પશ્ચિમ બંગાળના ઉત્તર 24 પરગણા જિલ્લામાં, TMC નેતા સાથે જોડાયેલા વિવિધ પરિસરમાંથી ₹80 લાખ રોકડ મળી આવી છે. અહેવાલો અનુસાર, બદુરિયા મ્યુનિસિપાલિટીના અધ્યક્ષ અને TMC નેતા દીપાંકર ભટ્ટાચાર્યના નિવાસસ્થાન, પાર્ટી કાર્યાલય અને નજીકના કમ્પ્યુટર સેન્ટર પર દરોડા પાડવામાં આવ્યા હતા. આ તમામ સ્થળોએ કરવામાં આવેલી તપાસ બાદ, આશરે ₹80 લાખ રોકડ મળી આવી હતી. આ દરમિયાન, ભ્રષ્ટાચાર અને સરકારી રાહત સામગ્રીના ઉચાપતના આરોપસર દીપાંકર ભટ્ટાચાર્યની ધરપકડ કરવામાં આવી છે. આ સાથે જ, પોલીસે તેમના નિવાસસ્થાનને સીલ કરી દીધું છે.
પશ્ચિમ બંગાળમાં ચૂંટણી પછી સરકાર બદલાઈ ત્યારથી, ભ્રષ્ટાચાર સામે સતત કાર્યવાહી ચાલી રહી છે. ભ્રષ્ટાચારના આરોપસર અનેક TMC નેતાઓની ધરપકડ કરવામાં આવી છે. આ ક્રમમાં, સોમવારે મોડી રાત્રે, ઉત્તર 24 પરગણા જિલ્લાના બદુરિયા પોલીસ સ્ટેશનની પોલીસે બદુરિયા મ્યુનિસિપાલિટીના અધ્યક્ષ દીપાંકર ભટ્ટાચાર્યના નિવાસસ્થાન પર દરોડા પાડ્યા હતા. આ કાર્યવાહી દરમિયાન, દીપાંકર ભટ્ટાચાર્યના ઘર, તેમના પાર્ટી કાર્યાલય અને નજીકના કમ્પ્યુટર સેન્ટર પર દરોડા પાડવામાં આવ્યા હતા.
https://twitter.com/AAjju_33/status/2059135096247193783?s=20
અહેવાલો અનુસાર, કમ્પ્યુટર સેન્ટર તાળું મારેલું હોવાથી, પોલીસ ટીમે પ્રવેશ કરવા માટે તાળું તોડવું પડ્યું. દરોડા દરમિયાન, પોલીસે વિવિધ સ્થળોએથી આશરે ₹80 લાખ રોકડા જપ્ત કર્યા. મળતી માહિતી અનુસાર દીપાંકર ભટ્ટાચાર્ય આ રૂપિયાનો હિસાબ નહોતો. આ ઉપરાંત, તેમના સ્થળો પરથી રાહત સામગ્રી પણ મળી આવી હતી. હાલમાં પોલીસ ટીમે દીપાંકર ભટ્ટાચાર્યને કસ્ટડીમાં લીધા છે અને તેમની પૂછપરછ કરી રહી છે. દીપાંકર ભટ્ટાચાર્યને આજે કોર્ટમાં રજૂ કરવામાં આવશે.
તો બીજી તરફ, મુર્શિદાબાદ જિલ્લાના કાંદી શહેરમાં, એન્ફોર્સમેન્ટ ડિરેક્ટોરેટ (ED)એ ફરી એકવાર કોલકાતા પોલીસના DC રેન્કના અધિકારી શાંતનુ સિંહા બિશ્વાસના નિવાસસ્થાને દરોડા પાડ્યા છે, જેઓ હાલમાં EDની કસ્ટડીમાં છે. EDએ અગાઉ ગયા શુક્રવારે પણ શાંતનુ સિંહા બિશ્વાસના નિવાસસ્થાને દરોડા પાડ્યા હતા. તો આજે સવારે, EDના અધિકારીઓ ફરી એકવાર પહોંચ્યા હતા. તેમના નિવાસસ્થાનને કેન્દ્રીય દળોની સુરક્ષા દ્વારા ઘેરી લેવામાં આવ્યું છે. ED અધિકારીઓ ઘરના પરિસરમાં આવેલા તળાવ પર નજર રાખી રહ્યા છે. આ તળાવની આસપાસ 10થી વધુ CCTV કેમેરા લગાવવામાં આવ્યા હતા.
