આગામી 25 જાન્યુઆરીએ બનાસકાંઠા જિલ્લાના ડીસામાં ઉત્તર ગુજરાત રબારી સમાજનું મહાસંમેલન આયોજિત થવા જઈ રહ્યું છે. આ સંમેલનની તૈયારીના ભાગરૂપે ગુરુવારે વાવ-થરાદના દિયોદર સ્થિત ખોડિયાર માતાજીના મંદિર ખાતે રબારી સમાજની બેઠક મળી હતી, જેમાં નવા બંધારણ અંગે ચર્ચા-વિચારણા કરવામાં આવી હતી.
આ બેઠકમાં 25 જાન્યુઆરીએ ડીસા ખાતે આયોજિત નવા બંધારણ સંમેલન અંગે વિસ્તૃત ચર્ચા થઈ હતી. રબારી સમાજના નવા બંધારણમાં કુરિવાજોને તિલાંજલિ આપવા, લગ્ન પ્રસંગે થતા બિનજરૂરી ખર્ચાઓ પર પ્રતિબંધ મૂકવા અને સમાજમાં શિક્ષણનો પાયો મજબૂત કરવા પર ભાર મૂકવામાં આવ્યો હતો.
આ બેઠકમાં ડીસાના પૂર્વ ધારાસભ્ય ગોવાભાઈ દેસાઈ અને ધાનેરાના ધારાસભ્ય માવજીભાઈ દેસાઈની વિશેષ ઉપસ્થિતિ રહી હતી. તેમજ આ બેઠકમાં દિયોદર, કાંકરેજ અને ઓગડ એમ 3 તાલુકાના રબારી સમાજના આગેવાનો પણ આ બેઠકમાં સામેલ થયા હતા, જેમણે સમાજ સુધારણાના આ પ્રયાસને સમર્થન આપ્યું હતું.
આ બેઠકમાં ડીસાના પૂર્વ ધારાસભ્ય તેમજ કોંગ્રેસ નેતા ગોવાભાઇ રબારીએ મોટું નિવેદન આપ્યું હતું. તેમણે કહ્યું કે, અગાઉ રબારી સામે કોઈ બોલતું નહોતું, હવે રબારી સમાજ નબળો અને ઢીલો થયો છે. રબારી સમાજ સામે કોઈ ખોટી આંગળી થશે તો સામે વાળાને આંગળી કપાઈ જવાનો ભય હોવો જોઈએ.
ગોવાભાઇ રબારીએ જણાવ્યું હતું કે આત્યારે સામાજિક રીતે એક થવાની જરૂર છે. અત્યારે આપણો સમાજ દરેક જગ્યાએ અન્ય સમાજ કરતા ઢીલો થઇ ગયો છે. અન્ય સમાજમાં એક નાની માથાકૂટ થાય તો 200 લોકો આવીને ઉભા રહે, ભલે પોતાના સમાજના યુવકની ભૂલ કે વાંક હોય તો પણ.
આપણાં સમાજનો આવો ડર મટી ગયો છે. પહેલા દિયોદરની અંદર કોઈ રબારીનું નામ લેતું નહોતું, એમાં પણ ઢીલાશ આવી છે. આપણે કોઈને મારવા નથી કે કોઇની સાથે ઝઘડા કરવા નથી, પરંતુ પણ થોડો ભય તો હોવો જ જોઈએ કે રબારી સમાજ સામે કોઈ ખોટી આંગળી થશે તો આ લોકો આંગળી કાપી નાંખશે.
8.jpg)
6.jpg)
4.jpg)
3.jpg)
