની થાય છે. જો તમે આ જ ડિવાઇસ કેનેડામાં ખરીદો, તો તેની કિંમત ₹1.23 લાખ થશે. એટલે કે તમારે ₹48,000ની પર ₹18,000નો ટેક્સ ચૂકવવો પડશે. તમારે ભારતમાં ડિવાઇસ ₹1.41 લાખનું પડશે અને તમારા લગભગ ₹23,000 બચી જશે. પાડોશી દેશ દુબઈમાં તેની કિંમત ₹1.33 લાખ છે; એટલે કે ₹58,000ક પર ₹22,000નો ટેક્સ લાગતા કુલ કિંમત ₹1.55 લાખ થઇ જશે. અહીં તમારા ₹10,000 બચી જશે.
જોકે, કેટલાક દેશો ટેક્સમાં છૂટછાટ પણ મળે છે, જેનાથી કિંમત હજુ પણ ઘટી શકે છે. એવામાં તમારે થોડા ઓછા પૈસા ચૂકવવા પડશે. હવે તમે જોઇ લો કે ક્યાંથી જુગાડ થાય છે. જો કોઇ સિમ નાખીને લઇ આવે તો સૌથી સારું. જો કસ્ટમ્સ ડ્યૂટી વાળો મામલો છે તો અમેરિકાથી જ મંગાવવાનું સારું રહેશે.
5.jpg)
