જયપુરના ચોમૂ-ચંદવાજી રાષ્ટ્રીય રાજમાર્ગ-48 પર આવેલા કુશલપુરા-બાંસા ટોલ પ્લાઝા પર શનિવારની સાંજે ભારે હંગામો જોવા મળ્યો હતો. માત્ર 25 રૂપિયાના ટોલ ટેક્સ મુદ્દે કાર સવાર મહિલાઓએ વિરોધ શરૂ કર્યો હતો, જે જોતજોતામાં હાઇવોલ્ટેજ ડ્રામામાં ફેરવાઈ ગયો હતો.
શનિવારે સાંજે અંદાજે 5 વાગ્યાની આસપાસ હરિયાણા પાસિંગની એક કાર ટોલ પ્લાઝા પર આવી હતી. કાર ચલાવી રહેલા યુવકે પોતાની ઓળખ સેનાના જવાન તરીકે આપી ટોલ ટેક્સમાં મુક્તિની માંગ કરી હતી. નિયમ મુજબ, ટોલ કર્મચારીઓએ તેની પાસે ઓળખપત્ર માંગ્યું હતું. જ્યારે દસ્તાવેજોની તપાસ કરવામાં આવી ત્યારે મામલો ગરમાયો હતો.
View this post on Instagram
ટોલ પ્લાઝાના મેનેજર કર્મવીર શર્માના જણાવ્યા અનુસાર, કાર ચાલકે 'ડિપેન્ડન્ટ કાર્ડ' (આશ્રિત કાર્ડ) બતાવ્યું હતું. નિયમ મુજબ, આશ્રિત કાર્ડ પર ટોલ ટેક્સમાં છૂટ મળતી નથી. આ વાત સાંભળતા જ કારમાં સવાર મહિલાઓ ઉશ્કેરાઈ ગઈ હતી અને ટોલ કર્મચારીઓ સાથે ઉગ્ર બોલાચાલી શરૂ કરી હતી અને ટોલકર્મીની પાછળ પડી ગઈ હતી. ટોલકર્મી પણ મહિલાથી બચીને ભાગતો જોવા મળ્યો હતો.
મહિલાઓના આ ગુસ્સાને કારણે ટોલ પ્લાઝા પર વાતાવરણ તણાવપૂર્ણ બની ગયું હતું. મહિલાઓએ ટોલકર્મીઓ પર ભારે નારાજગી વ્યક્ત કરી હતી અને અફરાતફરીનો માહોલ સર્જાયો હતો. આ હંગામાને કારણે હાઈવે પર વાહનોની લાંબી લાઈનો લાગી ગઈ હતી અને થોડા સમય માટે વાહનવ્યવહાર ખોરવાયો હતો.
જોકે, મેનેજરે સ્પષ્ટતા કરી હતી કે સોશિયલ મીડિયા પર ચાલી રહેલી ચર્ચાઓ વિપરીત કોઈ મારપીટની ઘટના બની નથી. અન્ય લોકોના મધ્યસ્થી અને સમજાવટ બાદ મામલો શાંત પડ્યો હતો અને વાહનવ્યવહાર ફરી પૂર્વવત થયો હતો. અત્યાર સુધી આ મામલે કોઈ પણ પક્ષ દ્વારા પોલીસ ફરિયાદ નોંધાવવામાં આવી નથી.
9.jpg)
