બાજુની સીટ પરથી 14 વર્ષીય ઇન્ફ્લૂએન્સરે 90ની ઝડપે ચલાવી ઓડી, RTOએ 32500નો દંડ ફટકાર્યો

ઉત્તર પ્રદેશના ઔરૈયામાં 14 વર્ષીય છોકરીએ બાજુની સીટ પર બેસીને રસ્તા પર ઓડી કાર ચલાવી હતી. ડ્રાઇવિંગ સીટ પર બેઠા યુવકે તેનો વીડિયો બનાવી રહ્યો હતો. વીડિયોમાં કાર હાઇવે પર 90ની કલાકની ઝડપે દોડી રહી છે, જ્યારે બાજુની સીટ પર બેઠેલી એક છોકરી સ્ટીયરિંગ સંભાળી રહી છે. બેકગ્રાઉન્ડમાં એક હરિયાણવી ગીત વાગી રહ્યું છે.

રસ્તા પર સ્ટન્ટનો આ વીડિયો સોશિયલ મીડિયા પર ઝડપથી વાયરલ થઇ ગયો. હોબાળા બાદ, CO ટ્રાફિક કમિશનરે તપાસનો આદેશ આપ્યો. દૈનિક ભાસ્કરના અહેવાલ મુજબ, RTOએ 32,500 રૂપિયાનું ચલણ ફાડ્યું છે. વીડિયોમાં જે છોકર કાર ચલાવતી જોવા મળી રહી છે, તે સોશિયલ મીડિયા ઇન્ફ્લૂએન્સર છે અને ઇન્સ્ટાગ્રામ અને યુટ્યુબ માટે કન્ટેન્ટ બનાવે છે. ઇન્સ્ટાગ્રામ પર તેના 889k ફોલોઅર્સ છે. ખુશીએ તેના ઇન્સ્ટાગ્રામ એકાઉન્ટ પર આ વીડિયોની રીલ શેર કરી હતી.

જોકે, ટ્રોલ થયા બાદ, તેણે આ વીડિયો ડીલિટ કરી દીધો અને પોતાના હરકત માટે માફી માંગી. ત્યારબાદ ખુશીએ ઇન્સ્ટાગ્રામ પર તેના પિતા સાથે બીજો વીડિયો અપલોડ કર્યો. તેમાં, ખુશીના પિતાએ જણાવે છે કે તેઓ ઔરૈયા મ્યુનિસિપલ કાઉન્સિલ વોર્ડ-8ના સભાસદ છે. તેમની પુત્રી માત્ર 14 વર્ષની છે અને હાલમાં હાઇસ્કૂલમાં ભણે છે. પિતા પોતાની પુત્રીના બચાવમાં કહે છે કે તેણે આ વીડિયો માત્ર મનોરંજન અને જિજ્ઞાસા માટે બનાવ્યો હતો. તેને પોતાની ભૂલનો અહેસાસ થઇ ગયો છે, અને આ વીડિયો ઇન્સ્ટાગ્રામ અને યુટ્યુબ સહિત તમામ સોશિયલ મીડિયા પ્લેટફોર્મ પરથી હટાવી લેવામાં આવ્યો છે.

ખુશી અને તેના પિતાએ વીડિયો માટે માફી માંગી અને કહ્યું કે ભવિષ્યમાં આવા વીડિયો ક્યારેય નહીં બનાવે. જોકે, થોડા સમય બાદ વીડિયો ડીલિટ પણ થઈ ગયો. હાલમાં ખુશીના એકાઉન્ટ પર આ વીડિયો દેખાતો નથી. જોકે, આ ઘટના ફરી એકવાર સાબિત કરે છે કે લોકો રીલ બનાવવા અને થોડી લાઈક્સ મેળવવા માટે પોતાની અને બીજાની જિંદગીની ચિંતા કરતા નથી. રસ્તાઓ પર ખતરનાક સ્ટંટ કરે છે. ઘણી વખત રીલ બનાવવાનો ક્રેઝ જીવલેણ સાબિત થયો છે, છતા ઇન્ફ્લૂએન્સર બનવાની ઈચ્છા રાખનારા લોકો આવી ઘટનાઓથી શીખતા નથી.