સરકારી તે ડિસ્ટ્રીબ્યૂટર કંપનીઓ (OMCs) માર્કેટમાં નવો LPG સિલિન્ડર રજૂ કરવાનું વિચારી રહી છે. આ સિલિન્ડર 10 કિલોનો હશે અને તેમે ઘરો સુધી પહોંચાડવાનો પ્રસ્તાવ છે અનો જો તોને મંજૂરી મળી જાય છે તો આ સિલિન્ડરો વાણિજ્યિક LPG દરે વેચવામાં આવશે.
જોકે, બજારમાં હાઇ-ડેન્સિટી પોલિઇથિલિન (HDPE) કમ્પોઝિટ ટેકનોલોજીથી બનેલા નાના સિલિન્ડરો પહેલાથી જ સ્થાનિક ગ્રાહકો માટે વિવિધ બ્રાન્ડ નામે ઉપલબ્ધ છે, જેમ કે HPCLનો HP ગેસ ઓજસ, ઇન્ડિયન ઓઇલના ઇન્ડેન એક્સ્ટ્રાલાઇટ અને BPCLના ભારતગેસ લાઇટનો સમાવેશ થાય છે.
એક તેલ કંપનીના અધિકારીએ જણાવ્યું હતું કે 10 કિલોનો કમ્પોઝિટ સિલિન્ડર પરંપરાગત સ્ટીલ સિલિન્ડરો કરતાં લગભગ 50% હલકો છે, જેથી તેને લઇ જવો, પરિવહન કરવું અને હેન્ડલ કરવાનું સરળ બનાવે છે. સ્ટીલ સિલિન્ડરોથી વિપરીત તેઓ ઉપરના માળો સુધી લઇ જવા સરળ છે, અને તેમની અર્ધપારદર્શક બોડી ગ્રાહકોને ગેજ વિના ગેસ સ્તર જોઇ શકે છે, જેનાથી રિફિલ પ્લાનિંગને સરળ બની જાય છે.
હાલમાં, OMCs વાણિજ્યિક વપરાશકર્તાઓ અને ઘરેલુ LPG કનેક્શન વિનાના લોકો માટે 19 કિલો, 5 કિલો અને 2 કિલો સિલિન્ડર ઉપલબ્ધ છે. વાણિજ્યિક LPGની કિંમત ઘરેલુ રસોઈ ગેસ કરતા લગભગ 133% વધારે છે. દિલ્હીમાં 14.2 કિલોગ્રામના ઘરેલુ સિલિન્ડરની કિંમત ₹942 છે, જ્યારે 19 કિલોગ્રામના વાણિજ્યિક સિલિન્ડરની કિંમત ₹2,930 છે; 5 કિલોગ્રામના વાણિજ્યિક સિલિન્ડરની કિંમત ₹808.5 છે.
અધિકારીઓએ જણાવ્યું હતું કે પ્રસ્તાવિત વિસ્તરણથી સ્થળાંતરિત કામદારો, ભાડૂઆતો, વિદ્યાર્થીઓ, શેરી વિક્રેતાઓ, કાફે અને ફૂડ સ્ટોલને ફાયદો થશે, જેમને LPGની જરૂર છે, પરંતુ પરંતુ 19 કિલોગ્રામના વાણિજ્યિક સિલિન્ડર માટે જગ્યાનો અભાવ છે. સૂત્રોએ ઉમેર્યું હતું કે, સારી સુલભતા માટે આ સિલિન્ડરો હાલની ગેસ એજન્સીઓ અને પસંદગીના રિટેલ આઉટલેટ્સ દ્વારા અલગ-અલગ સિલિન્ડર ઉપલબ્ધ કરાવી શકાય છે.
ઉદ્યોગ વિશ્લેષકોનું કહેવું છે કે 10 કિલોગ્રામના સિલિન્ડરનું વ્યાપારી દરે વેચાણ હાલની વાણિજ્યિક ઓફરો સાથે ભાવને અનુરૂપ હશે, પરંતુ આ ઓછી આવક ધરાવતા વપરાશકર્તાઓ માટે પોષણક્ષમતા સંબંધિત ચિંતાઓ વધારી શકે છે. એક ઊર્જા વિશ્લેષકે જણાવ્યું કે કિંમત અને વિતરણ વ્યૂહરચના નક્કી કરશે કે શું આ સંવેદનશીલ શહેરી ગ્રાહકો માટે એક વ્યવહારુ ઉકેલ સાબિત થશે. OMCએ કોઇ ચોક્કસ સમયરેખા આપવાનો ઇનકાર કર્યો હતો. OMCએ કહ્યું કે અંતિમ નિર્ણય લેતા પહેલા માંગ, સલામતી મંજૂરીઓ અને લોજિસ્ટિક્સનું મૂલ્યાંકન કરી રહ્યા છીએ.
