રાજકારણના ચાણક્ય ગણાતા NCPનાસુપ્રીમો શરદ પવારને તેમના ભત્રીજા અજિત પવારે રવિવારે રજાના દિવસે તગડો ઝટકો આપ્યો છે. અજિત પવાર અત્યારે તેમના સમર્થક ધારાસભ્યો સાથે મહારાષ્ટ્રની શિંદે સરકારમાં સામેલ થવા માટે રાજભવન પહોંચી ગયા છે અને અત્યારે મહારાષ્ટ્રની શિંદે સરકારમાં ડેપ્યુટી CM તરીકેના શપથ પણ લઇ લીધા છે. અજિત પવાર આ પહેલા પણ અનેક વખત બળવો કરી ચૂક્યા છે.
મહારાષ્ટ્રમાં મોટો રાજકીય ભૂકંપ આવતો જોવા મળી રહ્યો છે. ફરી એકવાર અજિત પવાર શિંદે-ભાજપ સરકારમાં સામેલ અને નાયબ મુખ્યમંત્રી તરીકે શપથ લે તેવી અપેક્ષા હતી અને હવે એ સાચું પડ્યું છે. બીજી તરફ દેવેન્દ્ર ફડણવીસ સહિતના ભાજપના નેતાઓ પણ રાજભવન પહોંચી ગયા છે. અજિત પવાર સહિત તેમના સમર્થક મંત્રી પદના શપથ લીધા છે. અજીત પવાર સહિત 9 NCPના ધારાસભ્યોએ શિંદે સરકારને સમર્થન આપ્યું છે. NCPના 9 ધારાસભ્યોએ મંત્રીપદની શપથ લીધી છે, જેમાં ધર્મરાવ અત્રામ, સુનીલ વલસાડ, અદિતિ તટકરે, હસન મુશ્રીફ, છગન ભૂજબલ, ધનંજય મુંડે, અનિલ પાટીલ, દિલિપ વલસે પાટીલ અને અજીત પવાર સામેલ છે.
રાજભવનમાં સવારથી રીતસરની તૈયારી શરૂ ચાલતી હતી. બપોરે અજિત પવારે ડેપ્યુટી CM તરીકેના શપથ પણ લઇ લીધા છે. નવાઇ પમાડે એવી વાત એ છે કે શરદ પવારના ખાસ અને નજીકના ગણાતા પ્રફુલ્લ પટેલ, દિલીપ વલસે, છગન ભૂજબળ પણ રાજભવનમાં હાજર છે.
15.jpg)
