ભારતમાં એવિએશન ટર્બાઇન ફ્યુઅલ (ATF) એટલે કે વિમાનના ઇંધણના ભાવમાં થયેલા તોતિંગ વધારાનો બોજ હવે પેસેન્જરો પર પડવાનું શરૂ થઈ ગયું છે. દેશની સૌથી મોટી એરલાઇન ઈન્ડિગોએ બુધવારે તેના ડોમેસ્ટિક (સ્થાનિક) અને ઈન્ટરનેશનલ (આંતરરાષ્ટ્રીય) રૂટ પર ફ્યુઅલ ચાર્જમાં સુધારાની જાહેરાત કરી છે. નવા દરો 2 એપ્રિલ, 2026 થી થતા તમામ નવા બુકિંગ પર લાગુ થઈ ગઈ છે.
ઈન્ડિગો દ્વારા જાહેર કરાયેલા નવા દરો મુજબ, અંતરના આધારે ચાર્જ નક્કી કરવામાં આવ્યા છે:
સ્થાનિક (Domestic) રૂટ:
આંતરરાષ્ટ્રીય (International) રૂટ:
ઈન્ડિગોએ એક સત્તાવાર નિવેદનમાં જણાવ્યું હતું કે, ઓપરેટિંગ વાતાવરણમાં આવેલા અચાનક અને નોંધપાત્ર ફેરફારને કારણે આ પગલું લેવું અનિવાર્ય બન્યું છે. એરલાઇને વધુમાં ઉમેર્યું કે તેઓ પરિસ્થિતિ પર સતત નજર રાખી રહ્યા છે અને જરૂરિયાત મુજબ ભવિષ્યમાં પણ ફેરફાર કરી શકે છે.
બુધવારે ATFના ભાવમાં રેકોર્ડબ્રેક વધારો જોવા મળ્યો હતો. નોન-શેડ્યુલ અને ચાર્ટર ઓપરેશન્સ માટે ઇંધણનો ભાવ ગત મહિનાના ₹96,638.14 પ્રતિ કિલોલીટરથી વધીને સીધો ₹2.07 લાખ પર પહોંચી ગયો છે.
જોકે, સામાન્ય મુસાફરોને વૈશ્વિક ક્રૂડ ઓઈલની અસ્થિરતાથી બચાવવા માટે કેન્દ્ર સરકારે મધ્યસ્થી કરી છે. સરકારે શિડ્યુલ એરલાઇન્સ માટે આ વધારાને 25 ટકા પર મર્યાદિત (કેપ) કર્યો છે. જેના કારણે સ્થાનિક એરલાઇન્સ માટે ઇંધણના દરમાં માત્ર 8.6 ટકા જેવો સાધારણ વધારો થયો છે.
અન્ય એરલાઇન્સે હજુ સુધી ભાડા વધારા અંગે કોઈ સત્તાવાર નિર્ણય લીધો નથી, પરંતુ ઈન્ડિગોના આ પગલા બાદ ટૂંક સમયમાં અન્ય કંપનીઓ પણ ભાવ વધારી શકે તેવી શક્યતા છે.
27.jpg)
