આજકાલ પતિ-પત્ની બંને ઘર ચલાવવા અને સારી જીવનશૈલી જાળવવા માટે કામ કરે છે. પહેલા, બાળક થયા પછી, સ્ત્રીઓ ઘરે જ રહીને બાળકની સંભાળ રાખતી હતી, પરંતુ હવે આખું દૃશ્ય બદલાઈ ગયું છે. હવે સ્ત્રીઓ પણ તેમના પતિ સાથે કામ કરે છે અને તેમના પરિવાર માટે પૈસા કમાય છે.
જો આપણે ભારતમાં કામના કલાકો વિશે વાત કરીએ, તો તે ખૂબ ઊંચા છે. અહીં ઓફિસમાં દિવસમાં નવ કલાક કામ કરવું પડે છે, ત્યારપછી ઘરેથી ઓફિસ જવા માટે પણ સમય લાગે છે. આવી સ્થિતિમાં, દિવસના 11 થી 12 કલાક કામ કરવામાં અને પછી ઘરે આવીને ઘરના કામ કરવામાં વિતાવે છે. આવી સ્થિતિમાં, માતાપિતા થાકી જાય છે અને તેઓ તેમના બાળક માટે સમય કાઢી શકતા નથી. શાર્ક ટેન્કની જજ નમિતા થાપરે પણ કંઈક આવું જ કહ્યું છે.
લિંક્ડઇન પર એક લાંબી પોસ્ટમાં, નમિતાએ લખ્યું છે કે, અઠવાડિયામાં 70 કલાક કામ કરવાનું બંધ કરો અને જો તમે આવું નથી ઇચ્છતા, તો તમારે માતાપિતા બનવાની કોઈ જરૂર નથી. નમિતા પોતે બે બાળકોની માતા છે અને તેમને 19 અને 14 વર્ષના બે પુત્રો છે. ભારતમાં માતાપિતાની કાર્ય પદ્ધતિ વિશે નમિતાએ શું કહ્યું છે તે જાણો.
નમિતા કહે છે કે, બાળકોનું મન ખૂબ જ નાજુક હોય છે. તે પોતાના માતાપિતાને જ પોતાના આદર્શ માને છે. જ્યારે તેમને લાગે છે કે તેઓ તેમના માતાપિતાની અપેક્ષાઓ પર ખરા ઉતરી રહ્યા નથી અને તેમનાથી શરમ અનુભવે છે, ત્યારે તેની બાળક પર ખૂબ જ નકારાત્મક અસર પડે છે.
જો આ સ્થિતિમાં તેના મિત્રો પણ બાળકને ધમકાવવાનું શરૂ કરે, તો તેના માટે તે પરિસ્થિતિ વધુ ખરાબ થઈ જાય છે. બાળક પોતાની જાતને નફરત કરવા લાગે છે, તેનો આત્મવિશ્વાસ ઓછો થઇ જાય છે અને તેને માનસિક સ્વાસ્થ્ય સંબંધિત સમસ્યાઓ થવા લાગે છે. બાળક મોટું થતાં આ બધી બાબતો સંભાળવા સક્ષમ રહેતું નથી.
નમિતાએ પોતાની પોસ્ટમાં પોતાના બાળપણ અને પોતાના માતા-પિતા વિશે પણ વાત કરી. તેણે કહ્યું કે, તેના માતાપિતાના ઇરાદા સારા હતા, પરંતુ તેમના કામને કારણે તેનો આત્મવિશ્વાસ ઘણા વર્ષો સુધી ઓછો રહ્યો અને તે ભાવનાત્મક રીતે નાજુક હતી. જોકે, તેણે પોતે હિંમત બતાવી અને મજબૂત રહી, પરંતુ દરેક જણ તે કરી શકતું નથી.
આ સમસ્યાથી બચવાનો ઉપાય એ છે કે, તમારા બાળકને પોતાના નિર્ણયો લેવા દો, તેને શીખવાની તક આપો અને તેને પોતાનો રસ્તો જાતે નક્કી કરવા દો. તમારે ફક્ત તમારા બાળકને એટલું જ કહેવાનું છે કે, તમને તેના પર ગર્વ છે.
15.jpg)
