રિયાલિટી શૉ 'લોક અપ' પોતાની ઓળખ ઉભી કરનાર સોશિયલ મીડિયા ઇન્ફ્લૂએન્સર અંજલિ અરોડા ફરી એકવાર ચર્ચામાં છે. ભલે શૉ પૂરો થયો તેનો ઘણો સમય વીતી ગયો હોય, પરંતુ તે દરમિયાન બનેલી ઘટનાઓમો દર્દ આજે પણ અંજલિના દિલમાં તાજી છે. પ્રિયંકા શર્માએ તાજેતરમાં આપેલા ઇન્ટર્વ્યૂ દરમિયાન, અંજલિએ ખુલીને વાત કરી અને કંગના રણૌત પર તેની ઇમેજ ખરાબ કરવાનો સીધો આરોપ લગાવ્યો. અંજલિએ જણાવ્યું કે તે સમયની અમુક કેટલીક વાતો અને શૉનું નરેટિવ આજે પણ પીછો છોડી રહ્યું નથી, જેના કારણે તેને આજે પણ સોશિયલ મીડિયા પર ટ્રોલિંગનો સામનો કરવો પડે છે.
અંજલિએ વાતચીતની શરૂઆતમાં સ્પષ્ટ કર્યું કે તે હજુ પણ કંગના રણૌતનું ખૂબ સન્માન કરે છે અને તેમને એક અત્યંત સફળ વ્યક્તિ માને છે. જોકે, તેણે એ પણ સ્વીકાર્યું કે તેની ઇમેજ ખરાબ કરવામાં કંગનાની મહત્ત્વની ભૂમિકા હતી. અંજલિના જણાવ્યા અનુસાર, જ્યારે તે શૉમાં ગઈ હતી, ત્યારે તે ખૂબ નાની હતી અને દુનિયાદારીની તેને ખાસ સમજ નહોતી. ઓછા સમયમાં સોશિયલ મીડિયા પર લોકપ્રિયતા મેળવ્યા બાદ તે સીધી રિયાલિટી શૉનો હિસ્સો બની ગઇ હતી, જ્યાં તેની સાથે જે થયું તેણે તેને અંદરથી હચમચાવી નાખી હતી.
પોતાના પર લાગેલા વિવાદાસ્પદ આરોપો પાછળની સંપૂર્ણ કહાની જણાવતા અંજલિએ જણાવ્યું કે શૉમાં એન્ટ્રી પહેલા જ તેની ટીમે સીક્રેટ્સ માંગ્યા હતી. જ્યારે તેણે કહ્યું કે તેની પાસે છુપાવવા જેવું કોઈ મોટું સીક્રેટ્સ નથી, ત્યારે શૉના નિર્માતાઓ અને તેની ટીમે તેને કંઈક નવું જણાવવા કહ્યું. અંજલિના જણાવ્યા અનુસાર, જ્યારે તેણે રશિયા જવા અને ત્યાં મ્યૂઝિક વીડિયો શૂટ કરવાની વાત જણાવી ત્યારે ત્યારે ટીમે એક પ્રોપર કહાની ક્રિએટ કરાવી. તેમણે રશિયાના એક કિસ્સાને તોડી-મરોડીને રજૂ કર્યો, જેને બાદમાં કંગના રણૌતે શૉ દરમિયાન જનતા સમક્ષ તદ્દન અલગ રીતે રજૂ કર્યો.
અંજલિએ જણાવ્યું કે તે સમયે તેને ખ્યાલ નહોતો કે TRP માટે એક સામાન્ય ઘટનાને આટલી મોટી બનાવી દેવામાં આવશે. તેણે માત્ર રશિયામાં કરન્સી એક્સચેન્જ સાથે જોડાયેલો સામાન્ય કિસ્સો કહ્યો હતો, પરંતુ શૉમાં તેને એવી રીતે રજૂ કરવામાં આવ્યો કે જેનાથી તેની સમગ્ર પ્રતિષ્ઠા પર ડાઘ લાગી ગયો. અભિનેત્રીએ કહ્યું કે, રશિયામાં, મેં કરન્સી એક્સચેન્જ કરાવવા માટે રિસેપ્શનિસ્ટ પાસેથી રૂ.5,000 લીધા હતા. બાદમાં, શૉ દરમિયાન કંગના રણૌતે આ વાતને એવી રીતે રજૂ કરી. 'તું 5,000માં જતી રહી.' અને તે ત્યાં મને ખબર નહોતી કે તેનો શું જવાબ આપવાનો છે, કેવી રીતે તેને પોટ્રે કરવાનું છે.
સામાન્ય રીતે લોકો એવી આશા રાખતા હોય છે કે સમય જતા બધું સુધરી જશે, પરંતુ અંજલિના કિસ્સામાં આવું ન થયું. તેનું કહેવું છે કે શૉ પૂરો થયાને પાંચ વર્ષ વીતી ગયા હોવા છતા, લોકો હજુ પણ તે જૂની વાતને ધસડે છે. સોશિયલ મીડિયાના કમેન્ટ સેક્શનમાં આજે પણ ખરાબ ટોણાં અને વાતો સાંભળવા મળે છે, જેના કારણે તેને માનસિક તકલીફ થાય છે. અંજલિની આ વ્યથા દર્શાવે છે કે ડિજિટલ દુનિયાની ચમક-દમક પાછળ કલાકારોએ ઘણીવાર કેટલી ભારે કિંમત ચૂકવવી પડતી હોય છે.
5.jpg)
