સોના અને ચાંદીના ભાવમાં ઐતિહાસિક અસ્થિરતા જોવા મળી રહી છે. આ વર્ષે જાન્યુઆરીમાં સોના અને ચાંદીના ભાવ ઐતિહાસિક લેવલ પર પહોંચ્યા હતા, ત્યારબાદ તેમાં ઘટાડો થવા લાગ્યો. ઘણા દિવસ સુધી ચાલેલા ભારે વધઘટ બાદ, સોના અને ચાંદીના ભાવમાં વધઘટ હવે મોટાભાગે નિયંત્રણમાં આવી ગઈ છે.
નોંધનીય છે કે 29 જાન્યુઆરીએ, MCX પર ચાંદીના ભાવ 4,20,048 રૂપિયા પ્રતિ કિલોગ્રામના લાઈફટાઈમ હાઇ પર પહોંચ્યા હતા. તે જ દિવસે, સોનાનો ભાવ પણ 1,93,096 રૂપિયા પ્રતિ 10 ગ્રામના ઓલ ટાઇમ હાઇ પર પહોંચ્યો હતો. લાઇફ ટાઇમ હાઇ પર પહોંચ્યા બાદ, ચાંદીના ભાવ 1.80 લાખ રૂપિયાથી વધુ અને સોનાના ભાવમાં 38,000 રૂપિયાથી વધુ ઘટ્યા છે.
સોમવારે MCX પર ભારે ઘટાડા બાદ, મંગળવારે સોના અને ચાંદીના ભાવમાં સતત ઘટાડો થઈ રહ્યો છે. મંગળવારે ચાંદીનો ભાવ 4,685 રૂપિયા ઘટીને 2,35,206 રૂપિયા પ્રતિ કિલોગ્રામ પર પહોંચી ગયો હતો, જે તેના લાઇફ ટાઇમ હાઇ કરતા 1,80,157 રૂપિયા ઓછો છે. એ જ રીતે, આજે MCX પર સોનાનો ભાવ 1,210 રૂપિયા ઘટીને 1,53,550 રૂપિયા પ્રતિ 10 ગ્રામ થયો હતો, જે તેના લાઇફટાઇમ હાઇથી 38,336 રૂપિયા સસ્તી થઈ છે. એટલે કે, ચાંદી તેના લાઇફટાઇમ હાઇથી 1,80,157 રૂપિયા સસ્તી થઈ ચૂકી છે, જ્યારે સોનું પણ તેના લાઈફટાઇમ હાઇ પર પહોંચ્યા બાદ 38,336 રૂપિયા સસ્તું થયું છે.
દિલ્હીના સર્રાફા બજારમાં 29 જાન્યુઆરી, 2026ના રોજ ચાંદીનો ભાવ 4,04,500 રૂપિયા પ્રતિ કિલોગ્રામના ઓલટાઇમ હાઇ પર પહોંચ્યો હતો, જ્યારે સોનાનો ભાવ પણ તે દિવસે 1,83,000 રૂપિયા પ્રતિ 10 ગ્રામના ઉચ્ચતમ સ્તર પર પહોંચ્યો હતો. સોમવાર, 16 ફેબ્રુઆરીના રોજ સોનાના ભાવ 5000 રૂપિયા ઘટીને 2,55,000 પ્રતિ કિલોગ્રામ પર બંધ થયા, જે તેના લાઇફટાઇમ હાઇથી 1,49,500 ઘટી ગયા. તો બીજી તરફ, સોમવારે સોનાના ભાવ 700 રૂપિયા વધીને 1,59,200 રૂપિયા પ્રતિ 10 ગ્રામ થયા હતા, જોકે આ ભાવ તેના લાઇફટાઇમ હાઇથી 23,800 રુપિયથી નીચે રહ્યો છે.
