'અમે હોર્મુઝના રક્ષક, દરેક કાર્ગોએ આપવા પડશે 20 ટકા ટોલ ટેક્સ...', ટ્રમ્પની જાહેરાત

અમેરિકાના રાષ્ટ્રપતિ ડોનાલ્ડ ટ્રમ્પે ઈરાન અને તેલ પુરવઠા અંગે એક મહત્ત્વપૂર્ણ નિવેદન આપ્યું છે. ફોક્સ ન્યૂઝને આપેલા ઇન્ટર્વ્યૂમાં ટ્રમ્પે જણાવ્યું હતું કે અમેરિકા હોર્મુઝ સ્ટ્રેટની સુરક્ષાની જવાબદારી સંભાળશે અને તેના બદલે તેને પૈસા ચૂકવવા જોઈએ. અમેરિકા લાંબા સમયથી આ મહત્ત્વપૂર્ણ દરિયાઈ માર્ગને સુરક્ષિત કરવામાં ભૂમિકા ભજવી રહ્યું છે  એટલે તેની, આ જવાબદારી માટે ભરપાઇ પણ થવી જોઈએ.

ઈરાન પર નિશાન સાધતા ટ્રમ્પે કહ્યું કે, તેઓ ખૂબ જ ખરાબ લોકો છે. અમેરિકા અને ઈરાન વચ્ચે એક કરાર થયો હતો, પરંતુ ઈરાને તેનું ઉલ્લંઘન કર્યું. જો અમેરિકા મહત્ત્વપૂર્ણ સ્ટ્રેટઓફ હોર્મુઝને સુરક્ષિત કરે છે, તો તેના માટે ટે વાજબી ચૂકવણી મળવી જોઈએ.

તેમણે કહ્યું કે અમેરિકા આ ​​વ્યૂહાત્મક દરિયાઈ માર્ગનો રક્ષક બનશે, જેથી આંતરરાષ્ટ્રીય દરિયાઈ વેપાર અને તેલ પુરવઠામાં કોઈ વિક્ષેપ ન આવે. ટ્રમ્પના મતે, વિશ્વ માટે આ જળમાર્ગની સુરક્ષા મહત્ત્વપૂર્ણ છે, અને આ જવાબદારી નિભાવતા દેશોને યોગ્ય વળતર મળવું જોઇએ.

પશ્ચિમ એશિયા એક મુખ્ય વ્યૂહાત્મક મોરચો બનીને સામે આવ્યો છે; અહીં વિશ્વના ક્રૂડ ઓઇલનો મોટો હિસ્સો દરિયાઈ માર્ગો દ્વારા આ પ્રદેશમાંથી પસાર થાય છે. અમેરિકા-ઈરાન સંબંધો અને વૈશ્વિક ઉર્જા સુરક્ષાના સંદર્ભમાં ટ્રમ્પના નિવેદનોને મહત્ત્વપૂર્ણ માનવામાં આવી રહ્યા છે.

ટ્રમ્પે જણાવ્યું હતું કે હોર્મુઝ સ્ટ્રેટ ખુલ્લો છે અને ઈરાન ઇચ્છે કે ન ઇચ્છે, તે ખુલ્લો જ રહેશે. અમેરિકાના તથાકથિત ઈરાની નાકાબંધી ફરીથી લાગૂ કરી રહ્યું છે, જે ફક્ત ઈરાની જહાજો અથવા તેના ગ્રાહકોના જહાજોની અવરજવરને અસર કરશે.