જે હોસ્પિટલોનું કામ જીવ બચાવવાનું છે, તે હોસ્પિટલો પોતે જ એટલી બેહાલ થઈ ગઈ છે કે માનવતા દરરોજ તેમના દરવાજા પર દમ તોડી રહી છે. આનું તાજેતરનું ઉદાહરણ મધ્ય પ્રદેશના ગુનામાં જોવા મળ્યું હતું. જ્યાં આરોગ્ય સેવાઓ એટલી ખરાબ રીતે ભાંગી પડી ગઈ છે કે એક પુત્રએ તેના બીમાર પિતાને ખભા પર લઈ જવું પડ્યું કારણ કે હોસ્પિટલવાળા તેને સ્ટ્રેચર ન આપી શક્યા.
NDTVના અહેવાલ મુજબ, મુનેશ રઘુવંશી તેના બીમાર પિતા, ઇમરત સિંહને ગુના જિલ્લા હોસ્પિટલમાં લઈ ગયો હતો, પરંતુ તેને મદદ વિના અસહાય છોડી દેવામાં આવ્યો. મુનેશને તેના વૃદ્ધ, બીમાર પિતાને હોસ્પિટલ પરિસરમાં ખભા પર લઈ જવા મજબૂર થવું પડ્યું, કારણ કે ત્યાં કોઈ સ્ટ્રેચર કે કોઈ સપોર્ટ સ્ટાફ પણ નહોતો.
મુનેશ લાંબા સમય સુધી પોતાના પિતાને ખભા પર લઈને હોસ્પિટલમાં ભટકતો રહ્યો. તેને એવી આશા હતી કે કોઈ તેને મદદ કરશે. પરંતુ ત્યાં કોઈ વોર્ડ બોય કે સ્ટાફ નહોતો. મુનેશે વારંવાર હોસ્પિટલના સ્ટાફને મદદ માટે વિનંતી કરી. અહેવાલો અનુસાર, ઘણા સમય બાદ આખરે સ્ટ્રેચરની વ્યવસ્થા કરવામાં આવી. પરંતુ વાત માત્ર સ્ટ્રેચરની નહોતી. મુનેશે તેના પિતાને સ્ટ્રેચર પર રાખ્યા અને સારવાર માટે બીજા માળે જવા આગળ વધ્યો, પરંતુ તેને ખબર પડી કે હોસ્પિટલની લિફ્ટ બંધ છે. ત્યારબાદ તે એકલો તેના પિતાને રેમ્પ પર ધક્કો મારતા જેમ-તેમ બીજા માળે પહોંચ્યો. આ દરમિયાન, કોઈ સ્ટાફ સભ્ય તેની મદદ માટે આવ્યો નહીં.
હોસ્પિટલના રેકોર્ડ મુજબ, હાલમાં જિલ્લા હોસ્પિટલમાં 15 વોર્ડ બોય તૈનાત છે. તેઓ 3 શિફ્ટમાં કામ કરે છે. એક વોર્ડ બોયને ત્રણ શિફ્ટોમાં દરેકમાં સ્ટ્રેચરની ડ્યૂટી સોંપવામાં આવે છે, જ્યારે બાકીનાને વોર્ડમાં તૈનાત કરવામાં આવે છે. મુનેશે કહ્યું કે તેના પિતા હાઈ બ્લડ પ્રેશરના દર્દી. તે કહે છે કે, ‘હું મારા પિતાને ખભા પર લઈને હોસ્પિટલની અંદર ફરતો રહ્યો. મેં મદદ માટે વિનંતી કરી, પરંતુ કોઈએ જવાબ ન આપ્યો. હું અંદરથી હચમચી ગયો છું.’
આ ઘટના પર પ્રતિક્રિયા આપતા, CMHO ડૉ. રાજકુમાર રિશ્વરે કહ્યું કે પરિસ્થિતિ અસ્વીકાર્ય છે. વોર્ડ બોય્સે સ્ટ્રેચર સાથે દર્દીને મદદ કરવી જોઈતી હતી. તે સમયે ફરજ પર કોણ હતું તે જાણવા માટે તપાસ કરવામાં આવશે. જવાબદાર લોકો સામે કડક કાર્યવાહી કરવામાં આવશે.’
જોકે, ગુના જિલ્લા હોસ્પિટલમાં આવી ઘટના પહેલી વાર બની નથી. દર્દીઓ અને તેમના પરિવારો વારંવાર મૂળભૂત સુવિધાઓનો અભાવ, સ્ટાફની ગેરહાજરી અને ખરાબ ઓન-ગ્રાઉન્ડ મેનેજમેન્ટ અંગે ફરિયાદ કરતા રહે છે.
9.jpg)
