ડોક્ટર પ્રેમી પહેલાથી જ પરિણીત છે; પ્રેમિકાને જ્યારે આ વાતની ખબર પડી ત્યારે તેણે તેનું ગુપ્તાંગ કાપી નાખ્યું!

દિલ્હીના વઝીરાબાદમાં એક મહિલાએ તેના પ્રેમી, 22 વર્ષીય નકલી ડોક્ટર વિસરજીતના ગુપ્તાંગ પર હુમલો કર્યો હોવાનો આરોપ છે. મહિલાને તે પરણિત હોવાની જાણ થયા પછી આ ઘટના બની હતી. પીડિતનો આરોપ છે કે તેને દૂધમાં નશીલો પદાર્થ ભેળવીને પીવરાવી દેવામાં આવ્યો હતો અને પછી અર્ધ બેભાન અવસ્થામાં તીક્ષ્ણ હથિયારથી પ્રેમિકાએ ઘાયલ કરી દીધો હતો. તે પોતે જ હોસ્પિટલમાં ગયો અને ત્યાર પછી તેની સર્જરી કરાવી. પોલીસે ફોજદારી કાર્યવાહી સંહિતા (CrPC)ની કલમો હેઠળ કેસ નોંધ્યો છે અને આરોપી, અમીના ખાતૂનની શોધ શરૂ કરી છે.

આ ચોંકાવનારી ઘટના ઉત્તર દિલ્હીના વઝીરાબાદ વિસ્તારમાં બની છે. પોલીસના જણાવ્યા અનુસાર, પ્રેમિકાએ 22 વર્ષીય નકલી ડોક્ટરનું ગુપ્તાંગ કાપીને ગંભીર રીતે ઘાયલ કરી દીધો હતો. એવું કહેવામાં આવી રહ્યું છે કે છોકરીએ તેનો પ્રેમી પહેલાથી જ પરણિત છે, તેવી જાણ થયા પછી આ પગલું ભર્યું હતું.

ઘાયલ પુરુષની ઓળખ વિસરજીત તરીકે થઈ છે, જે ઉત્તર પ્રદેશના રામપુરનો રહેવાસી છે. પોલીસના જણાવ્યા અનુસાર, તે છેલ્લા બે વર્ષથી વઝીરાબાદની રહેવાસી આરોપી અમીના ખાતૂન સાથે સંબંધમાં હતો. 25 ફેબ્રુઆરીના રોજ, પોલીસને એક ઘાયલ યુવાનને હિન્દુ રાવ હોસ્પિટલમાં દાખલ કરવામાં આવ્યો હોવાની માહિતી મળી. ત્યારપછી પોલીસ હોસ્પિટલમાં પહોંચી અને તેનું નિવેદન નોંધ્યું, જેમાં મેડિકલ-લીગલ સર્ટિફિકેટ પણ લેવામાં આવ્યું હતું.

પીડિતાએ પોતાના નિવેદનમાં જણાવ્યું હતું કે, તે 24 ફેબ્રુઆરીના રોજ દિલ્હી આવ્યો હતો અને અમીના સાથે રહેતો હતો. તેણે આરોપ લગાવ્યો હતો કે તેની ગર્લફ્રેન્ડે તે રાત્રે તેને આપવામાં આવેલા દૂધમાં નશીલી દવા ભેળવી દીધી હતી. પીડિતના જણાવ્યા અનુસાર, લગભગ 2:30 વાગ્યે, જ્યારે તે અર્ધબેભાન અવસ્થામાં હતો, ત્યારે મહિલાએ તેના પર તીક્ષ્ણ હથિયારથી હુમલો કર્યો, જેનાથી તેનું ગુપ્તાંગ કાપીને તેને ગંભીર ઇજા પહોંચી. પીડિતનો દાવો છે કે મહિલાને તેના લગ્ન વિશે ખબર પડી ગઈ હતી અને તેના કારણે જ આ હુમલો કરવામાં આવ્યો હતો.

પોલીસે બતાવ્યું કે, ઘાયલ યુવાન કોઈપણ રીતે જાતે જ હિન્દુ રાવ હોસ્પિટલમાં પહોંચ્યો હતો. ત્યાંથી, તેને વધુ સારવાર માટે સફદરજંગ હોસ્પિટલમાં રિફર કરવામાં આવ્યો હતો, જ્યાં તેની સર્જરી કરવામાં આવી હતી.

પીડિતના નિવેદન અને તબીબી પુરાવાના આધારે, પોલીસે જણાવ્યું હતું કે, ભારતીય દંડ સંહિતા (IPC)ની કલમ 118(2) (ખતરનાક હથિયારો અથવા તેના માધ્યમોથી સ્વેચ્છાએ ગંભીર ઇજા પહોંચાડવી) અને 123 (ગુનો કરવાના ઇરાદાથી ઝેર વગેરે દ્વારા ઇજા પહોંચાડવી) હેઠળ કેસ નોંધવામાં આવ્યો છે.

પોલીસે જણાવ્યું હતું કે, આરોપી મહિલા મૂળ બિહારના કટિહારની છે અને હાલમાં વઝીરાબાદમાં રહેતી હતી. તેની ધરપકડ માટે પ્રયાસો ચાલી રહ્યા છે.