ઓડીએ ભારતીય બજારમાં તેની નવી કાર લોન્ચ કરી દીધી છે. કંપનીએ બ્રાન્ડની પ્રીમિયમ કાર ઓડી SQ8 લોન્ચ કરી છે. આ નવી કાર સ્ટાન્ડર્ડ Q8 અને ટોપ-ઓફ-ધ-લાઇન RS Q8 વચ્ચેનું અંતર પૂરું કરે છે. તેમાં 4-લિટર ટ્વીન-ટર્બો V8 એન્જિન આપવામાં આવ્યું છે.
કંપની RS Q8માં પણ આ જ એન્જિન ઓફર કરે છે. જોકે, SQ8માં એન્જિન ડિટ્યુન કરવામાં આવ્યું છે. કારનું બુકિંગ ખુલી ગયું છે. આ કાર સ્ટાન્ડર્ડ Q8 કરતા આશરે 65 લાખ રૂપિયા મોંઘી છે. તો ચાલો જાણી લઈએ આ કારની કિંમત અને અન્ય તેની મુખ્ય સુવિધાઓ વિશે.
કંપનીએ ઓડી SQ8ને રૂ. 1.78 કરોડના પ્રારંભિક એક્સ-શોરૂમ ભાવે લોન્ચ કર્યું. અહીં તમને બતાવી દઈએ કે, ઓડી Q8ની કિંમત રૂ. 1.13 કરોડ છે, અને RS Q8 પર્ફોર્મન્સની કિંમત રૂ. 2.34 કરોડ એક્સ-શોરૂમ છે. SQ8ની કિંમત સ્ટાન્ડર્ડ ટ્રીમ કરતા રૂ. 65 લાખ રૂપિયા વધારે અને પર્ફોર્મન્સ ટ્રીમ કરતા રૂ. 56 લાખ રૂપિયા ઓછી છે.
Audi SQ8માં 4-લિટર ટ્વીન-ટર્બો V8 એન્જિન છે, જે 507 hp અને 770 Nm ટોર્ક ઉત્પન્ન કરે છે. તે 8-સ્પીડ ઓટોમેટિક ગિયરબોક્સ સાથે જોડાયેલ છે, જે ચારેય વ્હીલ્સને પાવર મોકલે છે. આનો અર્થ એ છે કે કાર ઓલ-વ્હીલ ડ્રાઇવ સાથે આવે છે.
કંપનીનો દાવો છે કે માત્ર 4.1 સેકન્ડમાં 0-100 Km/hની ઝડપ પકડી લે છે. તેની ટોપ સ્પીડ 250 Km/h છે. કારમાં એર સસ્પેન્શન જેવી સુવિધાઓ આપવામાં આવેલી છે. હેડલાઇન વોશર્સ સાથે SUV પર મેટ્રિક્સ LED હેડલાઇટ્સ પણ આપવામાં આવી છે.
કારના પાછળના ભાગમાં કનેક્ટેડ OLED ટેલલાઇટ સેટઅપ આપેલું છે. આ ઉપરાંત તેમાં છત પર માઉન્ટ થયેલ સ્પોઇલર અને કાળા SQ8 બેજિંગ પણ મળે છે. આ કારની લંબાઈ 5004 mm, પહોળાઈ 1995 mm, ઊંચાઈ 1708 mm છે અને તેનો વ્હીલબેઝ 2998 mm છે, જ્યારે બૂટ સ્પેસ 604 લિટર મળે છે.
આ SUVમાં 12.3-ઇંચ ડ્રાઇવર ડિસ્પ્લે આપવામાં આવેલો છે. આ ઉપરાંત તેમાં 10.1-ઇંચ ટચસ્ક્રીન ઇન્ફોટેનમેન્ટ સિસ્ટમ અને 8.6-ઇંચની ટચસ્ક્રીન પણ આપવામાં આવી છે, જે ચાર-ઝોન ક્લાઇમેટ કંટ્રોલનું સંચાલન કરે છે. તેમાં 17-સ્પીકર ઓડિયો સિસ્ટમ, પેનોરેમિક સનરૂફ, વાયરલેસ ફોન ચાર્જિંગ, 8 એરબેગ્સ અને 360-ડિગ્રી કેમેરા પણ આપવામાં આવ્યા છે. આ કાર લેવલ-2 ADAS સાથે આવે છે.
24.jpg)
