પુણેના પ્રખ્યાત લોહાગઢ કિલ્લા પર 26 વર્ષીય કેતન વિશાલ અગ્રવાલના મૃત્યુની વાર્તા મધ્યપ્રદેશના રાજા રઘુવંશી અને સોનમ રઘુવંશીના મૃત્યુ જેવી જ નીકળી છે. શરૂઆતમાં આ હત્યાને અકસ્માત માનવામાં આવી હતી. પ્રારંભિક માહિતીમાં જણાવાયું હતું કે, તે ખીણના કિનારે ફોટોગ્રાફી કરતી વખતે પોતાનું સંતુલન ગુમાવી બેઠો હતો અને 350 ફૂટ ઊંડી ખીણમાં પડી ગયો હતો. જોકે, જેમ જેમ પોલીસ તપાસ આગળ વધતી ગઈ તેમ તેમ કેસમાં એક અલગ વળાંક આવ્યો. તપાસ એજન્સીઓનો દાવો છે કે, આ ફક્ત અકસ્માત નહીં પણ પૂર્વયોજિત હત્યાનો કેસ હોઈ શકે છે. ગુપ્ત સૂત્રો પાસેથી મળેલા પુરાવાના આધારે, પોલીસે સિયા અને તેના પ્રેમીની ધરપકડ કરી અને પૂછપરછ કરી, જેની અંદર બંનેએ પોતાના ગુના કબૂલ કર્યા.
પોલીસના જણાવ્યા અનુસાર, કેતનની મંગેતર, સિયા ગોયલ અને તેના કથિત નજીકના મિત્ર, ચેતન ચૌધરી પર ગંભીર આરોપો છે. જોકે, કેસનું અંતિમ સત્ય કોર્ટની સુનાવણી અને ન્યાયિક પ્રક્રિયા પછી જ બહાર આવશે. પોલીસના જણાવ્યા અનુસાર, 19 જૂને સિયા ગોયલનો જન્મદિવસ હતો. આ પ્રસંગે, કેતન કેટલાક મિત્રો અને તેની મંગેતર સાથે લોહાગઢ કિલ્લાની મુલાકાતે ગયો હતો. પરિવારના જણાવ્યા અનુસાર, આ દંપતીના લગ્ન આવતા મહિને થવાના હતા, અને લગ્નની તૈયારીઓ પૂરજોશમાં ચાલી રહી હતી.
પુણે ગ્રામીણ પોલીસના SP સંદીપ સિંહ ગિલે મીડિયા સૂત્રને જણાવ્યું હતું કે, '18 જૂન, 2026ના રોજ, એક સગાઈ થયેલ યુગલ, સિયા ગોયલ અને કેતન અગ્રવાલ, લોહાગઢ કિલ્લાની મુલાકાતે ગયા હતા. સિયા ગોયલે ફોન કરીને જાણ કરી હતી કે, કેતન અગ્રવાલ કિલ્લા પરથી લપસીને પડી ગયો હતો, જેના કારણે તેનું મૃત્યુ થયું હતું... ત્યારપછીની માહિતી અને સંબંધીઓ અને મિત્રોની પૂછપરછથી શંકા ઉભી થઈ, આવી દુર્ઘટના અચાનક થઇ જવી અસંભવિત લાગી, ખાસ કરીને કારણ કે, કેતન એક અનુભવી ટ્રેકર હતો. પરિવારે શંકા વ્યક્ત કરી, અને તેના આધારે ઔપચારિક ફરિયાદ દાખલ કરવામાં આવી.
ખાનગી સૂત્રો, સાક્ષીઓના નિવેદનો અને ટેકનિકલ પુરાવાઓમાંથી મળેલી માહિતી પરથી જાણવા મળ્યું કે સિયા ગોયલને ચેતન ચૌધરી નામનો એક મિત્ર હતો. તેઓ લગભગ એક વર્ષથી એકબીજાને ઓળખતા હતા. તેઓએ આ કાવતરું અંજામ આપવાનું કાવતરું ઘડ્યું. લોહાગઢ કિલ્લામાં, બંનેએ મળીને કેતન અગ્રવાલને ધક્કો મારી દીધો હતો, જેના કારણે તેનું મૃત્યુ થઇ ગયું. ત્યારપછી, લોનાવાલા ગ્રામીણ પોલીસ સ્ટેશને તેમની સામે હત્યાનો કેસ નોંધ્યો છે. બંનેને કસ્ટડીમાં લેવામાં આવ્યા છે, પૂછપરછ દરમિયાન તેઓએ ગુનો કબૂલ કર્યો હતો, અને વધુ તપાસ ચાલી રહી છે.
https://twitter.com/ANI/status/2069344900961714345
આ સફર દરમિયાન, કેતન ખીણમાં પડી ગયો અને તેનું મૃત્યુ થયું. શરૂઆતમાં, તેને એક અકસ્માત માનવામાં આવ્યો, પરંતુ પાછળથી તપાસની દિશા બદલાઈ ગઈ. તપાસ અધિકારીઓના જણાવ્યા અનુસાર, 19 જૂનની ઘટના કથિત રીતે પહેલો પ્રયાસ નહોતો. પોલીસનું કહેવું છે કે, આ પહેલા પણ કેતનને નુકસાન પહોંચાડવાની યોજના ઘડવામાં આવી હતી. મીડિયા રિપોર્ટ્સ અને પોલીસ તપાસના આધારે, 14 જૂને પણ લોહાગઢ કિલ્લા પાસે આવી જ પરિસ્થિતિ ઊભી થઈ હતી, પરંતુ તે સમયે કથિત યોજના નિષ્ફળ ગઈ હતી. તપાસ એજન્સીઓ આ પાસાની પણ તપાસ કરી રહી છે.
પોલીસ તપાસમાં એ પણ ખુલાસો થયો છે કે, સિયા ગોયલ કથિત રીતે ચેતન ચૌધરી સાથે સંપર્કમાં હતી. અધિકારીઓનો દાવો છે કે, સિયા લગ્નથી નાખુશ હતી અને પરિવારની સંમતિથી ગોઠવાયેલા સંબંધને આગળ વધારવા માંગતી ન હતી. જો કે, આ આરોપો કોર્ટમાં સુનાવણી માટે બાકી છે, અને આરોપી પક્ષ તરફથી વિગતવાર જવાબ જાહેરમાં કહેવામાં નથી આવ્યો.
કેતનના પરિવારનું કહેવું છે કે, બંનેના લગ્ન માટે મોટા પાયે તૈયારીઓ ચાલી રહી હતી. જયપુરમાં લગ્ન સમારોહનું આયોજન કરવામાં આવ્યું હતું, અને મહેમાનો માટે ખાસ વ્યવસ્થા કરવામાં આવી રહી હતી. પરિવારના સભ્યોના જણાવ્યા અનુસાર, કેતને સિયાના જન્મદિવસ માટે મહાબળેશ્વરના એક રિસોર્ટમાં પાર્ટીનું આયોજન કર્યું હતું અને ઘણા રૂમ બુક કરાવ્યા હતા. પરિવાર એમ પણ કહે છે કે, દંપતીએ વિદેશ પ્રવાસનું આયોજન પણ કર્યું હતું. લગ્ન પહેલાં, પરંતુ છેલ્લી ઘડીએ તે રદ કરવામાં આવ્યું હતું.
પોલીસ અધિકારીઓના જણાવ્યા મુજબ, પૂછપરછ દરમિયાન કેટલીક વિસંગતતાઓ મળ્યા પછી, તપાસ ટીમે મોબાઇલ ફોન કોલ્સ, કોલ રેકોર્ડ્સ, સોશિયલ મીડિયા પ્રવૃત્તિઓ અને અન્ય તકનીકી પુરાવાઓની તપાસ કરી. આ ડિજિટલ પુરાવાના આધારે, પોલીસને શંકા હતી કે આ કેસ સામાન્ય અકસ્માત ન હોઈ શકે. પરિણામે, હત્યાના એંગલથી તપાસ આગળ વધારવામાં આવી.
ઘટના પછી તરત જ, પોલીસને લાગ્યું કે કેતન કિનારા પાસે ફોટોગ્રાફ લેતી વખતે લપસી ગયો હશે. તેનું ગંભીર ઇજાઓથી મૃત્યુ થયું હતું, અને કેસ આકસ્મિક મૃત્યુ તરીકે નોંધવામાં આવ્યો હતો. જોકે, તપાસ દરમિયાન મળેલા તથ્યો અને કથિત પુરાવાઓના આધારે, પોલીસે કેસને હત્યાની તપાસ તરીકે આગળ વધારવાનું શરૂ કર્યું. પોલીસ કહે છે કે તપાસ ચાલુ છે અને તમામ પાસાઓની સંપૂર્ણ તપાસ કરવામાં આવી રહી છે. કોર્ટમાં પુરાવા રજૂ થયા પછી અને ન્યાયિક પ્રક્રિયા પૂર્ણ થયા પછી જ આરોપોની પુષ્ટિ શક્ય બનશે.
