આ કંપની દૂધ વગર હવામાંથી માખણ બનાવે છે, શું છે ફોર્મ્યુલા? બિલ ગેટ્સનું સમર્થન

તમે સફેદ માખણ અને પીળા માખણ વિશે ઘણું સાંભળ્યું હશે, પરંતુ હવે બજારમાં એવું માખણ આવવાનું છે, જે હવામાંથી બનાવવામાં આવશે. આ માખણ હવામાંથી બનાવવામાં આવશે અને તેને બનાવવામાં દૂધ નહીં, પરંતુ હવાનો ઉપયોગ કરવામાં આવશે. ખાસ વાત એ છે કે, જે કંપનીએ આ ખાસ માખણ બનાવવાનો દાવો કર્યો છે, તેનું કનેક્શન વિશ્વના સૌથી અમીર વ્યક્તિઓમાંના એક બિલ ગેટ્સ સાથે પણ છે. આવી સ્થિતિમાં, ચાલો જાણીએ કે, આ કંપની કયા ફોર્મ્યુલાથી હવામાંથી માખણ બનાવવા જઈ રહી છે અને તેનું બિલ ગેસ્ટ સાથે શું જોડાણ છે.

આ દાવો કેલિફોર્નિયાની સેવર નામની કંપનીએ કર્યો છે. આ એક સ્ટાર્ટઅપ છે અને કંપની દાવો કરે છે કે તે ડેરી ફ્રી બટર બનાવી રહી છે, જેનો સ્વાદ અસલ માખણ જેવો જ છે. આ કંપનીએ દૂધ અને ડેરી ઉત્પાદનો વિના આઈસ્ક્રીમ, ચીઝ વગેરેનો વિકલ્પ બનાવ્યો છે અને હવે તેમાં માખણનો પણ સમાવેશ કરવામાં આવ્યો છે. કંપની હવે ડેરી ઉત્પાદનો વિના માખણ બનાવવાનો દાવો કરી રહી છે અને તેનો સ્વાદ અસલ માખણ જેવો જ હશે.

તમે પણ વિચારી રહ્યા હશો કે આ કેવી રીતે શક્ય બનશે, તો ચાલો જાણીએ કેવી રીતે કંપની દૂધ વગર બટર બનાવી રહી છે. આ માખણ બનાવવા માટે કંપની થર્મોકેમિકલ પ્રક્રિયાનો ઉપયોગ કરે છે, જેના દ્વારા કાર્બન ડાયોક્સાઇડ, હાઇડ્રોજન અને ઓક્સિજનને જોડીને માખણ બનાવી શકાય છે. એટલે કે, તેને બનાવવામાં ફક્ત તે જ ઘટકોનો સમાવેશ કરવામાં આવશે, જે હવામાં મળી શકે છે. કંપની માત્ર અસલ સ્વાદ સાથે માખણ જ બનાવતી નથી, પરંતુ તે પર્યાવરણીય દૃષ્ટિકોણથી પણ ખૂબ ફાયદાકારક છે.

કંપનીના જણાવ્યા અનુસાર, તેમના ઉત્પાદનોમાં ડેરી-આધારિત માખણ કરતાં ઘણી ઓછી કાર્બન ફૂટપ્રિન્ટ હશે, જે માત્ર 0.8 ગ્રામ પ્રતિ કિલોગ્રામ છે. તેનાથી વિપરીત, 80 ટકા ચરબીવાળા એક કિલોગ્રામ અનસોલ્ટેડ બટરમાં 16.9 કિલોગ્રામની ફૂટપ્રિન્ટ હોય છે.

આ બટરને માર્કેટમાં લોન્ચ કરવા અંગે કંપનીના ચીફ એક્ઝિક્યુટિવ કેથલીન એલેક્ઝાન્ડર કહે છે કે, હજુ તેનું વેચાણ શરૂ કરવામાં આવ્યું નથી અને તેને વેચવાની મંજૂરી મેળવવાના તબક્કામાં છે. અત્યારે અમે તેને 2025 સુધી વેચવાની આશા નથી રાખી રહ્યા અને તે પછી જ તે માર્કેટમાં આવી શકશે. હવે તેના ટેસ્ટ વગેરેને લઈને એક પેનલ બનાવવામાં આવી છે, જે તેના પર કામ કરી રહી છે. આવી સ્થિતિમાં અત્યારે બજારમાં આવવાની આશા નથી.

બિલ ગેટ્સ સાથેના જોડાણની વાત કરીએ તો, આ સ્ટાર્ટઅપને બિલ ગેટ્સનો સપોર્ટ છે અને બિલ ગેટ્સે પણ આ વિચારને સમર્થન આપ્યું છે. બિલ ગેટ્સનું કહેવું છે કે, લેબમાં બનેલી ચરબી અને તેલ પર સ્વિચ કરવું પહેલા થોડું વિચિત્ર લાગે છે, પરંતુ તેનાથી મોટા પ્રમાણમાં કાર્બન ફૂટપ્રિન્ટ ઘટાડી શકાય છે. કેટલીક ટેક્નોલોજીનો ઉપયોગ કરીને આપણે પર્યાવરણ પ્રત્યેના આપણા લક્ષ્યોને પ્રાપ્ત કરવામાં સફળ થઈ શકીએ છીએ. આના કારણે ગ્રીનહાઉસ ગેસ છોડવામાં આવશે નહીં અને ન તો ખેતીની જમીનનો ઉપયોગ થશે અને પાણીનો વપરાશ પણ ઓછો થશે.

Top News

સાયક્લોનિક સર્ક્યુલેશનના અસરકારક પરિબળોથી ગુજરાતના આ વિસ્તારોમાં વરસાદની આગાહી

ગુજરાતના હવામાન વિભાગે રાજ્યમાં હવામાન પલટાની સંભાવનાઓ વ્યક્ત કરી છે. હવામાન વિભાગના વૈજ્ઞાનિક રામાશ્રય યાદવના જણાવ્યા અનુસાર, રાજ્યમાં સાઈક્લોનિક સર્ક્યુલેશનની...
Gujarat 
સાયક્લોનિક સર્ક્યુલેશનના અસરકારક પરિબળોથી ગુજરાતના આ વિસ્તારોમાં વરસાદની આગાહી

હીરા ઉદ્યોગમાં 8 કરોડનું ઉઠમણું પ્રી પ્લાન્ડ હતું?

સુરતના હીરાઉદ્યોગમાં 8.20 કરોડ રૂપિયાના ઉઠમણાંની ભારે ચર્ચા છે. કતાગરગામ વિસ્તારમાં આવેલી મહંત ડાયમંડ અને રશેષ જ્વેલસના 3 ભાગીદારો સામે...
Gujarat 
હીરા ઉદ્યોગમાં 8 કરોડનું ઉઠમણું પ્રી પ્લાન્ડ હતું?

સિને પ્રેમીઓને નવા સિનેમેટિક્સ એક્સપિરિયન્સ આપવા તૈયાર છે લૂપ સિનેમા

સુરત. શહેરની સિનેમાં પ્રેમી જનતા માટે હવે ફિલ્મ નિહાળવાની સાથે રીફ્રેશ થવા માટેની વધુ એક જગ્યા ઉમેરાઈ છે અને તે...
Entertainment 
સિને પ્રેમીઓને નવા સિનેમેટિક્સ એક્સપિરિયન્સ આપવા તૈયાર છે લૂપ સિનેમા

તિરંગા યાત્રાથી ઓપરેશન સિંદૂરનું ગર્વ ભાજપે લીધું પણ કોંગ્રેસ અને અન્ય પક્ષો કેમ બેઠા રહ્યા?

(ઉત્કર્ષ પટેલ) ભારતીય સેનાએ 'ઓપરેશન સિંદૂર' દ્વારા આતંકવાદ સામે સફળ કાર્યવાહી કરી જેમાં પહેલગામ હુમલાનો બદલો લેવાયો અને...
Opinion 
તિરંગા યાત્રાથી ઓપરેશન સિંદૂરનું ગર્વ ભાજપે લીધું પણ કોંગ્રેસ અને અન્ય પક્ષો કેમ બેઠા રહ્યા?
Copyright (c) Khabarchhe All Rights Reserved.