સૂટ-બૂટમાં આવ્યા બદમાશ, ચોરી કરી લઈ ગયા અડધો કિલો સોનું

દિલ્હીના જંગપુરામાં 25 કરોડની ચોરીના બરાબર એક દિવસ બાદ સમયપુર બાદલી વિસ્તારના જ્વેલરી શૉરૂમમાં થયેલી લૂંટની CCTV ફૂટેજ સામે આવી છે. ઘટના 27 સપ્ટેમ્બરની બપોરે લગભગ દોઢ વાગ્યે થઈ હતી. દોઢ મિનિટમાં 3 બદમાશ હથિયારના દમ પર શૉરૂમમાં ચોરીની ઘટનાને અંજામ આપીને બાઈકથી ફરાર થઈ ગયા. ઘટનાની જે CCTV ફૂટેજ સામે આવી છે, તેમાં નજરે પડી રહ્યું છે કે શ્રીરામ જ્વેલરી શૉરૂમનો સ્ટાફ પોત પોતાની જગ્યાઓ પર બેઠો છે. શૉરૂમમાં બે મહિલા ગ્રાહક પણ બેઠી છે જે જ્વેલરી જોઈ રહી છે.

ત્યાં એક એક કરીને ત્રણ બદમાશ દુકાનમાં દાખલ થાય છે. 3માંથી 2 પોતાનું મોઢા કપડાથી ઢકાયેલા હોય છે અને હેલમેટ પણ પહેરીને છે. ત્રીજો માત્ર કપડાથી મોઢું બાંધેલું છે. 3માંથી બે સૂટ પહેરીને છે. એક પાસે બેગ છે. શૉરૂમમાં અંદર આવ્યા બાદ તેઓ હથિયાર કાઢીને લોકો પર તાણી દે છે. બંદૂકો જોઈને સ્ટાફ અને મહિલાઓ ફફડી જાય છે. બદમાશ શૉરૂમન પુરુષ સ્ટાફને લાફો મારી દે છે. પાસે જ બેઠી યુવતી પર પણ હાથ ઉઠાવે છે. ત્યારબાદ જ્વેલરી બોક્સોને પોતાની બેગમાં ભરવાના શરૂ કરી દે છે.

ઘટનાને અંજામ આપ્યા બાદ 3 બદમાશ ખૂબ જ આરામથી શૉરૂમાંથી બહાર નીકળી જાય છે. બાઇક પર બેસે છે અને ફરાર થઈ જાય છે. પોલીસના જણાવ્યા મુજબ, બદમાશ દુકાનમાંથી 480 ગ્રામ સોનું ચોરી કરીને ફરાર થઈ ગયા. DCP આઉટ નોર્થના જણાવ્યા મુજબ, બાઈકથી ફરાર થવા દરમિયાન બદમાશો હવામાં ફાયરિંગ પણ કર્યું. આ અગાઉ 25 સપ્ટેમ્બરના રોજ રાષ્ટ્રીય રાજધાની દિલ્હીના જંગપુરાની જવેલર્સની શૉપમાં કરોડોની ચોરી થઈ હતી. શૉરૂમના માલિકો મુજબ, ચોરોએ દુકાનમાં રાખેલા 20-25 કરોડના હીરા અને સોનાની જ્વેલરી પર હાથ સાફ કર્યો હતો.

જંગપુરાના જે શૉરૂમમાં ચોરોએ આ ઘટનાને અંજામ આપ્યો હતો, તે ઉમરાવ સિંહ અને મહાવીર સિંહ પ્રસાદ જૈનનો શૉરૂમ છે. શૉરૂમના માલિકે જણાવ્યું હતું કે, દુકાનમાં હીરા અને સોનાના 20-25 કરોડ રૂપિયાની જ્વેલરી રાખેલી હતી. જહાંગીપુરાની માર્કેટ સોમવારે બંધ રહે છે. એટલે રવિવારે શૉરૂમ બંધ કર્યા બાદ જ્યારે તે મંગળવારે પોતાના શૉરૂમ પહોંચ્યા અને જોયું તો તેમના હોશ ઊડી ગયા. શૉરૂમમાં રાખેલી જ્વેલરી ગાયબ હતી. શૉરૂમ ખાલી જોઈને તેમના હોશ ઊડી ગયા અને તેમણે તેની જાણકારી પોલીસને આપી હતી.

જંગપુરા માર્કેટની આ બિલ્ડિંગમાં ઘણી દુકાનો હતો. તેમાં શૉરૂમની બાજુમાં સીડીઓ છે, જ્યાંથી દુકાનમાં ઘૂસવા માટે ચોરોએ છત કાપી હતી. કપાયેલી છતનો વીડિયો પણ સામે આવ્યો છે, જેમાં જોઈ શકાય છે કે ચોર નાનકડી જગ્યા કાપીને દુકાનમાં ઘૂસ્યા હતા. જો કે આ ઘટનાની અત્યાર સુધી કોઈ CCTV ફૂટેજ સામે આવી નથી, જેથી ચોરોની ઓળખ કરી શકાય.

Related Posts

Top News

શેલ્બી હોસ્પિટલ સુરતમાં સફળતાપૂર્વક કિડનીનું ટ્રાન્સપ્લાન્ટ

પ્રેમ, હિંમત અને તબીબી શ્રેષ્ઠતાના ચાલતા પ્રદર્શનમાં, શેલ્બી હોસ્પિટલ, સુરતે તાજેતરમાં જ જીવન બચાવ કિડની ટ્રાન્સપ્લાન્ટ કર્યું હતું, જેમાં સામેલ...
Health 
શેલ્બી હોસ્પિટલ સુરતમાં સફળતાપૂર્વક કિડનીનું ટ્રાન્સપ્લાન્ટ

એક વર્ષ બાદ આટલો બધો કોવિડ પોઝિટિવિટી રેટ, વધી રહ્યો છે નવો NB.1.8.1 વેરિયન્ટ; WHO નું એલર્ટ

વિશ્વ આરોગ્ય સંસ્થા (WHO)એ કોરોના વાયરસના કેસમાં ફરી વધારો થવાને લઈને ચિંતા વ્યક્ત કરી છે. WHOના જણાવ્યા...
National 
એક વર્ષ બાદ આટલો બધો કોવિડ પોઝિટિવિટી રેટ, વધી રહ્યો છે નવો NB.1.8.1 વેરિયન્ટ; WHO નું એલર્ટ

RCB-PBSK મેચમાં વરસાદની સંભાવના, જાણો પ્લેઓફ મેચોનો નિયમ; શું રિઝર્વ ડે ઉપલબ્ધ છે?

ગુરુવારે મોહાલીમાં વરસાદની સંભાવના છે, આ દિવસે મલ્લાંપુર ક્રિકેટ સ્ટેડિયમમાં પંજાબ કિંગ્સ (PBKS) અને રોયલ ચેલેન્જર્સ બેંગ્લોર (...
Sports 
RCB-PBSK મેચમાં વરસાદની સંભાવના, જાણો પ્લેઓફ મેચોનો નિયમ; શું રિઝર્વ ડે ઉપલબ્ધ છે?

હવે ગાંધીનો દેશ બીજો ગાલ આગળ નહીં કરે, તે વળતો જવાબ આપશે: થરુર

પાકિસ્તાનની આતંકવાદી પ્રવૃત્તિઓનો પર્દાફાશ કરવા માટે વિદેશ પ્રવાસે ગયેલા કોંગ્રેસના સાંસદ શશિ થરૂરે કહ્યું છે કે, હવે જો આવું...
World 
હવે ગાંધીનો દેશ બીજો ગાલ આગળ નહીં કરે, તે વળતો જવાબ આપશે: થરુર
Copyright (c) Khabarchhe All Rights Reserved.